Showing posts with label Variety Article. Show all posts
Showing posts with label Variety Article. Show all posts

11 December 2010

Maung Maung One's Article

လူတယောက်ယောက်ကို လက်သီးနဲ့ထိုးဖို့ဆိုတာ ကိုယ့်မှာ မေးရိုးရှိရတယ်
မောင်မောင်ဝမ်း
ဒီဇင်ဘာ ၁၂၊ ၂၀၁၀


လူတယောက်ယောက်ကို လက်သီးနဲ့ထိုးဖို့ဆိုတာ
ကိုယ့်မှာ မေးရိုးရှိရတယ် တဲ့၊
ငါ့လက်သီးတွေက
မင်းဆီသက်ရောက်ဖို့၊ ငါ့မှာ မေးရိုးရှိတယ်။
ခုတော့ မင်းမှာ မေးရိုးမရှိဘဲ မင်းလက်သီးတွေ ငါ့အပေါ် လာလာသက်ရောက်နေတာ
အမှန်တရားရေ မင်း တရားလွန်လွန်းပြီ။

(ကဗျာဆရာ - မောင်ချောနွယ်)

အန်တီစု နေအိမ်အကျယ်ချုပ်က လွတ်လာတော့ ကြားလိုက်ရတဲ့စကားတွေက ကြက်သီးမွေးညှင်း ထလောက်စရာ။ “ကျမကို ထိန်းသိမ်းထားတဲ့သူတွေကို ကျမ အာဃာတမထားပါဘူး” တဲ့၊ ကိုယ့်အပေါ် ရက်ရက်စက်စက် လုပ်ထားတဲ့သူတွေအပေါ် ကျနော်တို့သာဆိုရင် ဒီလိုစကားမျိုး ပြောထွက်နိုင်ပါ့မလား စဉ်းစားကြည့်မိတယ်။ သေချာတယ်။ ကျနော် ပြောမထွက်ဘူး ဘာဖြစ်လို့လည်းဆိုတော့ ကျနော် အန်တီစုလောက် စိတ်ထားမကြီးကျယ် မမြင့်မြတ်လို့ဆိုတာ သေချာတယ်၊ အာဃာတ မဟုတ်ရင်တောင်မှ မကျေနပ်မှုလောက်တော့ ရင်ထဲကျန်နေဆဲပဲ။ စိတ်ရဲ့ဖြစ်စဉ်တွေမှာ အာဃာတတို့၊ ပျော်ရွှင်ခြင်း၊ ဝမ်းနည်းခြင်း၊ ကြောက်ရွံ့ခြင်းဆိုတာတွေဟာ ဒေါသစိတ်တွေပဲလို့ မှတ်သားဖူးတယ်။ ဒေါသကြီးလေ အကြောက်တရား ကြီးလေပဲတဲ့ … ထို့နည်းတူ အကြောက်ကြီးလေ ... ဒေါသကြီးလေပဲ တဲ့။

ဒီလိုခံနိုင်ရည်နဲ့ မိမိရဲ့ အာဃာတတရားတွေကို ပယ်ဖျောက်ပြီး မိမိကို ရက်စက်ခဲ့တဲ့သူတွေကို တောင်မှ အကောင်းမွန်ဆုံး ပြန်လည်ဆက်ဆံတတ်တဲ့လူတွေထဲမှာ တောင်ကိုးရီးယားနိုင်ငံမှာ သမ္မတ ဖြစ်ခဲ့တဲ့ ကင်ဒေးဂျုံရယ်၊ အန်တီစုရယ်ကိုတော့ ကျနော့်ဘဝမှာ အလေးစားဆုံးနဲ့ စံနမူနာ အယူထိုက်ဆုံးသူများအဖြစ် မှတ်တမ်းတင်ထားပါတယ်။ ကင်ဒေးဂျုံဆိုတာ တောင်ကိုးရီးယားနိုင်ငံမှာ တချိန်က အတိုက်အခံ ခေါင်းဆောင်တယောက်ပါ (အခု အန်တီစုလိုပေါ့)။ အဲဒီအချိန်မှာ ဗိုလ်ချုပ်ကြီး ပတ်ချုံဟီးဆိုတာ တောင်ကိုးရီးယားနိုင်ငံရဲ့ လျှမ်းလျှမ်းတောက် စစ်အာဏာရှင်ကြီး (အခု ဗိုလ်ချုပ်မှူးကြီး သန်းရွှေလို)၊ ပတ်ချုံဟီး အာဏာရှိနေစဉ်မှာ အတိုက်အခံတွေကို ရက်ရက်စက်စက် နှိပ်ကွပ်ခဲ့တာ၊ ဒီအထဲမှာ ကင်ဒေးဂျုံဆို ဘယ်လောက်ခံရသလဲဆိုတော့ သူ့ကို အလုံပိတ်သေတ္တာထဲ ကြိုးတွေနဲ့ တုတ်ထည့်ပြီး ပင်လယ်ထဲကိုတောင် မြှုပ်သတ်ခါနီးဆဲဆဲ အမေရိကန် ထောက်လှမ်းရေး စီအိုင်အေက တဆင့် အမေရိကန်အစိုးရက သိသွားတယ်။ ချက်ခြင်းပဲ လှမ်းပြီး အကြောင်းကြားလိုက်တယ်။ ကင်ဒေးဂျုံကိုသာ သတ်ဖြတ်ခဲ့မယ်ဆိုရင် အမေရိကန်နဲ့ တောင်ကိုရီးယားရဲ့ ဆက်ဆံရေးဟာ ထိခိုက်နိုင်စရာရှိပါတယ်ဆိုမှ မသတ်တော့ဘဲ နေအိမ်အကျယ်ချုပ်နဲ့ ပြန်ထည့်ထားလိုက်တယ်။

နောက် ဒီထက်ဆိုးတဲ့ အဖြစ်တခုကတော့ ကင်ဒေးဂျုံကို ကားနဲ့တိုက်သတ်တာ၊ ဒါလည်း မသေဘူး။ ဒါပေမယ့် ခြေထောက် ပြင်းပြင်းထန်ထန် ကျိုးသွားတယ်။ သမ္မတဖြစ်တဲ့အချိန်မှာ သူ လမ်းလျှောက်တာ သတိထားကြည့်မိတော့ နည်းနည်း ထော့နင်း ထော့နင်း ဖြစ်နေတယ်။ အဲဒါ စစ်အာဏာရှင်ကြီး ဗိုလ်ချုပ်ကြီး ပတ်ချုံဟီး လက်ချက်တွေပေါ့၊ ဘယ်လောက် ရက်စက်ခဲ့သလဲ စဉ်းစားသာ ကြည့်ကြပါ၊ ကြောက်စရာကောင်းလောက်အောင်ကို ရက်စက်ခဲ့တာပါ။ ပတ်ချုံဟီးလည်း သူပြုသမျှ သူခံဆိုသလို သူ့လက်အောက်က အားအကိုးရဆုံး အရင်းနှီးဆုံး ထောက်လှမ်းရေးမှူးချုပ်က ဧည့်ခံပွဲမှာ သေနတ်နဲ့ ပစ်သတ်ပစ်လိုက်တယ်။ အဲဒီမှာတင် တောင်ကိုရီးယားနိုင်ငံရဲ့ စစ်အာဏာရှင်ကြီး ဗိုလ်ချုပ်ကြီး ပတ်ချုံဟီးဘဝ နိဌိတံ အဆုံးသတ်သွားတော့တာပါပဲ။ ကင်ဒေးဂျုံ နိုင်ငံရေးဘဝ စာမျက်နှာတွေမှာ သေဒဏ်အထိ ပြင်းထန်တဲ့ ပြစ်ဒဏ်တွေ၊ တခြားနိုင်ငံထိ သွားရောက်နေထိုင်နေရတဲ့ ပြည်နှင်ဒဏ်တွေ၊ လုပ်ကြံ သတ်ဖြတ်ခံရမှုတွေ၊ အနိမ့်ဆုံး အိမ်တွင်း နေအိမ်အကျယ်ချုပ်ဘဝတွေနဲ့ ခါးသီးဖွယ်ရာ ကျော်ဖြတ်လာခဲ့ရတာပါ။

သို့သော် ကင်ဒေးဂျုံဟာ တောင်ကိုးရီးယားနိုင်ငံရဲ့ သမ္မတကြီးဖြစ်လာတဲ့အချိန် တနေ့မှာ ပတ်ချုံဟီးရဲ့ဂူဗိမာန်ကို သွားရောက် ဂါရဝပြုတယ်။ ဗိုလ်ချုပ်ကြီး ပတ်ချုံဟီးရဲ့ တိုင်းပြည်အပေါ် စွမ်းဆောင်ချက်တွေထဲက ကောင်းတဲ့အချက်တွေကို ထုတ်နုတ်ချီးမွှန်းခဲ့တယ်။ သူဟာ အဆက်ဆက်သော တောင်ကိုးရီးယား ခေါင်းဆောင်တွေရဲ့ တိုင်းပြည်အပေါ် တိုးတက်အောင် လုပ်ဆောင်ထားချက်များကို လက်ဆင့်ကမ်း ဆောင်ရွက်နေသူတယောက်ပါ တဲ့၊ (စစ်အာဏာရှင်တွေရဲ့ ရက်ရက်စက်စက် သတ်ဖြတ် ညှဉ်းဆဲမှုတွေကို တလုံးတပါဒမျှ ဖွင့်ဟမသွားခဲ့ဘူး)၊ ပြီးတော့ အလေးပြုတယ်၊ ပတ်ချုံဟီးရဲ့ ဂူဗိမာန် လိုအပ်ချက်အတွက် အလှူငွေ ထည့်ဝင်ပေးခဲ့တယ်၊ ပြန်အထွက် သတင်းထောက်တွေက သူ့ကို မေးတဲ့အခါ … …

“သမ္မတကြီး ခင်ဗျား ... သမ္မတကြီးကို အခုလို ရက်ရက်စက်စက် နှိပ်ကွပ်ခဲ့သူတယောက်အပေါ် ကလဲ့စားချေချင် စိတ်၊ အဃာတ တရားတွေမရှိဘဲ သဘောထားနိုင်တာဟာ ဘာ့ကြောင့်ပါလဲ” ဆိုတော့

“ကျနော် နိုင်ငံရေးလုပ်တာ.. ကလဲ့စားချေဖို့ နိုင်ငံရေးလုပ်တာ မဟုတ်ဘူး … တိုင်းပြည် တိုးတက်ဖို့လုပ်တာ ကလဲ့စား အပြန်အလှန် ချေမှုန်းနေခြင်းဖြင့် တိုင်းပြည်တိုးတက်မလာဘူး ... ဆုတ်ယုတ်သွားဖို့ပဲ ရှိတယ် … နောက်ပြီး .. ဒီကိစ္စတွေဟာ ဘယ်တော့မှ ပြီးဆုံးသွားမှာ မဟုတ်ဘူး သံသရာလည်နေမှာပဲ”

ဆိုပြီး ပြောအပြီးမှာတော့ သမ္မတကြီး ကင်ဒေးဂျုံဟာ ခြေထောက် ထော့နင်း ထော့နင်းနဲ့ ပရိတ်သတ်ကြီးကို နှုတ်ဆက်ပြီး ထွက်ခွာသွားခဲ့တယ်။ ကျန်ရစ်ခဲ့တဲ့ ပရိတ်သတ်တွေအထဲမှာ ပတ်ချုံဟီးရဲ့ ဆွေတော်မျိုးတော်များ ပါရှိတယ်၊ အားလုံး အားလုံးဟာ တိုင်ပင်မထားဘဲ မျက်ရည်တွေ ပါးပြင်ပေါ် စီးကျလာကြတယ်။ ပရိတ်သတ်ကြီးလည်း ထိုနည်းတူစွာပါပဲ။ ချက်ခြင်းဆိုသလို အဲဒီသတင်းကို ထုတ်လွှင့်လိုက်တော့ တနိုင်ငံလုံးမှာရှိတဲ့ ပြည်သူတွေဟာ သမ္မတကြီးအပေါ် ကရုဏာတွေ သက်ဝင်သွားပြီး ပြည်သူတယောက်ကဆိုရင် “ကျမ သမ္မတကြီးကို အရင်ကထက်ကို ပိုလို့ လေးစားသွားပါပြီရှင်၊ သူဟာ ကျမတို့ တောင်ကိုရီးယားနိုင်ငံကြီး တိုးတက်ဖို့ကလွဲလို့ ကျန်တဲ့ မကောင်းစိတ်ဆိုတာ လုံးလုံးကိုမရှိတဲ့သူတယောက်လို့ ပြောချင်ပါတယ် .. အငြိုးတွေ၊ အာဃာတတွေနဲ့ တန်ပြန်နေမယ်ဆိုရင် .. အဆိုးသံသရာကြီးထဲက ကျမတို့ ဘယ်လို ရုန်းထွက်ကြတော့မှာလဲ”

ဒါ့ကြောင့် ထူးခြားတဲ့ခေါင်းဆောင်တွေမှာ ထူးခြားတဲ့ အမူအကျင့်တွေ ရှိတယ်၊ သာမန် လူပုဂ္ဂိုလ်တို့ ကျင့်နိုင်ခဲတဲ့ကိစ္စတွေပါ။ အန်တီစုဆို ကျနော်တို့ နိုင်ငံသားအားလုံး သိကြတဲ့အတိုင်း အမျိုးမျိုးလုပ်ကြံမှုတွေနဲ့ သေမင်းထံက အခေါက်ခေါက် ပြန်လာခဲ့ရပြီ၊ (မပြောကောင်း မဆိုကောင်း) နောက်ရော ဘယ်လိုများ ကြုံတွေ့ရပါဦးမလဲ၊ စိုးရိမ်စရာပါ။ လက်ရှိ စစ်ခေါင်းဆောင် အပါအဝင် တော်တော်များများရဲ့စိတ်က ဆတ်ဆတ်ထိမခံ၊ ကိုယ်စိတ်နှလုံးနဲ့ အကြမ်းဖက် တုံ့ပြန်မှုကို ဝန်မလေးတတ်ကြသူတွေပါ၊ ကျနော်ကြုံခဲ့ရတာလေး ဖောက်သည်ချချင်သေးတယ် … ဒီလိုပါ … …။

ကျနော် နိုင်ငံရေးအကျဉ်းသားဘဝနဲ့ ထောင်တထောင်မှာ နေနေရတဲ့အချိန်၊ စစ်တပ်က အရာရှိကြီးတချို့ ထောင်ကျလာတယ်။ သူတို့ကို သာမန် ရာဇဝတ်သားတွေထားတဲ့ နေရာမှာလည်း ထားလို့က မရ (အရာရှိကြီးကြောင့်ဆိုပြီးတော့ တော့ မဟုတ်ပါဘူး၊ ရာဇဝတ်သားများက ရိုက်သတ်ပစ်မှာ စိုးလို့ပါ) အဲဒါ ကျနော်တို့ နိုင်ငံရေးအကျဉ်းသားများ ထားရာနေရာမှာ လာထားတယ်။ ထောင်ကလည်း အရမ်းသေးဆိုတော့ တခြားနေရာလည်း သွားထားစရာက မရှိဘူးလေ၊ ကျနော်တို့ဆီ လာထားပေမယ့် ကျနော်တို့က မဖွယ်မရာ မဆက်ဆံပါဘူး။ တယောက်နဲ့တယောက် အပြန်အလှန် လေးစားမှုတွေနဲ့ ဆက်ဆံကြပါတယ်။ တနေ့ ထောင်ပိုင် လှည့်လည်စစ်ဆေးတော့ အရာရှိကြီးတယောက်ကို ထောင်ပိုင်က ပြောတယ် …

“ခင်ဗျားတို့ ဒီနေရာ နယ်နမိတ်ကနေကျော်ပြီး အပြင်မထွက်ပါနဲ့ .. အန္တရာယ်ရှိလို့ပါ တဲ့” ပြောသွားတာ ဒါလေးပါပဲ၊ တကယ်တော့ ထောင်ပိုင်အနေနဲ့ ပြောသင့်တဲ့စကားပါ။ ဘာလို့လည်းဆိုတော့ သူတို့က ကျနော်တို့နေရတဲ့ ပရဝဏ်အပြင်ဘက်ကို ထွက်ထွက်ပြီး စကားတွေပြော၊ ပစ္စည်း အပေးအယူတွေလုပ်နဲ့ ဆိုတော့၊ သူတို့ကို မုန်းတဲ့သူတယောက်ယောက်က တခုခုလုပ်လိုက်ရင် ထောင်ပိုင်မှာပါ လာပြဿနာတက်မှာလေ … ထောင်ပိုင်ပြောသွားတာကလည်း လူကြီး လူကောင်းဆန်ဆန် ယဉ်ယဉ်ကျေးကျေး ပြောသွားတာပါ .. ထောင်ပိုင်လည်း ပြန်သွားရော ..

“ဒီကောင် လူပါးဝတယ် … ငါတို့ ဘာ ရာထူးအာဏာမှ မရှိတော့လို့ စော်ကားတာ .. တွေ့မယ် .. ငါတို့မှာ ရာထူးအာဏာမရှိတော့ပေမယ့်လို့ .. အစွယ်တော့ ကျန်သေးတယ် .. တွေ့မယ်” အသားတွေ တောင် တဆတ်ဆတ်တုန်လို့ ... ကြိမ်းလိုက် ဝါးလိုက်တာ နေ့စဉ် အစားသောက်တောင် မစားနိုင်လောက်အောင်ကို ဖြစ်သွားတာ .. တော်တော် စိတ်ထိခိုက်သွားပုံရတယ်။ မတော်ဆို ကျနော်တို့ လာပြောကြည့်ပါ့လား ... မသွားနဲ့ဆို မသွားဘူးပေါ့ ဒါ စည်းကမ်းပဲ၊ ထောင်ပိုင်ပြန်မသွားခင်တောင် သူပြောတာ သတိရမှာ မဟုတ်တော့ဘူး .. စိတ်ထဲက ပျောက်သွားမှာ အသေအချာပဲ၊ ဘာမှခံစားနေရမယ့် အရာလည်း မဟုတ်ပါဘူး၊ ဒါမျိုးအဖြစ်ပျက်က ဒီတကြိမ်လားဆိုတော့ -- မဟုတ်ဘူး ခဏခဏကို တွေ့ဖူးတာ အပြင်လောက ရောက်ပြန်တော့လည်း တွေ့ဖူးတာပဲ၊ သူတို့က သူတို့ အလှည့်ရောက်ရင် မခံနိုင်ဘူး၊ အားလုံးက ပုံစံခွက်ထဲက ထုတ်လိုက်တဲ့ ကုန်ပစ္စည်းများလို .. အတူတူပဲ၊ သူတို့ရဲ့စိတ်တွေက အရမ်း ထိခိုက်ရှနာ လွယ်တယ်၊ စောစောကပြောခဲ့တဲ့ အရာရှိကြီးဆို သူတာဝန်ခဲ့ယူခဲ့တဲ့အချိန်က လူတွေအပေါ် တော်တော်ကို အနိုင်ကျင့်ခဲ့တယ်ဆိုတယ် အသံတွေလည်း ပြန်ကြားရပါတယ်။

ဒေါသကြီးရင် .. အကြောက်လည်း သိပ်ကြီးတယ်တဲ့ .. စိုးရိမ်စိတ်လည်း သိပ်ကြီးတယ်၊ ဒီလိုလူတွေက စိတ်အတက်အကျလည်း သိပ်မြန်တတ်တယ်။

တခါ တလောက ဖေ့ဘွတ်ကနေတဆင့် အုတ်အုတ်ကြွက်ကြွက်ဖြစ်သွားတဲ့ ဗိုလ်ချုပ်ခင်ညွန့်ရဲ့ ဗွီဒီယိုခွေ ပြန့်နှံ့သွားတော့ ကျနော် ကြည့်လိုက်ပါတယ်။ အားလုံး တော်တော်များများလည်း သိနေပြီးသားပါ၊ သူ့ပုံက စိတ်ကျဝေဒနာခံစားနေရတဲ့ လက္ခဏာသွင်ပြင်ပုံသဏ္ဍန်တွေ တွေ့နေရပါတယ်။ တချိန်က ကျနော်တို့ကို သူ့ညွှန်ကြားချက်နဲ့ နှိပ်စက်ခိုင်းခဲ့ပါတယ်ဆိုတဲ့ အာဃာတရားကို ဘေးဖယ်ပြီး လူသားတယောက်အမြင်နဲ့ ကြည့်မယ်ဆိုရင် တော်တော် သနားစရာကောင်းတဲ့ မြင်ကွင်းပါ။ တခြားဟာ သနားတာထက် စိတ်ကျဝေဒနာ ခံစားနေရတဲ့သူ့ပုံစံကိုပါ။ တဖက်ကိုလှည့်ကြည့်ရအောင် အန်တီစုလည်း သူ့လို နေအိမ်အကျယ်ချုပ်နဲ့နေနေရတာ သက်တမ်းအားဖြင့် သူ့ထက် ကြာပါတယ်၊ နေအိမ် အကျယ်ချုပ်ခြင်းအတူတူ ဘာဖြစ်လို့ ဒီလိုကွာခြားသွားတာပါလိမ့် စဉ်းစားကြည့်ရအောင် … စေတနာနဲ့ ယုံကြည်ချက်တွေ၊ စွန့်လွှတ်အနစ်နာခံမှုတွေက ကွာသွားလို့ပါ၊ အရာရာကို ပေးဆပ်ဖို့ ဆုံးဖြတ်ထားတဲ့ အန်တီစု အနေနဲ့က စွန့်လွှတ်ရတယ်ဆိုတာ သေးဖွဲတဲ့ကိစ္စ ဖြစ်သွားပါပြီလေ၊ စိတ်ဖြစ်စဉ်နဲ့သုံးသပ်မယ် ဆိုရင်ကိုက … လောဘနည်းသွားပြီ … လောဘနည်းတော့ ဒေါသလည်း နည်းသွားပြီ ... အဲဒီ ဆင့်ကဲဖြစ်စဉ်တွေအရ စိတ်ဓာတ်ကျဆင်းခြင်းတွေ၊ ဝမ်းနည်းခြင်းတွေ၊ ပူဆွေးခြင်းတွေ၊ အာဃာတ အမုန်းတရားတွေဆိုတာ နည်းသွားတာ သေချာသလောက် ရှိသွားပြီပေါ့ဗျာ။

ဒီပဲယင်း ခရီးစဉ်မှာ မလိုသူတွေက ဝိုင်းရိုက်ကြတော့ အန်တီက ပြန်တုံ့ပြန်ဖို့ ညွန်ကြားခဲ့တာမှ မဟုတ်တာ၊ လုပ်သမျှ ခါးစည်းခံဖို့ပဲ ပြောခဲ့တယ်၊ အဲဒါ အကြမ်းမဖက်လမ်းစဉ်ပေါ့၊ အကြမ်းမဖက်လမ်းစဉ် ဆိုတာ ခရီးရှည်ကောင်း ရှည်နိုင်တယ်၊ ဒါပေမယ့် တိုင်းပြည် အထိနည်းတယ်၊ ကမ္ဘာနဲ့ လူထုက ထောက်ခံတယ်၊ အကြမ်းမဖက်လမ်းစဉ် ကျင့်သုံးဖို့ဆိုတာ တော်ရုံလွယ်ကူတဲ့ကိစ္စတော့ မဟုတ်ပါဘူး။

တလောက ‘ငါးမင်းဆွေ’ ဆိုတဲ့ပုဂ္ဂိုလ်က အမျိုးသားဒီမိုကရေစီအဖွဲ့ချုပ်ရုံးကို လာရောက်ပြီး အန်တီစုကို စွပ်စွဲတာ တော်တော်များများ သိပြီးသားကိစ္စတခုပါ။ နိုင်ငံတကာက မြန်မာနိုင်ငံအပေါ် စီးပွားပိတ်ဆို့မှုလုပ်တဲ့အရာပေါ်မှာ အကြမ်းဖက်မှုလို့ သူက တဖက်သတ် ပြောဆိုထားတယ်၊ ကျနော့် အမြင်လေးတခု တင်ပြချင်တယ်၊ sanction ဆိုတာ အရေးယူပိတ်ဆို့ဆောင်ရွက်မှုလို့ အကြမ်းအားဖြင့် မှတ်ထားလို့ရပါတယ်။ (sanction) ကို အမှန်တကယ် ရုတ်သိမ်းလိုတယ်ဆိုရင် နှစ်ဖက်လုံးက တပြိုင်နက်ထဲလုပ်မှ တရားမျှတမှာပေါ့နော၊ sanction ကို တဖက်သတ် ရုတ်သိမ်းခိုင်းမယ်ဆိုရင်တော့ ဘယ် တရားမျှတပါ့မလဲ။

တကယ်တော့ sanction ကို စစ်အာဏာရှင်များကလည်း အတိုက်အခံ အင်အားစုနဲ့ ပြည်သူလူထုအပေါ် ချမှတ်ထားတာပါပဲ။ ပြည်သူတွေကို နိုင်ငံရေးနဲ့ ကင်းရှင်းခိုင်းတာတို့၊ နိုင်ငံရေးနဲ့ ဆက်နွယ်နေသူများကို အရေးယူတာတို့၊ အဘက်ဘက်က ဖိအားပေး ဆောင်ရွက်တာတို့ ဆိုတာတွေဟာ စစ်အာဏာရှင်အစိုးရက ပြည်သူတွေအပေါ် ချမှတ်ထားတဲ့ sanction တွေ မဟုတ်ဘူးလား၊ ပမာပြောရရင် အန်တီစု အင်တာနက် လျှောက်တာကိုတောင်မှ ပိတ်ဆို့ထားတာဟာ အဲဒါ sanction ပေါ့ဗျာ။

အဲဒီတော့ တိုးတက်တဲ့ ဖွံ့ဖြိုးတဲ့ နိုင်ငံတခုဆီကို ဦးတည်မယ်ဆိုရင် sanction ကို တဖက်သတ် မဟုတ်ဘဲ နအဖ စစ်အာဏာရှင်တွေဘက်ကရော ဖွင့်ပေးဖို့လိုလိမ့်လေ၊ အဲဒါကို အတိုက်အခံဘက်က လိုက်မလုပ်ဘူးဆိုရင်တော့ အတိုက်အခံဘက်က အဆိုးပေါ့၊ တဖက်သတ်ကြီးကတော့ မသင့်တော်ပါဘူး၊ ဒီလိုလုပ်ဆောင်ခြင်းဟာ တရားမျှတတဲ့ကိစ္စတခုပါ။ ဒါ အကြမ်းဖက်မှုလည်း မဟုတ်ဘူး၊ သူများကိုကျ လက်သီးနဲ့ထိုးချင်ပြီး မိမိကိုယ်တိုင်ကြ မေးရိုးမဲ့ဖြစ်နေတာ လောကဓမ္မတာနဲ့ကြည့်ရင် .. မသင့်တော်ပါဘူး။

ကျနော် ပြောနိုင်တာတခု ရှိပါတယ်။ မြန်မာလူထုရဲ့ စိတ်ဓာတ်တွေဟာ ရုန့်ရင်းကြမ်းတမ်း ခက်ထန်တတ်တဲ့ လူမျိုးတွေ မဟုတ်ဘူးဆိုတာ သေချာပါတယ်။ ခွင့်လွှတ် သည်းခံ၊ စိတ်ရှည်တတ်တဲ့သူတွေ ဖြစ်တယ်။ တကယ်လို့ ဗိုလ်ချုပ်ကြီးများကလည်း တိုင်းပြည်မျက်နှာကို ကြည့်ပြီး အန်တီစုနဲ့ အမှန်တကယ် လက်တွဲဆောင်ရွက်သွားဖို့ အချိန်လေးက သာသာယာယာရှိနေဆဲပါ။ လူထုကရော၊ နိုင်ငံတကာကရော မျှော်လင့်နေဆဲပါ။ အဲသလိုမဟုတ်ဘဲ မုန်တိုင်းထန်တဲ့ အချိန်ရောက်မှ ဆိုလျှင်တော့ မဖြစ်သင့်တာတွေ ဖြစ်ကုန်မှာ အမှန်ပဲ။ ဘယ်သူကမှလည်း အပြန်အလှန် ခွင့်လွှတ်ချင်တော့မှ မဟုတ်ဘူး။ ကျနော်တို့ လူထုကလည်း နားလည်ပါတယ်။ ဒီအချိန်မှာ အာဏာကို လက်ဆုပ်လက်ကိုင်ယူထားတာ ဗိုလ်ချုပ်ကြီးများပါ။ တချို့ အခွင့်အလမ်းများက တပြိုင်နက်ထဲ တောင်းဆိုလို့ ယူလို့ မရတာရှိတယ် (ဆရာ အောင်သင်း အဆိုအမိန့်ပေါ့) ဥပမာ .. ကော်ဖီ သောက်မလား၊ မုန့်စားမလားဆိုရင် ကော်ဖီလည်းသောက်မယ်၊ မုန့်လည်းစားမယ် နှစ်ခုလုံးသုံးလို့ ရတယ်၊ လူတယောက်ရဲ့ အိုခြင်းနဲ့ ရှင်သန်ခြင်း တခုခုကိုရွေးပါဆိုရင်တော့ နှစ်ခုလုံး တပြိုင်နက်ထဲ ရွေးလို့မရတော့ဘူး၊ မအိုချင်ရင် သေ (အုဝဲဆိုကထဲက သေလိုက်ရင် .. မအိုတော့ဘူး)၊ မသေချင်ရင် အိုကို အိုရမယ်၊ ဒီလိုပါပဲ၊ တိုင်းပြည်ကို အမျိုးသားပြန်လည်သင့်မြတ်ရေးနဲ့ တိုးတက်အောင် လုပ်သွားမလား၊ ဗိုလ်ချုပ်ကြီးများရဲ့ ကျူးလွန်ခဲ့တဲ့အရာတွေအတွက် တုံ့ပြန်မလားဆိုတာမှာ တခုခုကိုပဲ ရွေးချယ်ရတော့မှာဆိုတာကို လူထုက သဘောပေါက်ပါတယ်။ ဒီအဆင့်တွေမှာ အချိန်လေး ရနေပါသေးတယ်။ ဒီထက်ကျော်လွန်သွားမယ်ဆိုရင်တော့ ဗိုလ်ချုပ်ကြီးများအတွက် ရသင့်တဲ့ အခွင့်အရေးများကို လူထုက အပြီးတိုင် သိမ်းပိုက်ယူသွားပါလိမ့်မယ်။

တကယ်လို့ ခေါင်းမာစွာနဲ့ ၂၀၀၈ အခြေခံဥပဒေအတိုင်း ဆက်သွားမယ်၊ ပုံစံမပြောင်း ဆက်လက်ချီတက်မယ်ဆိုရင်တော့ တိုင်းပြည်စီးပွားရေးဟာ အောက်ဆုံးအထိ ကျဆင်းသွားပြီး အငတ်ဆိုက်ပြဿနာတွေနဲ့ ကြုံလာပါလိမ့်မယ်၊ အခုလည်း ကြုံနေရပါပြီ။ ဒါဆိုရင် လူထုက သည်းခံနိုင်တော့မှာ မဟုတ်တော့ပါဘူး၊ အဆုံးစွန်အထိ ပေါက်ကွဲထွက်လာရင် ဗိုလ်ချုပ်ကြီးများအတွက် ထွက်လမ်း ပိတ်သွားနိုင်ပါတယ်။ နိုင်ငံတကာ မကြည်ညိုသော စစ်ခေါင်းဆောင်ကြီးများ၊ လျှပ်စစ် စွမ်းအင်အား နည်းသောနိုင်ငံ၊ လာဘ်ပေးလာဘ်ယူ ကြီးထွားနေသော ယဉ်ကျေးမှုရဲ့ အောက်မှာရှိနေတဲ့ ကျနော်တို့ လက်ရှိနိုင်ငံ အခင်းအကျင်းကို ဘယ်နိုင်တကာကမှ လာရောက် စီးပွားမြှုပ်နှံမှာ မဟုတ်ဘူးဆိုတာကို သေသေချာချာ ပြောနိုင်ပါတယ်။

အခုမြန်မာပြည်ကို လာရောက်ရင်းနှီးမြှုပ်နှံနေတဲ့ နိုင်ငံတကာဆိုတဲ့သူတွေက အသေးစားလေးတွေပါ၊ တိုင်းပြည်စီးပွား ဦးမော့လာအောင် မစွမ်းဆောင်နိုင်ပါဘူး၊ တိုင်းပြည်စီးပွား ဦးမော့လာဖို့ တရုတ်လောက် အားကိုးနေရုံနဲ့ မဖြစ်ဘူးဆိုတာ ပြောပါရစေ၊ အမေရိကန်နဲ့ အနောက်အုပ်စုမပါဘဲ တိုင်းပြည်စီးပွား ဦးမော့လာဖို့ဆိုတာ စိတ်ကူးယဉ်မျှသာ ဖြစ်ပါလိမ့်မယ်၊ နအဖ စစ်ဗိုလ်ချုပ်ကြီးများ ဟစ်ကြွေးနေသလို ကျနော်တို့နိုင်ငံဟာ သယံဇာတ ပေါကြွယ်ဝတယ်ဆိုတာ တကယ်တော့ တိုင်းပြည်တပြည်ကို စီးပွားတိုးတက်လောက်အောင်အထိ ပေါကြွယ်ဝတာ မဟုတ်ပါဘူး၊ အရေးကြီးဆုံးက လူသား အရင်းအမြစ်ပါ၊ စင်္ကာပူနိုင်ငံဟာ ဘာသယံဇာတမှ မရှိဘဲ နိုင်ငံတိုးတက်အောင် ထူထောင်သွားနိုင်ပါတယ်။ ဒါဟာ စနစ်ကောင်း၊ ခေါင်းဆောင်ကောင်းနဲ့ လူသားအရင်းမြစ်များကြောင့်ပဲ ဖြစ်ပါတယ်။

ဒီနေ့ မြန်မာနိုင်ငံမှာ ဆိုးဝါးလှတဲ့ စစ်အာဏာရှင်များရဲ့ စနစ်ဆိုးဒဏ်ကို ပြည်သူတွေတင် မဟုတ်ပါဘူး၊ တပ်မတော်သားများလည်း ခါးစည်းခံနေရတာပါ၊ တကယ်တော့ နအဖ စစ်ခေါင်းဆောင်များကြီးဟာ မြန်မာ့တပ်မတော်ကို ကျွန်ပြုပြီး ထင်ရာကြဲနေတဲ့သူတွေဆိုရင် ငြင်းကြဦးမှာလား၊ ဒီသဘောတရားကို တပ်မတော်ဟာ နားလည်သဘောပေါက်ပြီး ပြည်သူနဲ့ ပူးပေါင်းလာတဲ့တနေ့ စစ်အာဏာရှင်ကြီးများအတွက် များစွာသော ပေးဆပ်မှုများနဲ့ ကြုံလာရနိုင်ပါတယ်။ အကောင်းဆုံးကတော့ လူထုခေါင်းဆောင် ဒေါ်အောင်ဆန်းစုကြည် အပါအဝင် ဒီမိုကရက်တစ် အတိုက်အခံ ခေါင်းဆောင်တွေရယ်၊ တိုင်းရင်းသား ကိုယ်စားပြု၊ မြေပေါ်မြေအောက် ခေါင်းဆောင်တွေရယ်၊ ဗိုလ်ချုပ်ကြီးများရယ် တိုင်းပြည်ပြဿနာများကို တွေ့ဆုံဆွေးနွေး အဖြေရှာခြင်းဖြင့် အမျိုးသား ပြန်လည်သင့်မြတ်ရေးဆီသို့ ဦးတည်သွားသင့်သောအချိန် ရောက်ရှိနေပါပြီ။

လူတယောက်ယောက်ကို လက်သီးနဲ့ ထိုးဖို့ဆိုတာ ကိုယ့်မှာ မေးရိုးရှိရတယ်။

အတိုင်းအတာတခုထိ အချိန်လေး ရနေသေးတုန်းပါပဲ။


အားလုံးကို လေးစားစွာဖြင့်
မောင်မောင်ဝမ်း

23 November 2010

Maung Maung One Article for Daw Su - 8

ဒေါ်အောင်ဆန်းစုကြည်၏ နှလုံးသားပုံရိပ်များ (နိဂုံးပိုင်း)
မောင်မောင်ဝမ်း
နိုဝင်ဘာ ၂၄၊ ၂၀၁၀

“ကျမ အမျိုးသားရင်ကြားစေ့ရေးကို ကျမ အမြဲ ယုံကြည်ပါတယ်။ ကျမတို့ဟာ ပြည်သူရဲ့ အင်အားကို အားကိုးပြီးတော့ အလုပ်လုပ်နေတာလို့ အကြိမ်ကြိမ်အခါခါ ပြောခဲ့ပြီးပါပြီ။ ပြည်သူရဲ့ အင်အားကို စနစ်တကျသုံးမှပဲ ထိရောက်မှာပါ။ ပြည်သူတွေကို ထပ်ပြီး မှာပါရစေ။ ကိုယ်လိုချင်တာကို မျှော်လင့်နေရုံနဲ့ မအောင်မြင်ပါဘူး။ ကိုယ်လိုချင်တာကို ရအောင်လုပ်ကြမှ၊ လုပ်ရဲမှ၊ လုပ်နိုင်မှ ရမယ်။ အကောင်းဆုံး နည်းလမ်းကို ရှာရမယ်’’

(ဒေါ်အောင်ဆန်းစုကြည်၏ မိန့်ခွန်းကောက်နုတ်ချက်တခုမှ -)

တခါက ကျနော့်မြို့မှာပါ ...။

ကျနော်တို့အပေါင်းသင်းတွေ ဝိုင်းဖွဲ့ပြီးစကားပြောနေတဲ့အချိန်မှာ မြို့ပေါ်က နည်းနည်းပိုက်ဆံ ချမ်းသာတယ်လို့ ပြောလို့ရတဲ့သူတယောက် ဝင်လာတယ်။ ပြီးတော့ အဆက်မပြတ်ဆိုသလို …

“သူ့စီးပွားရေးကို ဘယ်အာဏာပိုင်တွေက ဘယ်လိုနှိပ်စက်လို့ ဘယ်လို ဒုက္ခရောက်တဲ့အကြောင်း၊ စီးပွားရေး လုပ်ပိုင်ခွင့်များကိုလည်း ဘယ်လို ကန့်သတ်ပိတ်ပင်တဲ့အကြောင်း”တွေကို ခိုသံပါအောင် ညည်းရင်း ပြောနေလိုက်တာ၊ ကျနော်တို့တောင် ပိုက်ဆံစုပြီး သူ့ကို ဝိုင်းကူပေးရမယ့်ပုံ …။

ဒါနဲ့ တယောက်က စလာတယ် …။

“ဒါ .. စံနစ်ကြောင့်ပေါ့ .. စံနစ်ကို ပြုပြင်ရမယ်” လို့ပြောတော့ အဲဒီလူက ထိုင်ရာကနေ ထသွား မယောင်တောင် ဖြစ်သွားတယ်။

“ခင်ဗျားတို့ နိုင်ငံရေးအကြောင်းပြောမယ်ဆို .. ကျနော် နားမထောင်ချင်ဘူးဗျာ .. နိုင်ငံရေးကို ကျနော် စိတ်မဝင်စားဘူး” လို့ ဆိုလာတော့၊ ကျနော်က …

“အခုခင်ဗျား ညည်းနေတာတွေဟာ နိုင်ငံရေး မဟုတ်ဘူးလား .. အဲဒါ ခင်ဗျား နိုင်ငံရေးအကြောင်း ပြောနေတာပဲ”

“ဟာ .. မလုပ်ပါနဲ့ဗျာ .. ကျနော်က ကိုယ့်စီးပွားကလွဲပြီး ဘာမှစိတ်မဝင်စားဘူးဗျ .. ပိုက်ဆံရဖို့ပဲ သိတယ် .. ကိုယ်လုပ်မှ ကိုယ်စားရတာပါဗျာ”

ခေါင်းကိုတွင်တွင်ကုတ်ရင်း ကျနော်တို့စကားတွေကို ဇွတ်ငြင်းချက်ထုတ်တော့တယ် ..။ ဒီလူနဲ့တော့ ခက်ပြီ …။

“နေပါဦး .. ခင်ဗျား စောစောက ပြောသွားတဲ့ .. ကိုယ်လုပ်မှ .. ကိုယ်စားရတယ်ဆိုတာ .. တကယ်လား”

ကျနော်က ဒီလိုမေးလိုက်တော့ သူက ပေစောင်းစောင်းကြည့်ပြီး .. မကျေနပ်တဲ့လေသံနဲ့ …

“ကလေး သွားမေးတောင် .. သိပါတယ်ဗျာ”

“ကိုယ်လုပ်မှ .. ကိုယ်စားရတယ်ဆိုရင် .. ခင်ဗျား စောစောက ဘာလို့ညည်းတာလဲ .. ကိုယ်လုပ်တိုင်း .. ကိုယ် တကယ်စားရလို့လား”

သူ့စိတ်ထဲမှာ တော်တော်ရှုပ်ထွေးသွားဟန် ရှိတယ်။

“မသိဘူးဗျာ .. ကျနော်က ပိုက်ဆံချမ်းသာဖို့ပဲ သိတယ် ..။ ကျန်တာ ကျနော် မသိဘူး ..။ ခင်ဗျားတို့လို နိုင်ငံရေးလုပ်လို့ ပိုက်ဆံရလာမှာမှ မဟုတ်တာ”

ဒါနဲ့ ကျနော်တို့ထဲက တယောက်က ကြားဖြတ်ပြီး ...

“ဒါဆို .. ခင်ဗျား ဘယ်လောက်ချမ်းသာနေပြီလဲ။ နိုင်ငံရေးကလွဲလို့ ဘာမှမလုပ်တဲ့ ဒေါ်အောင်ဆန်းစုကြည်လောက် ချမ်းသာလား …။ အခု ဒေါ်အောင်ဆန်းစုကြည်မှာ နိုဘယ်လ်ဆုနဲ့တင် ဒေါ်လာသန်းချီ ရနေပြီ ..။ ခင်ဗျား သူ့လောက် ချမ်းသာနေပြီလား” ... ဆိုတော့ ဒီလူ တော်တော် တွေဝေသွားတယ်။

“ကျနော် အမှန်ပြောရရင် .. ဒေါ်အောင်ဆန်းစုကြည်ကိုတော့ လေးလည်း လေးစားတယ် .. ချစ်လည်းချစ်တယ် ..။ ဒါပေမယ့် ကျနော် နိုင်ငံရေးမလုပ်ရဲဘူးဗျ ..။ ကြောက်တယ် ..။ ကျနော် ဒီလိုပြောတာ ဘယ်သူ့မှ လျှောက်မပြောနဲ့နော် ..” (မျက်လုံးက ဘေးဘီ ဝဲယာ ကျီးကန်းတောင်းမှောက်ကြည့်ရင်း စိုးရိမ်နေပုံ …)

“တကယ်ပါဗျာ .. ကျုပ်တို့နိုင်ငံကို ဒီမိုကရေစီနိုင်ငံဖြစ်စေချင်တာ အမှန်ပဲ .. ကျနော်ကတော့ မလုပ်ရဲဘူးဗျ .. ကြောက်တယ်”

“ခင်ဗျား နိုင်ငံရေးမလုပ်ချင်ဘူးဆိုလည်း နေလို့ရပါတယ်...။ ဒါပေမယ့် နိုင်ငံရေးကိုတော့ မသိလို့ မဖြစ်ဘူးဗျ … နိုင်ငံရေး မသိဘူးဆိုရင် .. အုပ်ချုပ်တဲ့သူတွေက .. လုပ်ချင်ရာ လုပ်သွားမှာပဲ … ….”

ကျနော့်ရင်ထဲမှာ တခါက အန်တီစု ထပ်ခါ ထပ်ခါ ပြောခဲ့တဲ့စကားကို သွားသတိရမိတယ်။ အမြဲတမ်းလည်း ပြောတယ် …။

“ကိုယ်လိုချင်တာကို မျှော်လင့်နေရုံနဲ့ မအောင်မြင်ပါဘူး။ ကိုယ်လိုချင်တာကို ရအောင် လုပ်ကြမှ၊ လုပ်ရဲမှ လုပ်နိုင်မှ ရမယ်”

“လိုချင်တာကို မျှော်လင့်ရုံပဲ မျှော်လင့်ပြီး၊ ရအောင်လုပ်ယူဖို့ ခက်ခဲနေတဲ့သူတွေကိုလည်း တွေ့ကြုံခဲ့ဖူးပါတယ်”

ဒီလိုပြောခဲ့တဲ့ အန်တီ့ရဲ့စကားတွေဟာ ကျနော့် ရင်ထဲမှာ စွဲနေတယ်။

ကျနော် အမျိုးသားပြန်လည်သင့်မြတ်ရေးကို ယုံတယ်။ တနေ့မှာ ဖြစ်ကိုဖြစ်ရမယ်ဆိုတဲ့ ယုံကြည်ချက်က အခုထိ ဖျက်လို့မရနိုင်ပါဘူး၊ အမျိုးသားပြန်လည်သင့်မြတ်ရေး မရှိဘဲနဲ့ တိုင်းပြည်ထူထောင်ဖို့ဆိုတာ သမင်မွေးရင်း ကျားစားရင်းဖြစ်မှာ အမှန်ပဲ။

အကောင်းဆုံးပါဆိုတဲ့စံနစ်နဲ့သွားလည်း မအောင်မြင်နိုင်ပါဘူး၊ ဘာဖြစ်လို့လဲဆိုတော့ ကျနော့်တို့ နိုင်ငံရဲ့ အမျိုးသားစည်းလုံးညီညွတ်ရေးက ပြိုကွဲနေတာ မဟုတ်လား၊။

ကျနော်တို့ ကျောင်းသားလူငယ်တွေ အစွမ်းရှိသလောက် ကြိုးစားအားထုတ်ခဲ့တာ အတိုင်းတာတခုထိတော့ အောင်မြင်ခဲ့ပါတယ်။ ဒါပေမယ့် အားရလောက်အောင် အဆင့်ထိတော့ မရောက်ခဲ့ပါဘူး၊ ဒီလို အတိုင်းတာတခုထိ ရောက်ဖို့ဆိုတာတောင် .. တကယ်တော့ ... အန်တီစု အပါအဝင် လူကြီးတွေရဲ့ ကျောထောက်နောက်ခံပေးလို့ဆိုတာ အမှန်ပါပဲ။ ကျနော်တို့ချည်း ဒီလောက် ခရီးမပေါက်နိုင်ပါဘူး။ ဒါ့အတွက် အန်တီစုကို အထူး ကျေးဇူးတင်မိပါတယ်။

အန်တီစုဟာ ကျနော်တို့ရဲ့မိဘဆိုလည်း မမှားလောက်ပါဘူး၊ ကျနော်တို့အပေါ် မိဘမေတ္တာလို မေတ္တာတွေ ပေးခဲ့ပါတယ်။ သားသမီးတွေလို သဘောထားခဲ့ပါတယ် …။ ကျနော်တို့နဲ့ ဆက်ဆံရင်တောင်မှ ဘယ်တော့မှ “မင်းတို့ ... ငါတို့ ...” မသုံးဘူး။ “သားတို့ .. သမီးတို့ ...” ဆိုပြီး သုံးတယ်။ သူ့ကိုယ်သူကတော့ အန်တီလို့ပဲ သုံးတယ်။

ကျနော်မှတ်မိသေးတယ် ..။ အန်တီစုရဲ့ “မိဘမေတ္တာ အလင်းစလေး" တချက်ပေါ့ …။

တနေ့ ကျနော်တို့ ကျောင်းသားတွေအပါအဝင် လူကြီးတွေပါ (စုစုပေါင်း အယောက် ၃၀ လောက်တော့ ရှိမယ်ထင်တယ် ..။) အန်တီ့ခြံဝန်းထဲက အခမ်းအနားတခုကျင်းပခဲ့တဲ့ အဆောက်အဦမှာ .. အမျိုးသားနေ့အတွက် အစည်းအဝေးလုပ်နေကြတာ ..။ (ဒါကလည်း အန်တီက လူကြီးတွေကို မေတ္တာရပ်ခံပြီး ကျနော်တို့ကို အစည်းအဝေးတက်ခွင့်ပေးခဲ့တာပါ။)

အမျိုးသားဒီမိုကရေစီအဖွဲ့ချုပ်က ဦးကြည်မောင် က ဦးဆောင်ပါဝင်ပြီး တိုင်းရင်းသားအဖွဲ့တွေ၊ ကျနော်တို့ကျောင်းသားတွေထဲမှာ ကိုမင်းဇေယျာ (၈၈ - မကသ ကျောင်းသားခေါင်းဆောင်) ကလည်း ထောင်ထဲက ပူပူနွေးနွေး လွတ်လာတဲ့အချိန်။ သူလည်း အစည်းအဝေးကို ရောက်လာခဲ့တယ်။

နောက် .. ကိုကျော်ဌေးဦး၊ ကိုလေးလွင် (၈၈ မျိုးဆက် - ကျောင်းသားခေါင်းဆောင်များ)၊ အမျိုးသားဒီမိုကရေစီ အဖွဲ့ချုပ်ပါတီထဲကဆို မှတ်မှတ်ရရ ဘကြီးမိုး (စာရေးဆရာ မောင်မိုးသူ)၊ ဦးသိန်းတင် (ထောင်တွင်း ကွယ်လွန်)၊ ဒေါက်တာ ဒေါ်မေဝင်းမြင့်၊ ကိုခွန်မြင့်ထွန်း (NCGUB ဝန်ကြီး) သူတို့လည်း ပါကြတယ်။

ဒီလိုနဲ့ အစည်းအဝေး ကျင်းပနေစဉ် မထင်မှတ်တဲ့မြင်ကွင်းတခုက ကျနော့်မျက်လုံးထဲ ဝင်ရောက်လာခဲ့တယ်။ ကျနော်တို့နဲ့ ခပ်လှမ်းလှမ်းက မြက်ခင်းပြင်နဲ့ အလှပန်းပင်ချုံလေးတွေနားမှာ အန်တီစုက .. နိုင်ငံခြားသား ကလေးပေါက်စလေးတဦးနဲ့ ပျော်ရွှင်မြူးထူးနေတဲ့မြင်ကွင်းပါ။

ကလေးလေးက အရမ်းချစ်ဖို့ ကောင်းတယ်၊ ၂ နှစ်သားလောက်ပဲ ရှိမယ်ထင်တယ်၊ (ပုံကြည့်ရတာတော့ ... သံတမန်တယောက်ယောက်ရဲ့ ရင်သွေးများလား မသိဘူး) ဆံပင်လေးတွေက ရွှေရောင်သန်းပြီး ပျော့စင်းနေတာပဲ၊ လေလေး တချက်ဝှေ့လိုက်ပြီဆို .. ဖွာခနဲ .. ဖွာခနဲနဲ့၊ သိပ်ကြည့်လှတယ်။ လမ်းလျှောက်ပုံကလည်း ဆတ်တောက် ... ဆတ်တောက်နဲ့၊ အန်တီစုဆီ ပြေးလာလိုက် ... ပတ်လည်ပြေးသွားလိုက်နဲ့ လုပ်နေတယ်၊ နောက်တော့ ကလေးလေး က အန်တီစုဆီ တခါပြေးလာတော့ အန်တီစုက ရှေ့ကနေ မနှေးမမြန်လေး ပြေးတယ်၊ ကလေးလေး က ဆတ်တောက် ဆတ်တောက်နဲ့ လိုက်တယ်။
ကျနော် အစည်းအဝေးကို စိတ်မဝင်စားတော့ဘူး၊ ဘေးနားမှာရှိတဲ့ ကျောင်းသားခေါင်းဆောင် ကိုလေးလွင်ကို လက်တို့ပြီး ပြလိုက်တယ် ..။ အားလုံးကလည်း သတိပြုမိသွားသလား မသိဘူး။ လှမ်းကြည့်လိုက်မိတယ် ထင်တယ် …။

အန်တီစုက ရှေ့တည့်တည့်ကနေ လက်ခုပ်တီးပြီး ခေါ်နေတော့ .. ကလေးလေးကလည်း ပြေးလာတယ် ..။ နောက်တော့ အန်တီ သတိပြန်ဝင်လာလား မသိဘူး။ ကလေးလေးကို မ ချီပြီး အိမ်ထဲ ပြေးဝင်သွားတယ် ..။

ကျနော် ထင်ပါတယ် ..။ အဲဒီအချိန်မှာ အန်တီဟာ လူထုခေါင်းဆောင်၊ ပါတီခေါင်းဆောင်ဆိုတဲ့ အတွေးထက် … မိခင်တယောက်ရဲ့စိတ်တွေ ကိန်းဝပ်သွားပုံရတယ် ..။ အင်မတန်မှ ချစ်စရာကောင်းတဲ့ မြင်ကွင်းပါ ..။ ကျနော့်တသက်မှာ ဒီမြင်ကွင်းဟာ ဘယ်တော့မှ မမေ့နိုင်ပါဘူး။ နောင်လည်း ဒီလိုဟာမျိုး တွေ့မြင်နိုင်ဖို့ အလွန်မှ ခက်သွားလောက်ပါပြီ။

ဒီလိုနဲ့ အမျိုးသားနေ့အခမ်းအနားကို အန်တီ့ခြံဝန်းထဲမှာကျင်းပတော့ တက်ရောက်လာကြတဲ့သူ တွေ အတော့်ကို များပါတယ်။ ဒီအခမ်းအနားက ဒုတိယမြောက် အခမ်းအနားပေါ့ ...။ တိုင်းရင်းသား အစစ်တွေက သူတို့ရဲ့ ရိုးရာအကတွေနဲ့ ဖျော်ဖြေကြတယ်။ နောက် သီချင်းတွေဆိုနဲ့ အတော်မှ စည်ကားလှပါတယ်၊ အမျိုးသားအောင်ပွဲနေ့ကိုလည်း အောင်မြင်စွာ ကျင်းပနိုင်ခဲ့ပါတယ်။

အန်တီ့အိမ်ရှေ့က တရားပွဲကတော့ စနေ၊ တနင်္ဂနွေဆို ထုံးစံအတိုင်း စည်ကားလျှက်ပါပဲ။

ဒါပေမယ့် တနေ့မှာတော့ လုပ်ကြံစာတစောင် တက်လာတယ် ..။ (ဒါ သေချာတယ် .. တမင်သက်သက် လုပ်ကြံလိုက်တာ .. ဒီစာက ..)

“လှိုင်သာယာမြို့နယ်မှာ ထမင်းရည်ပုလင်းတွေတောင် ဝယ်သောက်နေရပါတယ် ...” တဲ့ ..။ “ထမင်းရည်ပုလင်းတွေရောင်းလို့ မလောက်ဘူးဖြစ်နေပါတယ် ...” တဲ့။

အဲဒီစာကို အန်တီက ပြန်ဖြေလိုက်တယ် ..။ ဒါပေမယ့် စကားလုံးတွေ ကျနော် မမှတ်မိတော့ဘူး ..။ စိတ်မကောင်းဖြစ်ပြီး ဂရုဏာသက်စွာ ပြန်ဖြေလိုက်တာတော့ သိလိုက်တယ် … … …။

ဒါဟာ ထောင်ချောက်ဆင်ထားတဲ့စာလို့ပဲ အများက ယုံကြည်ကြတယ် …။

နောက် များမကြာခင်ရက်ပိုင်းမှာတော့ သတင်းစာထဲမှာ အကြီးအကျယ် ရေးလာတော့တာပဲ ..။

“ထမင်းရည်ဆိုတာ .. တကယ်တော့ စားစရာမရှိလို့ ဝယ်သောက်ကြတာ မဟုတ်ဘူး ..” တဲ့ ...။ “မီးသွေး အမှုန့်တွေဖျှော်ပြီး မီးသွေးအလုံးတွေလုပ်ဖို့ ရောင်းကြ၊ ဝယ်ကြတာ ..” တဲ့ ..။ ဒါကိုမသိဘဲနဲ့ အစိုးရကို တမင်နစ်နာအောင် ... အန်တီစုက ... အပုတ်ချသလိုလို ... ဘာလိုလိုနဲ့ တုံ့ပြန်ရေးသားလာတာကို တော်တော်များများ မှတ်မိကြဦးမှာပါ၊ တကယ်တော့လည်း .. အန်တီစုက အဲဒီနေရာ ရောက်ဖူးတာမှ မဟုတ်တာ ..။ စာကို တင်ပေးတဲ့သူကလည်း တင်ပေးလိုက်တော့ … ရင်ထဲမှာ သူသူကိုကို ခံစားသွားမှာပေါ့ ..” လူတွေ စားစရာ ချို့တဲ့ကုန်လို့ ... ထမင်းရည်ပဲ ဝယ်သောက်နိုင်တော့တယ် ..” ဆိုတော့၊ (ကျနော် ထင်ပါတယ် ..) သိသိကြီးနဲ့ လုပ်ကြံလိုက်တဲ့စာပါ၊ ဒီလို အလုပ်မျိုးတွေကိုလည်း မသမာသူများက အန်တီစုအပေါ် အထင်မှား အမြင်မှားဖြစ်အောင် လုပ်ကြံတတ်ပါတယ်။ (ဘာမဟုတ်တဲ့ကိစ္စကို နအဖက ရေးကြီးခွင်ကျယ်လုပ်တာကိုလည်း နောက်ပိုင်း တင်ပြပေးပါဦးမယ်။)

သိပ်မကြာခင်မှာတော့ ကျနော်တို့ပညာဆည်းပူးရာ ရန်ကုန်တက္တသိုလ်ရဲ့ ၇၅ နှစ်မြောက် စိန်ရတု သဘင်အခမ်းအနားကလည်း နီးကပ်လာတယ်။ ကျနော်တို့ကျောင်းသားများလည်း စိန်ရတုသဘင်ပွဲ အခမ်းအနားကိုနွှဲဖို့ စုကာရုံးကြပေါ့။

အဲဒီအချိန်မှာ ဗိုလ်ချုပ်ခင်ညွန့်က ရန်ကုန်တက္ကသိုလ်ဝင်းအတွင်းမှာရှိတဲ့ အဆောင်တွေမှာ ကျင်းပတဲ့ ပွဲတိုင်းနီးပါးလောက် မလွတ်တမ်း တက်ရောက်နေတဲ့အချိန်။ (တနည်းအားဖြင့် စည်းရုံးရေး အသွင်သဏ္ဍာန်တွေပါ ပါနေတယ်။) (ထောက်လှမ်းရေးက ရုပ်ခပ်ဖြောင့်ဖြောင့် စစ်ဗိုလ်တွေနဲ့ ဇာတ်ပျက် ကျောင်းသူတွေကလည်း တရုန်းရုန်းနဲ့ ဓာတ်ပုံတွေ တွဲရိုက်နေကြတဲ့အချိန်ပေါ့)

ရန်ကုန်တက္တသိုလ်ဟာ ယာယီအားဖြင့် စစ်ရောင် လွှမ်းသွားခဲ့တယ်။ ဗိုလ်ချုပ်ခင်ညွန့် ဆိုတဲ့ ပုဂ္ဂိုလ်က ဆက်ဆံရေး စကားပြော ညက်တယ်လို့ ကြားဖူးထားတယ်။ အဆောင် ဟောပြောပွဲတွေမှာ သွားရောက်စကားပြောပြီဆို .. သူ့ပုံစံက နိုင်ငံရေးသမားတယောက် ဟန်အတိုင်းလို့ ပြောကြတယ်။ (စစ်ဗိုလ် အသွင်ပြင် လက္ခဏာမျိုး မဟုတ်ဘူးလို့တောင် ပြောကြတယ်။)

ကျနော်နေခဲ့တဲ့ အင်းဝဆောင်မှာ သူရောက်လာတဲ့အခါ ကျောင်းသားတွေက မကြားတကြား လှမ်းပြီးတော့ .. “ယောက္ခမကြီး … ယောက္ခမကြီး” လို့အော်တော့ .. သူ အခမ်းအနားမှာ စကားပြောတဲ့အခါ ထည့်ပြောသွားတယ်။ “အင်းဝဆောင်က ကျောင်းသားတွေက တော်တော်လက်နှေးတဲ့ ကျောင်းသားတွေ …။ အန်ကယ့်သမီးက ယောက်ျား ရသွားပြီ” ... တဲ့။ ... ... ... စသဖြင့်ပေါ့။ အဲသလို ကျောင်းသားတွေနဲ့ ဝင်ရောတာ။ ကျောင်းသားတွေနဲ့ တဝါးဝါး တဟားဟား လက်ဆုံကြလို့။

ဒါပေမယ့် တဖက်မှာတော့ နိုင်ငံရေးအခြေအနေဟာ တင်းမာမှုဆီကို ဦးတည်သွားစေတဲ့ကိစ္စတခု ကလည်း ပေါ်ပေါက်လာခဲ့တယ်လေ။ ၁၉၉၅ နိုဝင်ဘာ ၂၂ ... အင်န်အယ်လ်ဒီ သတင်းစာရှင်းလင်းပွဲမှာ ဒေါ်စုက .. “အမျိုးသားညီလာခံကနေပြီး မြန်မာပြည်ရဲ့နိုင်ငံရေး အဖြေရှာနိုင်ဖို့ မလွယ်ဘူး၊ လွတ်လပ် ပွင့်လင်းမှုတွေ မရှိဘူး ..” လို့ ဝေဖန်ထောက်ပြတယ်။ “ထွက်မယ် ”လို့ မပြောခဲ့ဘူး။၊ နိုဝင်ဘာ ၂၇ မှာ အမျိုးသားညီလာခံ ပြန်စတယ် ထင်တယ်။ အဲသည်မှာ ဦးအောင်ရွှေတို့က အမျိုးသားညီလာခံကနေ နိုဝင်ဘာ ၂၉ မှာ နှုတ်ထွက်လိုက်တယ်။

ဒါက အင်န်အယ်လ်ဒီ ပါတီခေါင်းဆောင်တွေ၊ လွှတ်တော်ကိုယ်စားလှယ်တွေ အပြင်မှာ ရှိသလောက် တွေ့ဆုံဆွေးနွေးပြီးမှ ထွက်လာတဲ့ရလဒ်လို့ မြင်ပါတယ်။ (ဒီ ညီလာခံက နှုတ်ထွက်တာက သဘောထား တင်းမာတာကို ပြတာလည်း မဟုတ်ဘူး၊ ရန်လိုတာလည်း မဟုတ်ဘူးလို့ ပြောချင်ပါတယ်။) ညီလာခံက ၂၇ မှာ စပါတယ်။ ပါတီကနေပြီး ညီလာခံကော်မရှင်ကို တင်ပြထားတာတွေ၊ တောင်းဆိုထား တာတွေရှိတယ်လို့ သိရတယ်။ စစ်အစိုးရက ညီလာခံမှာ ဒါတွေကို ပြန်လည် အကြောင်းပြန်ခြင်း မရှိဘူး။ ဒါတွေကို စစ်အစိုးရ မီဒီယာတွေက မပြောခဲ့ဘူး။ ပြည်တွင်းက မြန်မာပြည်သူတွေမှာလည်း သေသေချာချာ နားလည်နိုင်ဖို့ အခြေအနေ မရခဲ့ဘူး။ လူတွေက တဖက်သတ်ပြောနေတာတွေကိုပဲ ကြားနေရတာကိုး။ အဲဒီအခြေအနေပေါ်မှာ နအဖက လက်ခံနိုင်စွမ်း မရှိတော့ဘူး၊ အခိုက်အတန့်ပြေလျှော့နေတဲ့ သဘောထားတွေဟာ (အကြောင်းတခုကြောင့် ပြေချင်ယောင်ဆောင်တာလည်း ဖြစ်နိုင်ပါတယ်။) ချက်ခြင်းဆိုသလို နအဖဘက်က ပြောင်းလဲ တင်းမာလာတော့တယ်။ အတိုက်အခံ ဒီမိုကရက်တစ် အင်အားစုများကို နှိပ်ကွပ်ရေးတွေ တဖန် ပြန်ဦးမော့လာပြန်တယ်။

တနေ့မှာတော့ ကျနော့်တယောက်တည်းကို ထောက်လှမ်းရေးက လာခေါ်သွားတယ်၊ ဒီတခါမှာတော့ ထောက်လှမ်းရေး ၁၆ မှာပါ၊ အဲဒီမှာ ဗိုလ်မှူးကြီးသန်းထွန်းနဲ့ တခါ ထပ်ဆုံပါတယ်။

ကျနော်နဲ့တွေ့ဆုံတော့ အရင်တခါတုန်းကလို ပုံသဏ္ဍန်မဟုတ်တော့ဘူး၊ သူ့ကိုကြည့်ရတာ တခုခုကို အစာမကြေတဲ့ပုံမျိုး။

“ကျနော် .. ခင်ဗျားတို့ကို အရင်တခေါက် တွေ့ခဲ့တုန်းက ပြောခဲ့တာတွေ မှတ်မိဦးမှာပါ”

“ဟုတ်ကဲ့ .. မှတ်မိပါတယ်”

ကျနော်ကလည်း အေးအေးသက်သာပဲ ပြန်ဖြေလိုက်တယ်။

“ကျနော်တို့ စောင့်ကြည့်ဦးမယ်ပြောတာ .. မမှားလောက်ပါဘူး ..။ ခုပဲ အခြေနေတွေက တမျိုးပြောင်းလဲလာတယ် .. ဒါတောင် ကာလက ဘယ်လောက်မှ ကြာသေးတာ မဟုတ်ဘူး”

ပြောနေတဲ့စကားသံတွေထဲမှာ မကျေနပ်သံတွေ ပါနေတယ်ဆိုတာကို ကျနော် သတိထားမိတယ်။ ကျနော် ဆက်နားထောင်တော့ …

“ခင်ဗျားတို့ကိုလည်း .. ကျနော် တခုပြောမယ် .. ဖြစ်နိုင်ရင် ကျောင်းသားကိစ္စပဲလုပ်ပါ .. ကျောင်းသားကိစ္စပဲ လုပ်မယ်ဆို .. ကျနော်တို့ ကူညီနိုင်တယ် .. နိုင်ငံရေး ရောစွက်လာတယ်ဆိုရင်တော့ မကောင်းဘူး .. ကျောင်းသားအရေးပဲ လုပ်မယ့် ... ကျနော်တို့ကို မဆန့်ကျင်မယ့် ကျောင်းသားသမဂ္ဂဆို ကျနော်တို့ ကူညီမယ် …”

“ဒါတော့ အာမ မခံနိုင်ဘူး …။ ကျနော်တို့ လက်ခံထားတာ ကျောင်းသားအရေးဟာ နိုင်ငံရေးပဲ ...။ ကျနော်တို့ဟာ ထာဝရ ဆန့်ကျင်ရေးသမားတွေ မဟုတ်ဘူး ..။ လက်ခံနိုင်တာရှိရင် .. ထောက်ခံမှာ ဖြစ်သလို .. လက်မခံနိုင်တာရှိရင် .. ပြောရမှာပဲ ..။ ဒါဟာ ဆန့်ကျင်တဲ့ ပုံသဏ္ဍာန် ဖြစ်သွားခဲ့ရင် .. ကျနော်တို့ မတတ်နိုင်ဘူး”
ကျနော် အေးအေးဆေးဆေးပဲ ပြောလိုက်တယ် …။

“ခင်ဗျားတို့ကို အချိန်မရွေး အရေးယူ အပြစ်ပေးလို့ရတယ်ဆိုတာ သိတယ်မဟုတ်လား”

သူရဲ့စကားလုံးတွေမှာ ဒေါသသံတွေ ရောနှောပါလာတယ်။

“သိပါတယ် .. ဒါက ဗိုလ်မှူးကြီးတို့အပိုင်းပါ .. ကျနော်တို့ အကြမ်းဖက်လုပ်ရပ် လုပ်နေတာ မဟုတ်ပါဘူး ..”

“ဒါပေမယ့် .. ဥပဒေဘောင်ကို ကျော်လွန်နေတယ်ဆိုတာကိုတော့ .. သတိထားဖို့ လိုလိမ့်မယ် ..။ နောက်ပြီး ခင်ဗျားတို့ အန်တီကလည်း .. တလောက .. လှိုင်သာယာမှာ ထမင်းရည်ပုလင်းတွေ ဝယ်သောက်ရလောက်အောင်ကို ပြည်သူတွေငတ်နေပြီ ... ဆိုတာ လူထုရှေ့မှာပြောတာ မကောင်းဘူး။

(တကယ်မှာတော့ အန်တီက ပြည်သူတွေငတ်နေပြီ .. လို့ မသုံးနှုန်းခဲ့ပါဘူး။) .. အကြောင်းဇစ်မြစ်မှန်ကို မသိဘဲ .. အဲသလိုပြောတာ မကောင်းဘူး ..။ ကျနော်တို့အစိုးရကို အပုတ်ချသလို ဖြစ်နေတယ်”

“အဲဒါကတော့ .. အန်တီနဲ့ပြောပါ .. ကျနော်တို့နဲ့ မဆိုင်ပါဘူး ..။ ဒါ ပြောပါ ..။ ဒါ မပြောပါနဲ့ .. လို့ ကျနော်တို့လုပ်နိုင်တဲ့သူတွေ မဟုတ်ပါဘူး ..။ အဓိက ကျနော့်ကိုခေါ်ရတဲ့အကြောင်းရင်းကို သိချင်ပါတယ်”

ထိုင်နေတဲ့ ကုလားထိုင်နောက်မှီကို အားပါးတရ မှီထိုင်လိုက်ရင်း .. စားပွဲပေါ်ကို လက်နှစ်ဖက် ဆန့်တင်ထားရင်းက ..

“ခင်ဗျားတို့ .. ဒေါ်အောင်ဆန်းစုကြည်ကို မဝန်းရံပါနဲ့ ..။ ကျောင်းသားတွေဟာ .. ကျောင်းသားကိစ္စပဲ လုပ်ပါ ..။ နောက်ပြီး ရန်ကုန်တက္ကသိုလ် စိန်ရတုသဘင်ပွဲကို မနှောက်ယှက်ပါနဲ့”

ခရားရေလွှတ် တောက်လျှောက် မနားတမ်းပြောလိုက်တယ် …။

“ဗိုလ်မှူးကြီးကို ကျနော်ပြောနိုင်တာကတော့ .. စိန်ရတုသဘင်ပွဲကို နှောက်ယှက်မယ်ဆိုတဲ့အရာ စဉ်းတောင် မစဉ်းစားမိဘူး ...။ ဒါဟာ ကျနော်တို့နဲ့လည်း သက်ဆိုင်နေတော့ .. ကျနော်တို့လည်း ဆင်နွှဲချင်တယ် ..။ နောက် ဒေါ်အောင်ဆန်းစုကြည်ကို မဝန်းရံပါနဲ့ ... ဆိုတဲ့ကိစ္စကတော့ .. ဗိုလ်မှူးကြီးတို့ နဲ့ မသက်ဆိုင်ဘူးလို့ ထင်ပါတယ်”
အခြေအနေကတော့ တင်းမာလာတဲ့သဘော ရှိတယ်။

“ဟုတ်ပြီလေ … ကျနော်တို့ကလည်း လုပ်စရာရှိတာ ဆက်လုပ်သွားမယ် .. အိုကေနော်” ဆိုပြီး ထောက်လှမ်းရေး ၁၆ တပ်မှူးကို လှည့်ပြီးပြောတယ်။

“သူ့ကို ပြန်လိုက်ပို့လိုက်ပါ”

ကျနော့်ကို ပြန်လိုက်ပို့တယ်။ နောက်ရက်မှာတော့ အကျိုးအကြောင်းတွေကိုအားလုံးကို တင်ပြခဲ့တယ်။ နောက် ထူးခြားတာတခုက ကျနော်တို့ ဝိုင်းစဉ်းစားကြတယ်။ ရန်ကုန်တက္ကသိုလ် စိန်ရတု သဘင်အခမ်းအနားမှာ ဗိုလ်ချုပ်ခင်ညွန့် စကားပြောမယ့်စင်မြင့်ကို တက္ကသိုလ်စာတိုက်ဝင်းအတွင်းမှာ ခမ်းခမ်းနားနား ပြင်ဆင်ထားတယ်။ အဲဒါကို ကျနော်တို့ကျောင်းသားတွေက စင်မြင့်ပေါ်တက်ပြီး ကျောင်းသားသမဂ္ဂက ကျင်းပတဲ့ .. စိန်ရတုသဘင်ပွဲလုပ်ဖို့ လျှို့ဝှက်စီစဉ်ခဲ့တယ်။

ဒီသတင်း ပေါက်ကြားသွားပုံရတယ်။ နောက်ရက်မှာတော့ အဲဒီစင်မြင့်ကို သံဆူးကြိုးတွေ ပတ်လည်ကာရံထားပြီး စစ်သားအစောင့်တွေပါ ချထားလိုက်တယ်။ အဲဒီတော့ အစီအစဉ်တွေကို ကျနော်တို့ ပြောင်းလဲစီစဉ်ရတော့တယ်။

ကျနော်တို့ နေရာတခုမှာ စီစဉ်ခဲ့တယ်။ ပထမ အင်းယားကန်စောင်းဘေးက ဘုန်းတော်ကြီး ကျောင်းမှာ (အန်တီ့အိမ်နဲ့ သိပ်မဝေးဘူး။) ဆွမ်းကပ်မယ်၊ ပြီးမှ စီစဉ်ထားတဲ့နေရာကို စုသွားပြီး အခမ်းအနားကျင်းပကြမယ် ... ဆိုပြီး လုပ်ကြတော့၊ အန်တီ့အိမ်နဲ့ သိပ်မဝေးတဲ့ Joy စားသောက်ဆိုင်မှာ အခမ်းအနားတခုလုပ်ဖို့ ဆုံးဖြတ် ... အစီစဉ်တွေ ဆွဲခဲ့ကြတယ်။

ကျနော်တို့ မူလဆုံးဖြတ်ချက်က အင်းယားကန်စောင်းဘေးက ဘုန်းကြီးကျောင်းမှာ ဆွမ်းကပ်ဖို့ သက်သက်ပါပဲ၊ အဲဒီနေ့က ဘုန်းကြီးကျောင်းမှာ အဖွဲ့အစည်းတော်တော်များများက လူတွေ တော်တော်များများ လာကြတယ်၊ သတင်းမီဒီယာက လူတွေလည်း လာကြတယ်။

ကျနော်တို့ရဲ့အစီအစဉ်ထဲမှာ အထူးအစီအစဉ်တခုက .. ရန်ကုန်တက္ကသိုလ် စိန်ရတုသဘင်ပွဲ အခမ်းအနားကနေ ဗိုလ်ချုပ်အောင်ဆန်းကို “ဂုဏ်ထူးဆောင်ကျောင်းသား” အဖြစ် အပ်နှင်းဖို့ အစီအစဉ် ပါတယ်။

(ကျနော်တို့ဆိုလိုချက်က ဗိုလ်ချုပ်ဟာ ကျနော်တို့ ရန်ကုန်တက္ကသိုလ်ရဲ့ဂုဏ်ကို ထူးခြားပြောင်မြောက်အောင် စွမ်းဆောင်နိုင်ခဲ့သူ ကျောင်းသားတယောက်ဖြစ်နေလို့ .. ဒီလို အပ်နှင်းဂုဏ်ပြုချင်တာပါ၊) ဒါကိုလည်း အန်တီ့ကို ဖွင့်ပြောပြထားခဲ့တယ်။

ကျနော်တို့ ဆွမ်းကပ်ပွဲအခမ်းအနား မစတင်မီမှာပဲ ဘုန်းကြီးကျောင်းပြင်ပ လမ်းမပေါ်က စစ်ကားတွေပေါ်မှာ စစ်သားတွေအပြည့်နဲ့ ကားသုံးစီး ရပ်ထားတယ်၊ ထောက်လှမ်းရေးတွေဆိုတာကလည်း ခြေချင်းလိမ်နေတာပဲ။

ဒါတွေကို ဂရုမထားပါဘူး။ ကျနော်တို့လုပ်စရာရှိတာ ဆက်လုပ်ကြတယ် ..။ နောက် ကျောင်းသား တစုကို အခမ်းအနား အဓိကကျင်းပမယ့် နေရာဆီကို လွှတ်လိုက်တော့ ပြဿနာက စတက်တော့တာပဲ။

ဖြစ်ပုံက ဒီလိုပါ။ အစက ကျနော်တို့ အခမ်းအနားကြီး ဘယ်မှာကျင်းပမယ်ဆိုတာ ထောက်လှမ်းရေးက မသိဘူး။ ဖိတ်ကြားထားတဲ့ လူကြီးတွေလောက်ကိုပဲ လျှို့ဝှက်ပြောပြထားတယ်။

အခမ်းအနားမလုပ်ခင်မှာ ကျနော်တို့ထဲကတယောက်က ဖိတ်စာကို မှတ်တမ်းတင် ဗွီဒီယိုရိုက်ဖို့ အခန်းတွင်းမှာလုပ်နေတုန်း သတင်းပေးတယောက်က ဝင်လာပြီး၊ ဖိတ်စာကို ကိုင်ပေးသလို ဘာလိုလို လုပ်ရင်းက ပေါက်ကြားသွားပြီး ထောက်လှမ်းရေးဆီကို ချက်ချင်း သတင်းသွားပို့တယ်၊ အဲဒါနဲ့ နေရာကို သိသွားတော့ အဲဒီမှာ စစ်သားတွေအပြည့်နဲ့ ပိတ်ထားလိုက်တယ်။ ကျနော် လွှတ်လိုက်တဲ့ ကျောင်းသားအုပ်စုလည်းလာရော စီးဖမ်းတော့တာပဲ .. ကျောင်းသားတွေက ကိုယ်လွတ်ရုန်း ထွက်ပြေး ကြတယ် ..။ ကျနော်တို့ဆွမ်းကပ်မယ့် ဘုန်းကြီးကျောင်းဆီ အမောတကောပြေးလာပြီး ပြောတော့ .. အစီအစဉ်တွေကို ပြောင်းလိုက်ရတော့တယ်၊ ဘုန်းကြီးကျောင်းပေါ်မှာပဲ တဆက်တည်း အခမ်းအနား ကျင်းပလိုက်ကြတယ်။

ဘုန်းကြီးကို ပထမ လျှောက်ထားတာ ဆွမ်းကျွေးဖို့ သက်သက်ပါပဲ။ အခြေအနေအရ အခန်းအနား ကျင်းပကြတော့ .. ဆရာတော်ဘုန်းကြီးကလည်း တော်တော်ကြောက်လန့်သွားတယ် ..။ ကျနော်တို့ အခမ်းအနား ကျင်းပနေစဉ်မှာပဲ .. ဆရာတော်က ကျောင်းအောက် လမ်းမပေါ်မှာ ရပ်ထားတဲ့ စစ်ကားတွေ သွားကြည့်လိုက် .. အခမ်းအနားကျင်းပနေတဲ့ နေရာပြန်လာလိုက် ..။ အခမ်းအနားမှူးလုပ်နေတဲ့ ကိုထက်ရာဇာကို လာပြောလိုက်နဲ့ပေါ့ …။

“ဒကာကြီးတို့ မပြီးသေးဘူးလား ..။ ကျောင်းအောက်မှာ စစ်ကားတွေ ရောက်နေပြီ ..။ ဘုန်းကြီး စိုးရိမ်တယ်” ဆိုတော့ ရာဇာက ...

“ပြီးတော့မှာပါ .. ဘုန်းဘုန်း။ တပည့်တော်တို့ ခဏပါပဲ”

ဒီလိုနဲ့ လူးလာခေါက်တုံ့ပြန်လုပ်နေတဲ့ ဆရာတော်ကိုကြည့်ပြီး ကျနော်တို့လည်း အားနာကြတယ် ..။ တခါတလေကျတော့လည်း .. ငိုအားထက် ရီ(ရယ်)အားသန်အဖြစ်လိုပဲ။

အခမ်းအနားကျင်းပနေစဉ်မှာပဲ အင်မတန်ထူးခြားတဲ့ သမိုင်းဖြစ်ရပ်လေးတခုက ပေါ်ပေါက်လာခဲ့တယ်။ ကိုမြင့်ဆွေ ( ယခု - ဖော့ဝန်းမြို့ - အင်ဒီရားနားပြည်နယ်၊ အမေရိကား) ကနေ စာအိတ်ရှည်ကြီး တစောင်ကိုကိုင်ပြီး ကျောင်းပေါ် အပြေးတက်လာတယ်။ ကျနော့်ကိုလာပေးရင်းက …

“ဒီမှာ ကျောင်းသားတွေ ကျင်းပတဲ့ ရန်ကုန်တက္ကသိုလ် စိန်ရတုသဘင် အခမ်းအနားအတွက် .. အန်တီစု ပေးပို့လိုက်တဲ့ သဝဏ်လွှာ ..။ အန်တီက အားချင်း စီစဉ်ပေးလိုက်တာ”

ဆိုလို့ ဖွင့်ကြည့်လိုက်တော့ အန်တီကိုယ်တိုင် လက်မှတ်ရေးထိုးထားတဲ့ သဝဏ်လွှာ..။ အဲဒါကို ကျနော်က ဖတ်ပြလိုက်တယ်..။ လူထုက သဘောတွေကျ၊ အားရကျေနပ်ခြင်းတွေနဲ့ လက်ခုပ်သံတွေ တဖြောင်းဖြောင်းပေါ့ …။

ပေးပို့လိုက်တဲ့ သဝဏ်လွှာမှာ အန်တီ ရေးပေးထားတာကတော့ ရိုးရိုးလေးပါပဲ ..။

မှတ်မိရသလောက် .. “ကျောင်းသားလူငယ်တွေ အခုလို စည်းလုံးညီညွတ်စွာနဲ့ အစဉ်လာကြီးမားတဲ့ ရန်ကုန်တက္ကသိုလ်ရဲ့ စိန်ရတုသဘင်ပွဲ အခမ်းအနားကို ကျင်းပပြုလုပ်ခဲ့တာကို ဝမ်းမြောက်ဝမ်းသာစွာ ဂုဏ်ယူကြောင်း၊ သမိုင်းအဆက်ဆက်မှာ ရှေ့ဆောင်တိုက်ပွဲဝင်ခဲ့သော၊ ဝင်နေသော ကျောင်းသားအပေါင်းတို့ကိုလည်း လေးစားယုံကြည်သောအားဖြင့် ဤသဝဏ်လွှာကို ပေးပို့အပ်ပါကြောင်း ...” ပါရှိပါတယ်။

အန်တီအနေနဲ့ အခမ်းအနားကိုတော့ တက်ရောက်နိုင်ခြင်း မရှိပါဘူး၊ တက်ရောက်နိုင်ဖို့ အခွင့်အရေး မပေးခဲ့တာလည်း ပါတာပေါ့လေ၊ အန်တီပေးပို့တဲ့ သဝဏ်လွှာကြောင့်လည်း ခပ်မှိန်မှိန် ကျင်းပပြုလုပ်ခဲ့ရတဲ့ စိန်ရတုသဘင် အခမ်းအနားဟာ ကမ္ဘာသိ၊ တိုင်းသိပြည်သိ ဖြစ်သွားခဲ့တာ အမှန်ပါ၊ (အဲဒီ သဝဏ်လွှာစာရွက်ကို ကျနော့်ကိုဖမ်းတော့ သိမ်းပြီး သက်သေခံအဖြစ် တင်သွင်းခံခဲ့ရပါတယ်)။

ကျနော်တို့ရဲ့ ရန်ကုန်တက္ကသိုလ် စိန်ရတုသဘင် အခမ်းအနား ကျင်းပပြုလုပ်အပြီးမှာတော့ ကျောင်းသားများက ဗိုလ်ချုပ်အောင်ဆန်းကို “တက္ကသိုလ် ဂုဏ်ထူးဆောင်ကျောင်းသား” အဖြစ် ဂုဏ်ပြု ချီးမြှင့်တဲ့မှတ်တမ်းကို အန်တီ့ဆီ သွားပို့ပေးလိုက်ပါတယ်။

နောက်တရက်မှာပဲ ကျနော့်ကို သတင်းတပ်ဖွဲ့ (SB) က လာရောက်ခေါ်ဆောင်သွားတယ်။ ဖမ်းဆီးတာတော့ မဟုတ်သေးပါဘူး။ သူတို့ရုံးချုပ်မှာ သတင်းတပ်ဖွဲ့မှူး ဗိုလ်မှူးကြီး ဗဟိန်းနဲ့ တွေ့ဆုံပါတယ်။ သူက ကျနော့်ကို စာရွက်တရွက်ထုတ်ပြီး ဖတ်ပြပါတယ်။ ကျနော်ဟာ ဘယ်လို အမှုတွေနဲ့ ငြိစွန်းနေကြောင်း။ ပြစ်ဒဏ်ချမယ်ဆိုရင် ထောင်ဒဏ် ဘယ်လောက်ကျနိုင်ကြောင်း ... စသဖြင့် ပြောကြားခဲ့ပါတယ်။ တခြား ထူးထူးထွေထွေတော့ ဘာမှမရှိပါဘူး၊ ပြန်လှန် မေးခွန်းထုတ်၊ ပြောဆိုခွင့်လည်း မရှိခဲ့ပါဘူး။

ဒီလိုနဲ့ ကျနော် အန်တီ့ကို ကန်တော့ပြီး ... ဇာတိမြို့ကို ခဏဆို ပြန်သွားပါတယ်။ ဇာတိမြို့ (ရေနံချောင်းမှာ) ပဲ ကျနော့်ကို လာဖမ်းပါတယ်။ အဲဒီကနေ ချက်ခြင်း ရန်ကုန် အင်းစိန်ထောင်ကို ပို့ပါတယ်။

ရန်ကုန် အင်းစိန်ထောင်ရောက်တော့ ရှေ့မှာကြိုဖမ်းထားတဲ့ ဦးဝင်းထိန် (အန်တီစု လက်ထောက်)၊ ဦးအေးဝင်း (အန်တီ့ အကိုဝမ်းကွဲ - အဝေးရောက်ညွန့်ပေါင်းအစိုးရအဖွဲ့ ဝန်ကြီးချုပ် ဒေါက်တာစိန်ဝင်း၏ အကို - အာဇာနည်ခေါင်းဆောင် ဦးဘဝင်း သား)၊ စာရေးဆရာ မောင်မိုးသူ၊ မောင်ဝံသ၊ ဗိသုကာ ဦးကျော်မင်း၊ ဦးသိန်းတင် (ထောင်တွင်း ကွယ်လွန်)၊ ကိုခွန်မြင့်ထွန်း (ယခု NCGUB ဝန်ကြီး)၊ ဒေါက်တာ လှိုင်မြင့်၊ ဦးကျော်ခင် (တောင်ကြီးမြို့၊ လွှတ်တော်ကိုယ်စားလှယ်)၊ နောက် NLD က လူငယ်တွေနဲ့ တွေ့ဆုံပါတယ်။

ကျနော့်ကို မကြာခင်မှာပဲ အင်းစိန်ထောင်တွင်း အထူးတရားရုံးကနေ အရေးပေါ် နိုင်ငံရေးပုဒ်မ ၅(ည) အပါအဝင် တရားမဝင် သင်းပင်းဖွဲ့စည်းမှု၊ တရားမဝင် ဗွီဒီယိုခွေများ (အန်တီစု ဟောပြောပွဲ အခွေတွေပါ။) ဖြန့်ချိမှုတွေနဲ့ ထောင်နှစ်ရှည်ချမှတ်ခြင်း ခံခဲ့ရပါတယ်။ အဲဒီကစလို့ ကျနော် အန်တီစုနဲ့ ဝေးသွားခဲ့တာ ယခုအချိန်ထိပါပဲ။

ကျနော် ထောင်ကပြန်လွတ်လာတော့ အန်တီစုက နေအိမ်အကျယ်ချုပ် ပြန်ခံလိုက်ရပါပြီ။

“နိဂုံး”

ကျနော် ဒေါ်အောင်ဆန်းစုကြည်ကို ပုဂ္ဂိုလ်ရေးသက်သက် ကိုးကွယ်မှုဖြင့် ဆည်းကပ်ယုံကြည်မှု မလုပ်ခဲ့တာ ပြောရဲပါတယ်။ ဗိုလ်ချုပ်အောင်ဆန်း သမီးမို့ .. ဆိုတဲ့ အကြောင်းပြချက်နဲ့ ပြောလာမယ် ဆိုလည်း ... ဘာ့ကြောင့် ဦးအောင်ဆန်းဦးကိုကျတော့ မချဉ်းကပ်ကြတာလဲ၊ မလေးစားကြတာလဲ .. လို့ မေးခွန်းထုတ်စရာပါ … … …။

နှလုံးသားပုံရိပ်တွေ ကွာပါတယ် … သိပ်ကို ကွာပါတယ်။ အန်တီစု တော်ခြင်း မတော်ခြင်း ... အထူးအထွေ ဘာမှမပြောလိုပေမယ့် ပြောနိုင်တာကတော့ .. တိုင်းပြည်တိုးတက်ချမ်းသာလိုတဲ့ စိတ်ခွန်အား ပြင်းပြပြီး၊ ထားတဲ့စေတနာ မှန်တယ်၊ ရိုးသားမှု အပြည့်ရှိတယ်ဆိုတာကတော့ အသေအချာ ပြောနိုင်ပါတယ်။ နောက် ရှည်လျှားလာတဲ့ တော်လှန်ရေးရဲ့ဖြစ်စဉ်အောက်မှာ စွန့်လွှတ် အနစ်နာခံမှုတွေကပါ ရောပြွမ်းလာခဲ့ပါတယ်။

ကျနော်သိသလောက် ရာစုနှစ်အတွင်းမှာ မြန်မာလူထုရဲ့ ထောက်ခံမှု၊ လေးစားမှု၊ ကြည်ညိုမှုတွေ ကြောက်ခမန်းလိလိရရှိသူနှစ်ဦးကို ထောက်ပြပါဆိုရင် ဗိုလ်ချုပ်အောင်ဆန်းနဲ့ သမီး ဒေါ်အောင်ဆန်းစုကြည်ကလွဲလို့ ဘယ်သူရှိနိုင်မှာလဲ။ သမိုင်းဆိုတာ ဖန်တီးယူလို့မရပါ၊ လုပ်ယူလို့မရပါ၊ လုပ်ရပ်နဲ့ ဖြစ်စဉ်တွေက ပြဌာန်းခြင်းဖြင့်သာ တိုင်းတာနိုင်ပါလိမ့်မယ်။

အမှောင်ထု ရှည်လျှားလှသော မြန်မာပြည်ကို သူကလွဲလို့ ဘယ်သူဦးဆောင်နိုင်မှာလဲ။ ဦးဆောင်နိုင်မယ်ဆိုရင်တောင်မှ သူ့လို လူထုထောက်ခံမှုရနိုင်ပါမယ်လို့ အာမခံနိုင်ပါသလား။ မေးခွန်းထုတ်စရာပါ။

ကျနော် ဒီ “ဒေါ်အောင်ဆန်းစုကြည်၏ နှလုံးသားပုံရိပ်များ” ဆိုတဲ့ ရသဆောင်းပါးတွေ ရေးနေဆဲ အချိန်မှာပဲ အန်တီစု နေအိမ်အကျယ်ချုပ်က လွတ်မြောက်လာတာနဲ့ တိုက်ဆိုင်နေပါတယ်။ သိပ်ဝမ်းသာမိပါတယ်၊ ပီတိဖြစ်မိပါတယ်။ ပြောမပြတတ်လောက်အောင်ပါပဲ။

ဒီမိုကရေစီ လွတ်မြောက်ရေးတိုက်ပွဲကတော့ မပြီးသေးပါဘူး။ ကြမ်းလွန်းတဲ့ခရီးကို ဆက်ရဦးမှာပါ။ … … … … အန်တီစု စိတ်ရော၊ ကိုယ်ပါ ကျန်းမာချမ်းသာစွာဖြင့် ကျနော်တို့ အမိမြန်မာနိုင်ငံ ဒီမိုကရေစီနဲ့ လူ့အခွင့်ကို ပြည့်ဝစွာရရှိသည်အထိ ဆက်လက်လုပ်ဆောင်နိုင်ပါစေ ... လို့ ဆန္ဒပြုရင်း ကဗျာဆရာ မောင်တင်သစ် ရေးသားတဲ့ ‘ဒီနေ့ဟာ အစဖြစ်တယ်’ ဆိုတဲ့ ကဗျာလေးနဲ့ ဂုဏ်ပြုလိုက်ပါရစေ။

ဒီနေ့ဟာ အစဖြစ်တယ် (ကဗျာဆရာ မောင်တင်သစ်)

ပင်လယ်ကိုဖြတ်လာတဲ့ မိုးနံ့ပါတဲ့လေလို
မြို့ကြီးထဲ ငါတို့ဝင်ရောက်ကြပါစို့။

နေရောင်ဟာ အုန်းလက်ကိုင်းများနဲ့ အိမ်မိုးစွန်းကိုဖြန်းပြီး
ကနေတဲ့ ဒေါင်းပျိုတွေလို အစိမ်းရောင်ပွပွ လှလှကြီးဖြစ်နေတယ်။

အိမ်ရှေ့လမ်းမပေါ်က မော်တော်ကားတွေဟာ ကြိုတင်တိုင်ပင်ထားကြသလိုပဲ
ဝး၀၀ နာရီမှာ ဟွန်းတွေ တပြိုင်နက်ထဲ တီးလိုက်ကြကုန်။

ဒါဟာ အစပဲ … …
အရာအားလုံး အစက ပြန်စမယ့်
အစပဲ … …။

လေညှင်းဟာ အရပ်မျက်နှာအသီးသီးက တလှည့်ပြီးတလှည့်တိုက်နေတယ် ...
ငါတို့ဟာ လေညှင်းနဲ့အတူပါလာတဲ့ အရပ်မျက်နှာအသီးသီးက ပန်းရနံ့တွေလို
ဒီနေရာကို စုဝေးရောက်ရှိလာကြတယ် … …
သမိုင်းဝင် ဓာတ်ပုံထဲက
မျက်နှာတွေနဲ့ အားလုံးဟာ တည်ငြိမ်ခန့်ငြားလို့ပေါ့။

မြို့အနှံ့ကခေါင်းလောင်းတွေဟာ
အနှစ်နှစ်အလလက ထစ်အသွားခဲ့တဲ့
သူတို့အသံ သူတို့ပြန်ရလို့ ဝမ်းသာမဆုံးဖြစ်လို့
အပြုံးမျက်နှာတွေဟာ ပြန်ပြီး တည်လို့မရတော့သလိုမျိုး။

ကန်ရေပြင်ဟာ သူကိုယ်တိုင် ကုန်းပေါ်တက်လာပြီး
ပွဲတော်မှာ နွှဲချင်နေတယ်
လက်ခုပ်သံတွေက တိကျတယ်
အပိုအလိုမရှိဘူး
ရုပ်ရှင်မရိုက်ဘူး
ဇာတ်တိုက်မထားဘူး
တာထွက်တော့မယ့် အားမာန်တွေဟာ အချက်ပေးသံကို စောင့်နေကြပြီ။

ကျားတွေအတွက် တောထဲမှာ လမ်းခင်းမထားဘူး
ချောင်းတွေ့ရင် ခုန်ကျော်သွားဖို့ပဲ
ချောင်းကျယ်ရင် ဖောင်ဖွဲ့မယ် …
အရာအားလုံး အစကပြန်စမယ့် အစဖြစ်တယ်။

ဒီနေ့ဟာ ကမ္ဘာပေါ်က အလှဆုံးနေ့တွေထဲက တနေ့ဖြစ်တယ် …
ဒီနေ့ဟာ စစ်ပွဲစတင်တဲ့နေ့ မဟုတ်ဘူး
ဒီနေ့ဟာ စစ်ပွဲအောင်နိုင်တဲ့နေ့ မဟုတ်ဘူး …
ဒီနေ့မှာ စစ်ရှုံးသူမရှိဘူး စစ်နိုင်သူမရှိဘူး
ဒီနေ့ဟာ ငြိမ်းချမ်းမှုစတင်တဲ့နေ့
ငြိမ်းချမ်းမှုအောင်နိုင်တဲ့ နေ့ဖြစ်ရဲ့။

ဒီနေ့ဟာ မေတ္တာစတင်တဲ့နေ့ …
မေတ္တာအောင်နိုင်တဲ့နေ့ဖြစ်ရဲ့ …
ဒီနေ့အကြောင်း ကဗျာတပုဒ်ရေးရပေလိမ့်မယ် …
ဒီနေ့အကြောင်း ကဗျာတပုဒ်မရေးခဲ့ဘူးဆိုရင် .. ငါဟာ
ဘာမှမရေးခဲ့တဲ့လူတယောက်နဲ့ ဘာထူးဦးတော့မှာလဲ …။

(ကဗျာဆရာ မောင်တင်သစ်)

(အန်တီစု ၁၃. ၁၁. ၂၀၁၀ တွင် လွတ်မြောက်လာခြင်းအတွက် ဂုဏ်ပြုစပ်ဆိုသောကဗျာအား ကောင်းကင် ဝက်ဘ်ဆိုဒ်မှ ကူးယူဖော်ပြ ထားပါသည်)

အားလုံးကို လေးစားစွာဖြင့်

မောင်မောင်ဝမ်း
maungmaungone@gmail.com

Dr Maung Ba Chit – Light

အလင်းရောင်
ဒေါက်တာ မောင်ဘချစ်
နိုဝင်ဘာ ၂၄၊ ၂၀၁၀

“ဆက်သွယ်ရေးအားဖြင့် ကျွန်မတို့အချင်းချင်းမှာ နားလည်မှုရအောင် ကျွန်မတို့အချင်းချင်း ညီညွတ်မှုရအောင် သုံးကြပါ”

ဒေါ်အောင်ဆန်းစုကြည် (နိုဝင်ဘာ ၁၄၊ ၂ဝ၁ဝ)

အထက်ပါ လက်ကိုင်ဖုန်းလေးတွေနှင့်ပတ်သက်ပြီး အမျိုးသားဒီမိုကရေစီအဖွဲ့ချုပ် ရုံးရှေ့တွင် ဒေါ်အောင်ဆန်းစုကြည် ပြောကြားသွားသော မိန့်ခွန်းကို နားထောင်နေစဉ် မောင်ဘချစ် တပည့်တယောက်နှင့် တွေ့သည်။

သူက မောင်ဘချစ်အကြောင်းကို သိသည်။

“ဆရာ သရော်စာတွေပဲ ဘာလို့ရေးနေလဲ ဆုံးမစကားတွေ ဘာတွေလည်း ရေးပါလား”

မောင်ဘချစ်သည် ဆုံးမစကား ခဏခဏ ပြောရသည်။

ထိုသို့ပြောသည်မှာလည်း လူငယ်တွေက ပြောဆိုစေသောကြောင့် ဖြစ်သည်။

အသက်ကြီးသူများထံမှ စကားကိုကြားနာရခြင်းသည် အရှေ့တိုင်းထုံးစံ ဖြစ်သည်။ လူကြီးများကိုရိုသေရမည် ဆိုသည်ကို အရှေ့တိုင်းစာပေများတွင် အတိအကျ ရေးထားသည်။

မြန်မာဗုဒ္ဓဘာသာတွေကတော့ တနေ့တရက် ကြီးသူကိုပင် ရိုသေရမည်ဟု ဆိုဆုံးမထားသည်။

ဗုဒ္ဓကတော့ သက်အရွယ်ကို အဓိကထား ရိုသေခိုင်းခြင်း မရှိပါ။

သာသနာ့ဘောင်ဝင်သောနေ့ရက် (ရဟန်းဖြစ်သောနေ့ရက်) ဝါစဉ်အလိုက် အကြီးအငယ် သတ်မှတ်သည်။
မောင်ဘချစ်က သူ့ကိုရှင်းပြရသည်။


“တခါတခါ ဆုံးမစကားပြောတာ ကောင်းပါတယ်။ ဒါပေမယ့် မကြိုက်တာ များတယ်ကွ”

“ကျွန်တော်တို့နိုင်ငံမှာ လူငယ်တွေအတွက် ပညာရေးပုံစံ မမှန်ကန်ဘူး။ ဆရာတို့ လမ်းကြောင်းပေးရင် ပိုကောင်းတာပေါ့”

“အေး။ ငါလည်း ပြောတာပါပဲကွ၊ ဥပမာ အမှောင်ထဲမှာ ကြောင်ဖြူ ကြောင်မည်း အတူတူပဲလို့။ ရွေးကောက်ပွဲဝင်ရင် အမှောင်ထဲ ရောက်သွားတာပဲလေ။ ဖြူတဲ့ကောင်တွေလည်း မည်းတယ်ဆိုပြီး အရိုက်ခံရနိုင်တာကို ပြောတာပေါ့”

“ခု အလင်းလေးတစတော့ ရလာပြီပေါ့”

“အင်း၊ ဒီတစသောမီးကို ဝိုင်းထွန်းညှိကြမှ လင်းလာမှာကို သဘောပေါက်ပါတယ်။ အားလုံး သဘောပေါက်ဖို့ လိုတာပဲ”

“အမေစုက အလင်းကွန်ယက်ကြီး ဖြစ်စေချင်တာပဲ။ ခေတ်မီ တိုးတက်တက်တဲ့ နည်းပညာတွေ တွီတာ (Twitter)တွေ၊ (Face Book)တွေနဲ့ဆိုရင် ဘယ်သူမှ အမှောင်ချထားလို့မရဘူးလို့ အမေက ဆိုလိုတယ် ထင်တယ်”

“ဒီလိုရှိတယ်ကွ၊ တရုတ်ပြည်အမျိုးသမီးတဦး (Twitter) သုံးပြီး အခြားသူတွေရဲ့အမြင်ကို ထင်ဟပ်စေတာနဲ့ ထောင် တနှစ်ချတာမျိုး ရှိတယ်ကွ”

“ဒီသတင်း ဘယ်ကရလဲ။ ဘယ်တုန်းကလဲ”

“စီအင်အင်က သတင်းပါ။ တီဗွီသတင်းပါ။ အင်တာနက်မှာ ဆရာဖတ်ရတာက နိုဝင်ဘာလ ၁၈ ရက်နေ့ကပါ”

“ဆရာ နည်းနည်းပြောပြပါလား”

“ဒီမှာ ငါ ဖတ်ပြမယ်။ တရုတ်အမျိုးသမီးတယောက်ကို အလုပ်ကြမ်းနဲ့ ထောင်ဒဏ် တနှစ်ကျခံစေတယ်။ အကြောင်းကတော့ သူမဟာ တရုတ်ဆန္ဒပြသူများက ဂျပန်ပစ္စည်းတွေကို ဆန္ဒပြတဲ့အနေနဲ့ ဖျက်ဆီးပစ်တယ်ဆိုတာကိုသယော်ထားတဲ့ (Twitter)ထဲက စာတခုကိုပဲ့တင်ထပ် re-tweet လုပ်လို့ပါပဲ”

“re-tweet လုပ်တယ်ဆိုတာ ဘာလဲဆရာ”

“ရေးထားတဲ့အကြောင်းအရာတွေကို ထပ်ပြီးတဆင့်ပို့တာမျိုးပေါ့။ ဥပမာ ငါ မင်းကိုပြောမယ်။ မင်းက မင်းသူငယ်ချင်းနှစ်ယောက်ကို ပြောမယ်။ နောက်သူငယ်ချင်းတွေကလည်း ထပ်ပြောမယ်။ ဒီကနေ တစ တစ ကျယ်ပြန့်လာတာမျိုးပေါ့။

ဥပမာ ဒို့ငယ်ငယ်က အိမ်မှာ ကြက်တွေမွေးကြတာတွေ ရှိတယ်။ ကြက်မကြီးက သူရဲ့သားကလေးတွေကို အစာယက်တွေကို ရှာကျွေးတာမျိုးပေါ့။

ကြက်မကြီးက သူယက်အပြီးမှာ တွီခနဲ အသံလေးပြုတယ်။ သူ့အနားက ကြက်ကလေးတွေကလည်း ပြေးလာရင်း အသံပြုတာပေါ့။ သူ့အဝေးက ကြက်တွေလည်း အသံကြားရာကို ပြေးလာကာ အသံပြုတယ်။

ဒီအခါ ကြက်အုပ်ရဲ့အသံဟာ ဆူဆူညံသွားတော့တာပေါ့။

အလုအယက် အစလာကောက်ကြတာကိုး။

ဒီအသံတွေကို ကြက်လေးတွေ တွိလုပ်တယ် လို့ ဆိုတယ်။

အမေ တွီလုပ်တဲ့အသံတွေကြောင့် ကြက်ကလေးအချို့ ကြားတယ်။ ဒီကြားတဲ့ ကြက်ကလေး ကိုယ်တိုင်က သတင်းထပ်ပို့ (တွီလုပ်တော့) ကြက်ကလေးတွေအားလုံး သတင်းရရှိတယ်။

ဒီအတိုင်းပါပဲ။ ယနေ့ခေတ် အင်တာနက်ပေါ်မှာရှိတဲ့ Twitter ဆိုတာ ဒီသဘောကိုဆောင်တယ်”

“ဒါဆိုရင် ဆရာရယ် သတင်းတွေ အရမ်းပြန့်တာပေါ့။ ဒေါ်စုပြောတဲ့ ခေတ်မီနည်းပညာဆိုတာ ဒါမျိုးပဲပေါ့နော်။ ဆရာရှင်းပြတာ သဘောပေါက်တယ်။ ဒီလိုနည်းပညာတွေ အစပြုတာကို ပြောပြပါလား”

“အင်တာနက်တွေမှာ Web Site တွေ ရှိတယ်။ သတင်းဌာနတွေ၊ အဖွဲ့အစည်းတွေဟာ မိမိတို့ရဲ့ အမည်တွေနဲ့ Web Site တွေ တည်ရှိလာတယ်။ ဒါတွေကို dot com တွေ၊ dot org တွေလို့ ခေါ်လာပါတယ်။ ဒီနေရာမှာ လူတွေဟာ မိမိတို့ရဲ့ ကိုယ်ပိုင် Web Site တွေ ထူထောင်လာတယ်။ ဒါကို blog-spot တွေလို့ ခေါ်တယ်”

“ဟုတ်ကဲ့ ဒါကိုတော့ သဘောပေါက်ပါတယ် ဆရာ”

blog-spot တွေ အများကြီးကွ။ ဒါနဲ့ လူတိုင်း သတင်းစာဆရာ ဖြစ်လာတာပေါ့။ ဒီအခါ သတင်းဌာနတွေကလည်း အများကြီးဆိုတော့ သတင်းတွေက အများကြီး ဖြစ်လာတယ်။ ဒီအတွက် တွီတာဟာ အင်မတန် အသုံးဝင်လာတယ်။

ဘာကြောင့်လဲဆိုတော့ တွီတာတွေဟာ blog-spot တွေနဲ့ ချိတ်ဆက်ထားလို့ရတယ်။ သတင်းဌာနတွေကိုလည်း ဆက်သွယ်ထားနိုင်တယ်။ အနည်းဆုံး သတင်းခေါင်းစဉ်လေးတွေ တွီတာမှာ လာပေါ်တယ်။ ဒါကြောင့် သူဟာ သတင်းတွေကို ဖြန့်ပေးတာ မြန်ဆန်တာပေါ့”

“ကောင်းတယ် ဆရာ blog-spot တွေ၊ တွီတာတွေဟာ နက်ဝပ်တွေပေါ့နော်”

“တကယ်တော့ ဒါမျိုးကို Social Network လို့လည်း ခေါ်တယ်။ Social Network တွေဟာ အင်မတန် ခေတ်စားတယ်။ ဘာကြောင့်လဲဆိုတော့ လူတွေဟာ Social Animals တွေ ဖြစ်လို့ပါပဲ။ လူတွေဟာ စုပေါင်းနေထိုင်ကြတယ်။ တယောက်နဲ့တယောက် သတင်းစကားတွေ ဖလှယ်ကြတယ်”

“မြန်မာပြည်မှာ လက်ဘက်ရည်ဆိုင်သွားကြတာဟာ သတင်းစကားဖလှယ်ဖို့လား ဆရာ”

“သတင်းစကားဖလှယ်ဖို့ အဓိကကျသလို မိတ်ဆွေတွေနဲ့ ထွေရာလေးပါး ပြောရတာကို သဘောကျလို့ပါပဲ”

“ဘာသဘောကျစရာတွေရှိလို့လဲ ဆရာ”

“လူတွေဟာ Social Animals တွေဖြစ်တယ်လေ။ ဒီလို တွေ့ကြ ဆုံကြတာ ကျေနပ်မှု ရတယ်။ ရှေးက ဥပုသ်စောင့်သွားရင်း တွေ့ကြတာလည်း Social Network တွေနဲ့ တူတာပါပဲ”

“ခုခေတ်တော့ အင်တာနက်ပေါ့ဆရာ ဟုတ်လား”

“ဒီခေတ်မှာ တယောက်နဲ့တယောက် အနေဝေးလာကြတယ်။ လူတွေဟာ မိမိအလုပ်ရှိရာကို သွားရတယ်။ ယောင်နောက် ဆံထုံးပါသလို ဆံထုံးနောက် ယောင်ပါရတာ ရှိတယ်။ အထူးသဖြင့် အနောက်တိုင်းမှာ လူတွေ အနေဝေးလာတယ်။ ဒီတော့ Socialize လုပ်တဲ့အခါ အကောင်ဆုံးလက်နက်တွေကို ရှာလာကြတယ်။ Social Network တွေထဲမှာ ခေတ်အစားဆုံးကတော့ Face Book နဲ့ Twitter တို့ ဖြစ်နေတာကို တွေ့ရတယ်”

အမေစု အကျယ်ချုပ်က လွတ်မြောက်လာတဲ့နောက် မိန့်ခွန်းတွေ အင်တာဗျူးတွေထဲမှာ ခေတ်မီနည်း ပညာတွေကိုသုံးပြီး ဆိုရှယ်နက်ဝပ်တွေ လုပ်ရမယ်လို့ ပြောသွားပါတယ် ဆရာ”

“ခေတ်မီနည်းပညာတွေကိုသုံးဖို့ ဒေါ်စုက သူ အကျယ်ချုပ်က မထွက်လာမီကပဲ ပြောခဲ့ပါသေးတယ်ကွ”

“ဒါပေမယ့် တရုတ်ပေါက်ဖော် အမျိုးသမီးကတော့ re-tweeting လုပ်တာနဲ့ ထောင် တနှစ်ကျတာတော့ လွန်တာပါပဲ”

“ပိုဆိုးတာက ဒီအမျိုးသမီးက လက်ထပ်ဆဲဆဲကွ”

“သေတာပဲ။ အသက် ဘယ်လောက်ရှိပြီလဲ”

“၄၆ နှစ်”

“ဆိုးတယ် ဆရာ၊ ထောင်ထွက်လာရင် အသက် တနှစ်ကြီးသွားပြီ၊ သူ့ဘဲက ယူဦးမှာလား”

“တကယ်တော့ သူ့ဘဲကစတဲ့ ပြဿနာကွ။ သူ့ဘဲ အမည်က Hua Chunhui လို့ ခေါ်တယ်။ သူက Twitter ထဲမှာ ထည့်လိုက်တာကို သူ့အမျိုးသမီး Cheng က re-tweet လုပ်တာတဲ့”

“နှစ်ယောက်လုံး မဖမ်းဘူးလား”

“ဖမ်းတယ်။ အမျိုးသားကို ၅ ရက်နေတော့ ပြန်လွှတ်ပေးလိုက်တယ်။ re-tweet လုပ်တဲ့ Cheng ကိုတော့ တနှစ် ချတယ်”

“ဒါတော့ ဘယ်တရားမလဲ ဆရာ”

“နောက်ကွယ်က အကြောင်းတရား တခုရှိသေးတယ်။ Cheng ဟာ တရုတ်နိုဘယ်ဆုရှင် Liu Xiaobo ကို ထောက်ခံကြောင်း တွီတာကနေ သတင်းပို့တာကိုး”

“တွီတာဟာ အင်မတန် ထိရောက်တယ်ထင်တယ်နော်”

“ဟုတ်ပါတယ်။ အာဏာရှင်တွေက ဒီလိုအလင်းပေးတဲ့ ကိရိယာတွေကို စနစ်တကျ ဖျက်ပစ်တတ်တယ်”

“အင်း … ကျွန်တော်တို့နိုင်ငံကတော့ လျှပ်စစ်မီးတွေကို ဖျက်ထားတာကြာပြီပဲ”

“မီးတွေပျက်တော့ တိုးတက်တဲ့ကမ္ဘာကြီးနဲ့ အဆက်အသွယ်တွေ ပျက်ကုန်ပြီး နောက်ကျကျန်ရတာတွေ အများကြီးပေါ့”

“မီးတွေ၊ ရေတွေ၊ ဖုန်းတွေ ဘယ်ဟာမှ စိတ်မချရဘူး”

“ဟုတ်တယ်လေ။ ဆိုရှယ်နက်ဝပ်တွေကို မသုံးနိုင်တော့ ပညာရေး၊ စီးပွားရေး၊ ကျန်းမာရေး နိုင်ငံရေးတွေ အားလုံး နောက်ကျကျန်ခဲ့တာပေါ့”

“အင်း … ဆရာပြောတော့မှ တွီတာက ဒီလောက် အရေးကြီးတယ်ဆိုတာ သဘောပေါက်လာတယ်”

“ဒေါ်စုပြောတာပါကွာ၊ ဒီတော့မှ ဒို့လည်း သတိထားမိတာကွ”

“အမေစုတော့ တော်ပါပေတယ်။ ဒါကြောင့်လည်း ကျွန်တော်တို့ လေးစားကြတာပေါ့နော်”

“အေး … သူတော်တာကို နောက်ကလိုက်လုပ်တာ ကောင်းပါတယ်။ အနာဂတ်ကျတော့ မင်းတို့လို လူငယ်တွေပဲ ဦးဆောင်ရမှာ”

“ကျွန်တော်တို့က အလင်းရောင်ကို မျှော်နေတာပါ။ လမ်းပြတဲ့ အလင်းရောင်ကို လိုချင်တာပါ”

“အေး။ အားလုံး ဝိုင်းကူကြတာပေါ့”

အလင်းရောင် … အလင်းရောင် … အလင်းရောင်။

20 November 2010

Yan Win (Taung Da Gar) – Kanchay zeyar oo


အလွမ်းမပြေတဲ့ ကမ်းခြေဇေယျာဦး
ရန်ဝင်း (တောင်တံခါး)
နိုဝင်ဘာ ၂၁၊ ၂၀၁၀

“ကြည်နူးမှုရဲ့အရိပ်ဝယ်
နှစ်သိမ့်စရာစကားတွေနဲ့ ဖောင်ဖွဲ့ကာပဲ

ကမ်းခြေဇေယျာဦးဝယ်

အလွမ်းတွေမပြေပါဘူးကွယ်”

ကမ်းခြေဇေယျာဦး၊ ကိုလှမိုး
မူလတေးသံရှင် ကိုခင်လတ်


အလွမ်းတွေမပြေတဲ့ ကမ်းခြေဇေယျာဦးကို တသက်တာ မမေ့နိုင်တော့ပါလေပြီ။ တန်ဆောင်မုန်းလ ရောက်ပြန်ပြီဆိုမှဖြင့် စစ်ကိုင်းတောင်နဲ့ ကမ်းခြေဇေယျာဦးကို ပိုလို့ သတိရ လွမ်းဆွတ်ရပြန်တော့တယ်။

“မြစ်မင်းဧရာ ခွေကာဝိုင်းလို့ စစ်ကိုင်းအောင်ချာမြေ၊
ရေလှိုင်းကလေးတွေ နေရောင်မြူးလို့၊ ငွေရောင်ဖြူးကာနေ၊

ရွှေတောင်ဦးမော် ရှုမျှော်ခင်းနဲ့ မြစ်တွင်းသာယာပေ၊”

စစ်ကိုင်းတောင်၊ မြို့မငြိမ်း
မူလတေးသံရှင် လေဘာတီ မမြရင်


ဂီတစာဆို ဆရာမြို့မငြိမ်းရဲ့ စစ်ကိုင်းတောင်သီချင်းအတိုင်းပါပဲလေ။ စစ်ကိုင်းတောင်အထက်နား၊ ဆွမ်းဦးပုညရှင်စေတီအပါးဆီက အရှေ့ဘက်တလွှားကို တွေဝေငေးမောရင်း ရှုမျှော်ကြည့်လိုက်ရင်ဖြင့် ခွေကာပတ်ကာ ရစ်ဝိုင်းနေတဲ့ မြစ်မင်းဧရာဝတီ နဲ့ ခပ်လှမ်းလှမ်းမှာ ဒုဋ္ဌာဝတီမြစ်တွေက ငွေလှိုင်းကလေးတွေ တဖျပ်ဖျပ် တလက်လက်နဲ့ နေရောင်မှာ တသွင်သွင်မြူးနေကြတော့ ရေပြင်ကျယ်မှာ ငွေသင်ဖြူးခင်းထားသလိုပါပဲ။

ရွှေတောင်ဦးမော် ရှုမျှော်ခင်း

ရွှေတောင်ဦးမော် ရှုမျှော်ခင်းနဲ့အတူ အရှေ့မြောက်ယွန်းယွန်း အဝေးဟိုဆီမှာတော့ မန္တလေးတောင်ကို ရီဝေဝေ မှုန်ပြပြမြင်နေရတယ်။ ဧရာဝတီမြစ် အရှေ့ဖက်ကမ်းဆီမှာတော့ ရွှေကြက်ယက်၊ ရွှေကြက်ကျ စေတီနှစ်ဆူနဲ့ ဘုရားတန်ဆောင်းတွေ၊ ကျောင်းကန်တွေက အစီအရီပေါ့။ အဲဒီပတ်ဝန်းကျင်နဲ့ ရှုမျှော်ခင်းကို အသည်းမှာ စွဲခဲ့ရသူတွေအဖို့မှာတော့၊ ကမ္ဘာကုန်ကျယ်သ၍ ဘယ်မှာမေ့နိုင်တော့မလဲလေ။

ဧရာဝတီမြစ် အရှေ့ဘက်ကမ်းက ရွှေကြက်ယက်၊ ရွှေကြက်ကျ စေတီနှစ်ဆူ

တောင်ဘက်ယွန်းယွန်းဆီက စစ်ကိုင်းတံတားကြီးကို လှမ်းမျှော်မိပြန်တယ်။ ဒုတိယကမ္ဘာစစ်ကြီး အတွင်းမှာ စစ်ကိုင်းတောင်ရိပ်ကိုခိုခဲ့ကြတဲ့ မန္တလေးသူ မန္တလေးသားတွေလည်း စစ်ကြီးပြီးတဲ့အခါ ဆရာမြို့မငြိမ်းတို့ မြို့မအဖွဲ့သားတွေနဲ့အတူ ပြည်တော်ဝင်ကြဖို့ စစ်ကိုင်းတံတားကြီးအနား လှေဆိပ်က ငှက် လို့ခေါ်တဲ့ သမ္ဗန်လှေတွေနဲ့ ဧရာဝတီမြစ်ကို ဖြတ်ကူးခဲ့ကြလိမ့်မယ်လို့ မှန်းဆ ပုံဖော်ကြည့်မိပြန်တယ်။

“မြို့မနဲ့ အတူတကွ လိုက်ပါနိုင်စေ
အောင်စည်ရွှမ်းသံ ကြားပြီထင့် ပြည်တော်ဝင်မယ်လေ။”
ပြည်တော်ဝင်၊ အေဝမ်း ဆရာညှာ

ဒုတိယကမ္ဘာစစ်ကြီးပြီးခါစက စစ်ကိုင်းတံတား နဲ့ ငှက်သမ္ဗန်ဆိပ်

“ဧရာဝတီ၊ ရေဇလာနဒီ
မြစ်ရေ ဖွေးဖွေးဝယ် ငှက်သမ္ဗန်လှေကလေးစီးကြမည်
သောင်ယံဆီ၊ တောင်ပံချီ

ခွန်းချိုတေးဖွဲ့သီ ငှက်မောင်နှံပျော်မြူးကြပြီ

စစ်ကိုင်းတံတားဘက်ဆီကို သူလာမလားလို့ မျှော်မှန်းမိသည်။”

ဇေယျာကမ်းအလှပန်းချီ၊ စန္ဒယားလှထွတ်

မူလတေးသံရှင် ရီရီသန့်


တန်ဆောင်မုန်းလပြည့်နဲ့ စစ်ကိုင်းတောင်ရိုးကို ခွဲထားလို့ မရနိုင်တော့ပါ။ တန်ဆောင်မုန်း လပြည့်နေ့မတိုင်ခင်ကတည်းက မန္တလေးသူ မန္တလေးသားတွေ စစ်ကိုင်းတောင်ရိုးဘက်ဆီကို တဖွဲဖွဲနဲ့ ရောက်လာကြပြီ။ အထူးသဖြင့် လပြည့်နေ့မတိုင်ခင် အဖိတ်နေ့မှာတော့ တနေ့လုံးပဲ မန္တလေး စစ်ကိုင်းကားလမ်းပေါ်မှာ စစ်ကိုင်းဘက်သွားတဲ့ကားတွေက လူအပြည့်နဲ့ ကျပ်ညှပ်နေတယ်။

“တောင်ခြေ စိမ်းလန်း၊ ချောင်တွေ သိန်းသန်း” လို့ ဆရာမြို့မငြိမ်း တင်စားဖွဲ့ဆိုခဲ့သလို ချောင် လို့ ခေါ်တဲ့ ကျောင်းတွေ၊ ဘုရားစေတီပုထိုးတွေအပြည့်နဲ့ စစ်ကိုင်းတောင်ရိုး၊ မင်းဝံတောင်ရိုး နဲ့ မင်းကွန်း အရပ်ဒေသတွေမှာ အေးချမ်းတဲ့ ရတနာသုံးပါးရဲ့ အရိပ်ကိုခိုပြီး ကထိန်ခင်းကြ၊ ကောင်းမှုကုသိုလ် အလှူဒါနပြုကြရင်း အပန်းဖြေတဲ့သူလည်းဖြေလို့ အင်မတန် ပျော်ကြတယ်။ အပျော်လွန်ချင်တဲ့ သူတွေကိုလည်း အချင်းချင်းထိန်းကြလို့ ရုပ်ပျက်ဆင်းပျက် ဘယ်တော့မှမတွေ့ကြရပါ။

အဖိတ်နေ့ ညနေခင်းနဲ့ ညဦးပိုင်းရောက်တော့ မိတ်ဆွေတွေရှိတဲ့ ချောင်တွေကို အပြန်အလှန် လည်ပတ်ကြပြီး အစားအသောက် အကျွေးအမွေးတွေနဲ့ ဧည့်ခံကြတယ်။ တချို့လည်း စစ်ကိုင်းတောင်ရိုးတန်းတလျှောက်က ဘုရားတွေကို လည်ဖူးကြတယ်။ စောင်းတန်းရှည်ကြီးတွေနဲ့ အုတ်လှေကားအဆင့်ဆင့်တွေ၊ တောလမ်းကလေးတွေမှာလည်း တက်ချီတခါ ဆင်းချီတလှည့် ကွေ့ကာ ပတ်ကာ ဝိုက်ကာ သွားကြရင်း မောပန်းရမှန်းမသိလောက်အောင်ပဲ ပျော်စရာကောင်းလှတယ်။

စစ်ကိုင်းတောင်ရိုးတန်းတနေရာက စောင်းတန်းရှည်နဲ့ ဘုရားစေတီများ

ညချမ်းအချိန်မှာ ဘုရားစေတီတွေကို ပူဇော်ထားတဲ့မီးရောင်တွေနဲ့ စစ်ကိုင်းတောင်ရိုးတခုလုံးရဲ့ လှပပုံကို စာပန်းချီမဖွဲ့တတ်နိုင်တော့ပါ။ လေမှုတ်တူရိယာတွေ၊ အကော်ဒီယံ၊ တယော၊ မယ်ဒလင်၊ ဂီတာ အတီးအမှုတ်တွေနဲ့ သီချင်းတကြော်ကြော်ဆိုလာသူတွေကိုလည်း တွေ့နိုင်တယ်။

“စစ်ကိုင်းတောင်ခြေ
ရောက်ခဲ့ပြန်ပေါ့ တို့တတွေ

အဖော်အပေါင်းဆွေ ပျော်ကြောင်းပေ

လတန်ဆောင်ဦးမို့ ဆီမီးရောင်ရှိန် ထိန်ကာနေ။

ကုသိုလ်အပေါင်း ခညောင်းရာမြေ

ဆုခြွေတောင်း အောင်ကြောင်းဖြာဝေ

ကမ်းဇေယျာစခန်း မှန်း၊ လှမ်း၊ မြန်းလာကြ ဖော်သဟာဆွေ

ခြိမ့်သံညံမစဲ ဆိုတေး၊ တေးသံပြိုင်ဆိုနေ။”

တင်ဦးလေး နှင့် အဖွဲ့

အဲဒီအခါမှာ တောင်ရိုးလမ်းတလျှောက်နဲ့ ဘုရားစောင်းတန်းတွေမှာ လူကျပ်လို့ တိုးတိုးခွေ့ခွေ့ သွားရတတ်တယ်။ လူပြောင်လူနောက်တွေကလည်း လွတ်လွတ်လပ်လပ် ပျော်ကြတာတွေရှိတော့ အများအားဖြင့် ညပိုင်းရောက်ရင် တည်းခိုရာချောင်တွေမှာပဲ နားနေကြပြီး မနက်ခင်းကျမှ ဘုရားဖူး ထွက်တတ်ကြတယ်။

စစ်ကိုင်းတောင်ရိုးနဲ့ ဇေယျာကမ်းအလှပန်းချီ

“ရေဇလာနဒီ၊ သေလာမဟီ၊ ဇေယျာပြည်
စစ်ကိုင်းတောင် တခွင်လုံးပတ်ရံလည်

ပုထိုးဘုရားစေတီ၊ ဘိုးဘွားအမွေတည်၊ အကျိုးပွားစေရည်

တည်ထားနှစ်များကြာရှည်၊ တမျှော်တခေါ်သာပဲ ရှုလို့မဆုံးတော့သည်။”

ဇေယျာကမ်းအလှပန်းချီ၊ စန္ဒယားလှထွတ်

တန်ဆောင်မုန်းလပြည့်နေ့မနက်ပိုင်းမှာတော့ အရှေ့ဘက်စစ်ကိုင်းတောင်ရိုးလမ်းနဲ့ မလှမ်းမကမ်းမှာရှိတဲ့ သရက်ပင်ဆိပ်ကစပြီး မြောက်ဘက်ထိပ် ဝါးချက်ရွာလှေဆိပ်ဆီကို မြစ်ကြောင်းတလျောက် ငှက်သမ္ဗန်စီးရတာကိုက စစ်ကိုင်းတောင်ရိုးရဲ့ တဆောင်မုန်းလပြည့်နေ့ သရုပ်တခုပါပဲ။

ငှက်သမ္ဗန်ဆိပ်

“အိပွဲ့ အိပွဲ့ ငှက်သမ္ဗန်ခတ်သွားတယ်

ကြည့်ကွဲ့ ကြည့်ကွဲ့ ညည်းလူဟာကြောင်လွန်းတယ်။

တစုတဝေး လုံမငယ်၊ ကျိတ်ပုန်းစားကြတယ်။”

ရေချိုးဆိပ်၊ မြို့မငြိမ်း

လှော်တက်နှစ်ချောင်းနဲ့ခတ်လိုက်လို့ ငှက်သမ္ဗန်ှမြည်တဲ့အသံကို ‘အိပွဲ့ အိပွဲ့’ လို့ ဆရာမြို့မငြိမ်းက ဖွဲ့ဆိုသွားခဲ့ပါတယ်။ ငှက်သမ္ဗန်ှစီးရင်းလည်း အပါင်းအသင်းမိတ်ဆွေတွေနဲ့ လမ်းမှာတွေ့ရင် အော်ကြ ခေါ်ကြ နှုတ်ဆက်ကြနဲ့ ပျော်ကြရတယ်။ လူငယ်လူရွယ် ယောက်ျားလေးတွေက မိန်းခလေးချောချောတွေ လမ်းမှာတွေ့ရင် လက်တွေပြကြ၊ ရွှေမန်းမယ်လား ဇေယျာမယ်လားဗျာ၊ လှလိုက်တာနော်လို့ ရိသဲ့သဲ့ ပြောတတ်ကြတယ်။ မိန်းကလေးတွေကလည်း တိတ်တခိုးပြန်ကြည့်ပြီး သူတို့အချင်းချင်း တိုးတိုးကျိတ်ကျိတ် စကြ နောက်ကြ ပြောင်ကြ ပျော်ကြလို့ပါပဲ။

တန်ဆောင်မုန်းလပြည့်နေ့မှာ နှစ်စဉ်နှစ်တိုင်းသွားနေကျ စစ်ကိုင်းတောင်ရိုးဘက်ဆီကို တနှစ်တလေများ မရောက်လိုက်ရရင်ဖြင့် ဒီတနှစ်တော့ လွဲသွားလေခြင်းလို့ မကြာခဏဆိုသလိုပဲ တွေးနေမိတတ်တယ်။ တွေးမိတိုင်းလည်း ကမ်းခြေဇေယျာဦးကို တဝဲလည်လည်နဲ့ သတိရနေတော့တာပါပဲ။

“အော်၊ ဒီအချိန်များကို
တွေးတွေးပြီး သတိတွေရလို့

ရက်တွေ တွက်ရေ လက်ရေချိုးရင်

တရေးရေးပဲ မှတ်မိကာလည်း

ဆုံးစ မမြင်တယ်ကွယ်”

ကမ်းခြေဇေယျာဦး၊ ကိုလှမိုး

တန်ဆောင်မုန်းလပြည့်နေ့ ညနေစောင်းရင်တော့ အချိန်တန် အိမ်ပြန်ကြရပြီ။ နောင်နှစ်ခါလည်း လာဦးမှာပေါ့လေ ဆိုတဲ့ မျှော်လင့်ချက်ကလေးတွေကိုယ်စီ ရင်မှာပိုက်လို့ နောင်နှစ်ခါလည်း ဆီးလို့ကြိုကွယ်၊ မောင်ကြီးလာပါမယ် ဆိုတဲ့ နှုတ်ဆက်လွမ်းတေးကို တရှိုက်မက်မက်သီဆိုရင်း ပြန်ခဲ့ကြရပြန်ပြီ။ တရွေ့ရွေ့နဲ့ ဝေးပြီးကျန်ရစ်ခဲ့တဲ့ ကမ်းခြေဇေယျာဦးကတော့ မြူခိုးမှုန်တွေကြားမှာ မှိုင်းပြာ ရီဝေလို့ပါပဲ။

မြူခိုးမှုန်တွေကြားက ကမ်းခြေဇေယျာဦးနဲ့ စစ်ကိုင်းတောင်ရိုး

အခုအချိန်မှာဆိုရင် တန်ဆောင်မုန်းလပြည့်နေ့ရဲ့ ကမ်းခြေဇေယျာဦးကို မရောက်နိုင်တော့တာ ဆယ်စုနှစ် နှစ်စုများတောင် ကြာခဲ့ပြီကောလေ။

“ဇေယျာကမ်းဝယ်
ပြန်လည်လို့ပဲတွေ့ဆုံကာ

ပျော်မွေ့ချင်ပါသေးတယ်
တရေးရေး စိတ်ဝယ်

အောက်မေ့လို့ သတိရနေသူမယ်”

ကမ်းခြေဇေယျာဦး၊ ကိုလှမိုး

(၁) စစ်ကိုင်းတောင်၊ တေးရေး မြို့မငြိမ်း၊ မူလတေးသံရှင် လေဘာတီမမြရင်
(၂) စစ်ကိုင်းတောင်ခြေ၊ တေးရေး (အမည်မသိ)၊ တေးသံရှင် တင်ဦးလေး နှင့် အဖွဲ့
(၃) ပြည်တော်ဝင်၊ တေးရေး အေဝမ်း-ဆရာညှာ
(၄) ရေချိုးဆိပ်၊ တေးရေး မြို့မငြိမ်း၊
(၅) ဇေယျာကမ်းအလှပန်းချီ၊ တေးရေး စန္ဒယားလှထွတ်၊ တေးသံရှင် ရီရီသန့်
(၆) ကမ်းခြေဇေယျာဦး၊ တေးရေး ကိုလှမိုး၊ မူလတေးသံရှင် ကိုခင်လတ်
(၇) ဓာတ်ပုံ၊ zeyarfcfans.com
(၈) ဓာတ်ပုံ၊ pbase.com/world/burma
(၉) ဓာတ်ပုံ၊ myanmars.net


19 November 2010

Maung Maung One Article for Daw Su - 7

ဒေါ်အောင်ဆန်းစုကြည်၏ နှလုံးသားပုံရိပ်များ (အပိုင်း - ၇)
မောင်မောင်ဝမ်း
နိုဝင်ဘာ ၂၀၊ ၂၀၁၀

“ကျနော်တို့တတွေ “ည” ဆိုတဲ့ ကာလတခုကို အချိန်အားဖြင့် အဓိပ္ပာယ်အားဖြင့် လိုသလို ဆွဲယူလို့ မရနိုင်တော့ဘူးလား။ ည ဟာ နေ့ ရဲ့ ရှေ့တော်ပြေး ၊ လေပြေလေညှင်းကလေးကော မဖြစ်နိုင်ဘူးလား။ ည ဟာ အနှုတ်လက္ခဏာ မဟုတ်ဘဲ အပေါင်းလက္ခဏာရဲ့ မိခင် အဖြစ် ကျနော်တို့ ပြောင်းယူလို့ မရနိုင်တော့ဘူးလား။” (ကဗျာဆရာ ငြိမ်းဝေ)

အမိမြန်မာနိုင်ငံရဲ့ ဒီမိုကရေစီနဲ့လူ့အခွင့်ရေး ရရှိရေး၊ အမျိုးသားလွတ်မြောက်မှုတိုက်ပွဲဟာ သိပ်ကြမ်းတမ်းလှပါတယ်။ ခက်ခဲနက်နဲလှပါတယ်။ အမှောင်ထုအားကြီးလွန်းလှပါတယ်။ ပေးဆပ်မှုတွေလည်း များလွန်းလှပါတယ်။

အဖိုးတန်သောအရာမှန်သမျှ ခက်ခက်ခဲခဲလုပ်ယူမှ ရတတ်တယ် ... ဆိုတဲ့ ဥပဒေသကလည်း ရှိနေတယ်မဟုတ်လား။ အမှောင်ဆုံးသော သန်းခေါင်ဟာ အရုဏ်ဦးဖို့အတွက် နိမိတ်လက္ခဏာရပ်တွေများ ဖြစ်လာလေလိမ့်မလား။

ဒီလိုနဲ့ ... တနေ့ ကျနော်အိမ်ကို ပြန်အရောက်ပြီး မကြာခင်မှာပဲ အိမ်ရှေ့ကို ထောက်လှမ်းရေးက ကားတစီးထိုးဆိုက်လာတယ်။ ကားပေါ်ကနေ လူ ၃ ဦးဆင်းလာပြီး အိမ်ထဲကိုဝင်လာတယ်။ ကျနော်က သိလိုက်ပါတယ်။ သူတို့ဘယ်သူတွေလဲ ဆိုတာ။

ကျနော်က အိမ်ရှေ့ဧည့်ခန်းမှာ လူမှုဝတ္တရားအရ ဧည့်ခံလိုက်တော့ သူတို့ထဲက တယောက်က မိတ်ဆက်ပေးတယ်၊ တယောက်က ဗိုလ်ကြီးအဆင့်ရှိသူ၊ နောက်တယောက်ကတော့ ဒုတပ်ကြပ် တယောက်၊ ကျနော့်ကို မိတ်ဆက်ပေးနေသူက ကျနော်နေထိုင်ရာအရပ်မှာ တာဝန်ကျနေတဲ့ နယ်မြေခံ ထောက်လှမ်းရေးတပ်ကြပ်ကြီး။ ကျနော် နည်းနည်းတော့သဘောပေါက်လိုက်တယ်။ ဒါ လာဖမ်းတာတော့ မဖြစ်နိုင်သေးဘူး ... ဆိုပြီး (ဘာရယ်လို့တော့မဟုတ်ပါဘူး။ ခန့်မှန်းကြည့်မိတာပါ။) အကြီးဆုံး အဆင့်ဖြစ်တဲ့ ဗိုလ်ကြီးဆိုသူက စ ပြောလာတယ်--------။

“မနက်ဖြန်မှာ ကျနော်တို့ လူကြီးက ခင်ဗျားတို့ကျောင်းသားတွေနဲ့ တွေ့ချင်တယ်ဆိုပြီး ... အကြောင်းကြားလာလို့ ကျနော်တို့ ခင်ဗျားဆီ လာခဲ့တာပါ” ပြောပြောဆိုဆိုနဲ့ သူ့ရဲ့လက်ကို ကမ်းပေးတော့ ကျနော်လည်း လက်ဆွဲနှုတ်ဆက်ရင်းကနေ ... ...

“ဘယ်သူလဲ .. ခင်ဗျားတို့လူကြီးဆိုတာ ဘယ်သူလဲ” ဆိုတော့ ... ...

“အဲဒါတော့ ကျနော်လည်းမသိဘူး .. ကျနော်တို့တပ်မှူး (ထောက်လှမ်းရေး ၁၆-တောင်ဥက္ကလာပ) ကနေ လွှတ်ပြီး အကြောင်းကြားခိုင်းလိုက်လို့ လာပြောတာပါ”

“ဒါဆို .. ခင်ဗျားတို့ထောက်လှမ်းရေးတပ်မှူးတော့ မဟုတ်နိုင်ဘူး”

“သူတော့ မဟုတ်ပါဘူး … လူကြီးတယောက်တော့ လူကြီးတယောက်ပဲ”

ကျနော် သဘောပေါက်လိုက်ပြီ၊ လွန်ခဲ့တဲ့ ၂ ရက်က နအဖဆီ အကြောင်းကြားစာကို ကျနော်တို့တတွေ အန်တီအိမ်ထဲမှာ လုံခြုံရေးတာဝန်ယူထားတဲ့ ထောက်လှမ်းရေးတွေကနေတဆင့် ပို့ခိုင်းလိုက်တာ အဲဒီကိစ္စပဲ ဖြစ်နိုင်လောက်မယ်။ စိတ်ထဲမှာ ကောက်ချက်ချနေရင်းက …

“အဲဒါ … ခင်ဗျားတို့ကျောင်းသားတွေ စုစုပေါင်း ၅ ယောက်ကနေ ၁၀ ယောက်ထက်မပိုဘဲ တွေ့ချင်တယ်တဲ့ ... ဖြစ်နိုင် … မဖြစ်နိုင် ကျနော့်ကို အခုအကြောင်းပြန်လို့ ရနိုင်မလား”

မိုးကအတော်ကို ချုပ်နေပြီ၊ စီစဉ်ဖို့ဆိုတာ ဘယ်လိုမှ မဖြစ်နိုင်။ တွေ့ရမှာက မနက်ဖြန်ဆိုတော့ သိပ်တော့လွယ်လိမ့်မယ်လို့ ကျနော် မထင်မိ ...။

“မနက်ဖြန်တွေ့ရမယ်ဆိုတာတော့ ... သိပ်လွယ်မယ် မထင်ဘူးဗျ ...။ ကျနော်ကျန်တဲ့သူတွေကို လိုက် အကြောင်းကြားရဦးမှာ”

“ဒါဆို ဘယ်နေ့လောက် ဖြစ်နိုင်မလဲ … သိပ်တော့ မခွာနဲ့ပေါ့ဗျာ”

ကျနော် စဉ်းစားကြည့်မိတယ်။ ဒီကိစ္စကို ပေါ့ပေါ့လုပ်လို့မဖြစ်၊ ကျနော် လူကြီးတွေနဲ့ တိုင်ပင်မှ ဖြစ်မည်။ သို့မဟုတ်ဘူးဆိုရင် ကျနော်တို့သမိုင်းကို ထိခိုက်နိုင်သည့်အရာဖြစ်နေရင် ဘယ်လိုလုပ်မလဲ၊ သူတို့နဲ့ဆက်ဆံရတာ နည်းနည်းတော့ လန့်သည်။ အဖမ်းခံရမှာကို လန့်တာတော့မဟုတ်ပါ၊ ကျနော်တို့ သမိုင်းပုတ်မြောင်းထဲ ထိုးကျသွားမှာကို စိုးရိမ်မိသည်။ ထောက်လှမ်းရေးတွေ လုပ်တတ်သည့် အကျင့်ဆိုးတွေကို တွေ့ကြုံဖူးသူတယောက်အနေဖြင့် လွယ်လွယ်နဲ့ မဆုံးဖြတ်ရဲ … …။

“ကျနော် အဆုံးဖြတ်ပေးလို့ မရနိုင်ဘူးဗျ …။ တိုင်ပင်ရဦးမယ် ...။ ဒါတော့ ခွင့်ပြုပါ”

ထောက်လှမ်းရေးအရာရှိ နည်းနည်းတော့ စိတ်ရှုပ်သွားဟန်ရှိတယ် ...။ ပြီးမှ သူက …

“နေဦး ... ကျနော် လူကြီးဆီ လှမ်းသတင်းပို့ မေးကြည့်ဦးမယ်” ဆိုပြီး ကျနော့်တို့အိမ်ထဲကနေ ကားရပ်ထားတဲ့နေရာကို ထွက်သွားပြီး ဖုန်းတလုံးနဲ့ အဆက်သွယ်သွားလုပ်နေတာကို ပြတင်းပေါက်ကနေ လှမ်းမြင်နေရတယ်။ နည်းနည်းတော့ကြာတယ်။ ၁၅ မိနစ်လောက်ရှိမယ် ထင်တယ်။ အိမ်ထဲ ကျန်ရစ်ခဲ့တဲ့သူတွေကတော့ ဖွင့်ထားတဲ့ တီဗွီကိုကြည့်ရင်း စောင့်နေကြတယ်။ နောက်ပြန်ဝင်လာပြီး … …

“သဘက်ခါလောက်တော့ ဖြစ်အောင်လုပ်ပေးပါ ... တဲ့”

“ကျနော် ကြိုးစားကြည့်ပါ့မယ် …။ ဒါပေမယ့် အာမတော့ မခံရဲဘူး ...။ တွေ့မယ် .. မတွေ့ဘူး .. ဆိုတာ။ ကျနော်တို့တိုင်ပင်ချင်ပါသေးတယ် ..။ တကယ်လို့ အကြောင်းပြန်ကြားမယ်ဆိုရင် .. ဘယ်လိုလုပ်ရမလဲ”

“ဟုတ်ပြီလေ ... ကျနော်တို့ ခင်ဗျားဆီကို လာဆက်သွယ်ပါ့မယ် ..။ ကျနော်တို့ဆီကို အမြန်ဆုံး အကြောင်းပြန်ပေးပါ”

ပြောပြောဆိုဆိုနဲ့ အရာရှိလုပ်သူက ထပြီး ကျနော် အပါအဝင် အိမ်မှာရှိနေတဲ့ သူငယ်ချင်း မိသားစုများကိုနှုတ်ဆက်ပြီး ထွက်သွားတော့တယ်။ ကျနော်က သူငယ်ချင်းလုပ်သူနဲ့မိသားစုကို မှာထားရတယ်။ တကယ်လို့ သူတို့ ဒီကိုလာပြီး ဆွေးနွေးတာတို့ ... စကားပြောတာတို့ကို မှတ်ထားပေးဖို့၊ အဲသလိုမဟုတ်ရင် သူတို့က ပြင်ပမှာ မဟုတ်မဟတ်တွေ ပြောဆိုလာရင် အခက်ကြုံမှာ ကြောက်ရလို့ သက်သေထူထားတာပါ။

ဒီလိုနဲ့ နောက်ရက်မှာပဲ ကျနော်တို့ကျောင်းသားများနဲ့ဆုံတွေ့ပြီး နအဖ ထောက်လှမ်းရေးအရာရှိရဲ့ ကမ်းလှမ်းချက်ကို တင်ပြတိုင်ပင် ဆွေးနွေးကြတယ်။ အားလုံးကတော့ သွားရောက်တွေ့ဆုံဖို့ကို သဘောတူခဲ့ကြပြီး ဆက်လက်ပြီးတော့ အန်တီစုအပါအဝင် လူကြီးတွေနဲ့ ဆက်လက်တိုင်ပင်ဖို့ကိုပါ စီစဉ်ခဲ့ကြတယ်။ အန်တီစု အပါအဝင် NLD က လူကြီးတွေနဲ့ တွေ့ဆုံတော့ အားလုံးက သွားရောက် တွေ့ဆုံဖို့ကို အားပေးခဲ့တယ်။ အန်တီစုကတော့ -----

“အန်တီတို့တောင် တွေ့ဆုံဆွေးနွေးဖို့ အမြဲတောင်းဆိုနေတာပဲ …။ အခုလို သားတို့ကိုတွေ့ဖို့ ကမ်းလှမ်းချက်အတွက် သွားသင့်ပါတယ် …။ ဘာပဲဖြစ်ဖြစ် အကျိုးအကြောင်း သိရတာပေါ့”

ကျနော် ညနေဘက် နေတော်တော်စောင်းလို့ အိမ်ပြန်သွားတော့ နယ်မြေခံထောက်လှမ်းရေး တပ်ကြပ်ကြီးက အိမ်မှာ အဆင်သင့်စောင့်နေတယ် ...။ ကျနော်က အကျိုးအကြောင်းကို ရှင်းပြပြီး ကျနော်တို့ကျောင်းသားများ လာခေါ်ဖို့ကိုပါ စီစဉ်ခိုင်းတော့ သူက .. “အားလုံးစီစဉ်ပေးမယ့်အကြောင်း” ပြောပြီး ပြန်သွားခဲ့တယ်။

ကျနော့်ရဲ့စိတ်ထဲမတော့ မယုံရဲယုံရဲနဲ့ အကောင်းဘက်ဖြစ်ပါစေလို့ပဲ မျှော်လင့်ရင်း ..။

နောက်တနေ့မှာတော့ ကျနော်တို့ကို သတ်မှတ်ထားတဲ့နေရာမှာ သူတို့ ကားနှစ်စီးနဲ့ လာကြိုတယ်။ တစီးက ကျနော်တို့ကို ခေါ်သွားတဲ့ကားဖြစ်ပြီး နောက်တစီးကတော့ ထောက်လှမ်းရေးအမှတ် (၁၆) ကတပ်မှူး စီးလာတဲ့ကား။ သူက ကျနော်တို့ကားရဲ့ရှေ့ဘက်ကနေ မောင်းရင်း .. သွားနေတာကတော့ မြို့ထဲဘက်ပဲ ...။ ဘယ်ကိုသွားနေတာလဲဆိုတာ ကျနော်တို့လည်း တိတိကျကျ မသိဘူး ..။ နောက်တော့မ .. ဝန်ကြီးများရုံးထဲကို ထိုးဝင်သွားတယ်။ အဲဒီဝန်းထဲရောက်တော့ ထောက်လှမ်းရေး ဘာရုံးလည်း မသိဘူး။ နည်းနည်းတော့ အဆောက်အဦက ကြီးတယ် ..။ ကျနော်တို့ကို ကားပေါ်က ဆင်းခိုင်းပြီး .. “ပါလာတဲ့ အိတ်တွေ၊ စာအုပ်တွေကို အပြင်မှာ ထားခဲ့ဖို့” ပြောတယ်။ နောက် အစည်းအဝေးခန်းမလို (အခန်းကို လေးထောင့်စားပွဲပုံစံ ပတ်လည်ခင်းထား) နေရာကို ရောက်တော့ ကျနော်တို့ကို ထိုင်ခိုင်းလိုက်တယ်။ ကျနော်တို့ကို စားပွဲရဲ့တဖက်မှာ တန်းစီပြီးထားတယ်။ ပြီးတော့ ထောက်လှမ်းရေး ဗိုလ်ကြီးလုပ်သူက ကျနော်တို့ထဲက ပါလာတဲ့သူတွေရဲ့ နာမည်ကို တယောက်ချင်းစီ လိုက်မေးပြီး ... သူ့ရဲ့ မှတ်စုစာအုပ်လေးထဲမှာ ရေးမှတ်တယ် ...။

သိပ်မကြာခင်မှာပဲ .. အရပ်ဝတ် အရပ်စား လူ ၅ ယောက်လောက် ဝင်လာပြီး အအေးပုလင်းတွေနဲ့၊ ကိတ်မုန့်တွေ သယ်လာပြီး .. ကျနော်တို့ကို တည်ခင်းကျွေးမွေး .. သူတို့အားလုံးကလည်း ကျနော်တို့ကို ပြုံးပြုံးရွှင်ရွှင်နဲ့ ဆက်ဆံနေလေတော့ .. ကျနော့်စိတ်ထဲမှာ “အခြေအနေကတော့ သိပ်မဆိုးဘူး” လို့ ကောက်ချက်ချမိတယ် ...။ ကျနော်က ဘေးနားမှာရှိတဲ့ကျောင်းသား ခင်မောင်သိန်း (NLD-ကိုကိုးကျွန်း လွှတ်တော်ကိုယ်စားလှယ် ဦးလှသန်း သား) ကို တိုးတိုးလေး ကပ်ပြောတယ်…။

“ဟေ့ကောင် ... အကုန်စားကွ …။ ထောက်လှမ်းရေးက ဒီလိုကျွေးတာ စားရခဲတယ်” ဆိုတော့ - ဘေးတဖက်က ကျောင်းသူတဦးက လက်ညှိုးလေးကို ပါးစပ်နားမှာကပ်ပြီး … …

“ရှုး .. တိုးတိုး .. အခန်းထဲမှာ အသံဖမ်းစက်တွေ တပ်ထားရင်တပ်ထားမှာ။ သိပ်စကားမပြောနဲ့ တော့” ဆိုတော့မှ ကျနော်တို့လည်း ချကျွေးတာတွေကို စားနေချိန်မှာပဲ .. ကင်မရာတွေကိုင်လာတဲ့ လူတချို့ အခန်းထဲ ဝင်လာတယ် ...။

ကျနော်တို့စားသောက်နေတဲ့ပုံတွေကို … တဖျန်းဖျန်းနဲ့ ဓာတ်ပုံရိုက်ယူတော့တာပဲ ...။ ဘာတွေ လုပ်ကြမှန်းတော့ မသိသေးဘူး။ ဓာတ်ပုံရိုက်သူတွေထွက်သွားပြီး ခဏလေးအကြာမှာပဲ အခန်းထဲကို ယူနီဖောင်းနဲ့လူကြီးလို့ ပြောတဲ့သူ ဝင်လာတယ်။ ထောက်လှမ်းရေးတပ်မှူးရယ်၊ ဗိုလ်ကြီးရယ်က ထ အလေးပြုနေချိန်မှာ ... ကျနော် အကဲခပ်လိုက်တော့ .. အဆင့်က ဗိုလ်မှူးကြီးအဆင့်။ ကျနော်က လူပုဂ္ဂိုလ်ကို သေသေချာချာ မသိဘူး။ သူက စားပွဲထိပ် တည့်တည့်မှာ နေရာယူအပြီး ထောက်လှမ်းရေးက ဗိုလ်ကြီးက ကျနော်တို့တယောက်ချင်းစီရဲ့နာမည်ကိုခေါ်ပြီး အဲဒီ ဗိုလ်မှူးကြီးနဲ့ မိတ်ဆက်ပေးတယ်။

ကျနော်တို့ကို မိတ်ဆက်ပေးပြီးမှ ... သူကပဲ ... “ဒါကတော့ ဗိုလ်မှူးကြီးသန်းထွန်း ပါ” ဆိုတော့မှ ကျနော်လည်း သိတော့တယ်။ ဗိုလ်ချုပ်ခင်ညွန့်ရဲ့လက်ရုံး (သူ့ရာထူး တိတိကျကျတော့ ကျနော်လည်း မသိဘူး).. ပြီးတော့ သူ့ရဲ့ရင်ဘတ်မှာလည်း အမျိုးသားညီလာခံ ကိုယ်စားလှယ်ဆိုတာကြီးလည်း တပ်လာသေးတယ်ဗျ။ သဘောကတော့ ဝတ်စုံပြည့်၊ တာဝန်ပြည့်သဘော။ ကျနော်တို့အားလုံးကို တချက်ဝှေ့ကြည့်ပြီး .. ပြုံးပြတယ် ..။ ပြီးမှ သူ့ရှေ့မှာတင်ထားတဲ့ ယူလာတဲ့ မှတ်စုစာအုပ်လေးကို ဖွင့်ရင်း … … …

“ကျနော် ဖတ်ပြတာလေး သေသေချာချာနားထောင်ပေးပါနော်” ဆိုပြီး ... ...

“မကြာသေးမီက ကျောင်းသားများရဲ့ ကမ်းလှမ်းဖိတ်ခေါ်ချက်ကို သိရှိရတဲ့အကြောင်း ...၊ အဆိုပါ ကမ်းလှမ်းချက်ကို လက်ခံရန်မှာ အချိန်ကာလအားဖြင့် စောနေသေးကြောင်း ...၊ အခြေအနေတရပ်ကို စောင့်ကြည့်ရန်လိုနေသေးကြောင်း ...” စသဖြင့်စာအုပ်လေးကို ကြည့်ပြီး ဖတ်ပြပါတယ်။

“ကျနော် ပြောတာရှင်းရဲ့လား မသိဘူး” ဆိုတော့ ကျနော်တို့အားလုံးက “ရှင်းတဲ့အကြောင်း” ပြန်ပြောလိုက်တယ်။ စိတ်ထဲမတော့ “ဒါလေးဖတ်ပြတာများ စာအုပ်ဖွင့်ဖတ် လုပ်နေရသေးတယ်၊ ဒီအတိုင်း ပါးစပ်က ပြောလည်း ရနေရဲ့သားနဲ့” လို့ ပြောမိတယ်။

ပြီးမှ ဗိုလ်မှူးကြီးသန်းထွန်းက ကျနော်တို့ကို .. “ဘာများပြောချင်သေးလဲ” ဆိုတော့ .. ကျနော်တို့လည်း တယောက်ချင်းစီ ပြောတော့တာပဲ …။

ကျနော်တို့လုပ်ဆောင်နေတဲ့ အမျိုးသားပြန်လည်သင့်မြတ်ရေးလမ်းစဉ်ကို ကျနော်က ရှင်းပြတယ် ...။ ကျနော်တို့ထဲက ကျောင်းသူ ခင်လေးငယ်နဲ့ အေးအေးခိုင် တို့ကလည်း အန်တီစုရဲ့ ယနေ့ ရပ်တည်ချက်၊ သဘောထားတွေကို ပွင့်ပွင့်လင်းလင်းချပြကြတယ်။ သူကတော့ သိပ်ပြန်မပြောပါဘူး၊ နားပဲထောင်နေတယ်။ ကျနော်တို့ ဗိုလ်မှူးကြီးသန်းထွန်းနဲ့ စုစုပေါင်းဆွေးနွေးချိန် နာရီဝက်သာသာပါပဲ။ နောက်တော့ ပြန်လာခဲ့ကြတယ်။

ကျနော်တို့ကိုပြန်ပို့တော့ ထောက်လှမ်းရေး ဗိုလ်ကြီးလုပ်သူက လိုက်ပို့ပေးတယ်။ သူက ကျနော်တို့ သဘောမနောကို သိနေလို့လား မသိဘူး။ “အန်တီစုအိမ်ဘက် လိုက်ပို့ပေးရမှာ မဟုတ်လား” ဆိုတော့ ... ကျနော်တို့က တပြိုင်နက်ထဲ ခေါင်းညိတ်လိုက်ကြတယ်။

အန်တီစုအိမ်ရောက်တော့ အဆင်သင့်ပဲ ကျန်တဲ့လူကြီးတွေဖြစ်တဲ့ ... ဦးအောင်ရွှေ၊ ဦးတင်ဦး၊ ဦးကြည်မောင်တို့နဲ့ပါတွေ့တော့ အကျိုးအကြောင်းကို တင်ပြကြတယ်။ အန်တီကတော့ …

“သားတို့အနေနဲ့ လုပ်စရာရှိတာတွေ လုပ်ခဲ့ပြီးပြီပဲ ... ကိုယ့်တာဝန်ကျေတာပေါ့ ... ကိုယ်ကလည်း ကိုယ်လုပ်စရာရှိတာ ဆက်လုပ်ပေါ့”

ကျနော့်ရင်ထဲမတော့ နည်းနည်း စိုးထိတ်မိတာ ရှိတယ် ...။ အထူးသဖြင့် ကျနော်တို့ နိုင်ငံရေး လောကမှာက အဲသလို နအဖ က ပုဂ္ဂိုလ်တွေနဲ့ ထိတွေ့ဆက်ဆံလာပြီဆို ဝိုင်းဆော်ပလော်တီး ခံရတာတွေက ရှေ့မှာ သင်ခန်းစာတွေကရှိနေလေတော့ … ကျနော်က ဖွင့်ပြောမိတယ်။

“အန်တီ အပါအဝင် .. ဘဘတို့ကို ကျနော်တို့ အသိပေးထားချင်ပါတယ် ..။ အဲဒါဘာလဲဆိုတော့ ကျနော်တို့ အခုလုပ်ဆောင်နေတဲ့ကိစ္စရပ်တိုင်းကို ရိုးသားပွင့်လင်းစွာ လုပ်ကိုင်နေပါတယ် ... ဆိုတဲ့ အကြောင်းကို လူကြီးတွေ သက်သေထား အသိပေးထားချင်ပါတယ်” ..

ဦးတင်ဦးက ချက်ချင်းပဲ ... ... “ဘဘတို့သိပါတယ် ... သားတို့စိတ်မပူပါနဲ့”

ဒီလိုပြောလိုက်တော့မှ ကျနော်တို့စိတ်သက်သာရာ ရခဲ့တယ်။ ပွင့်ပွင့်လင်းလင်းပြောရရင် ... ကျနော့်ကို မကျေနပ်လို့ နအဖက ထောင်ချပစ်လိုက်မှာထက် ... မိမိ ဒီမိုကရေစီအင်အားစုတွေက အထင်မှား ဆန့်ကျင်မှာကို အကြောက်ဆုံးပါ။ တကယ်လည်းကြုံတွေ့ရတာပါပဲ၊ နောက်ရက်မှာပဲ စာတွေ ဖြန့်တယ်၊ အဲဒီစာတွေက “ကျနော်တို့ လုပ်ဆောင်နေတဲ့ကိစ္စတွေဟာ သစ္စာဖောက်လုပ်ရပ်တွေ ဖြစ်ကြောင်း၊ ကျနော်တို့ကို ဝိုင်းဝန်းဆန့်ကျင်ကြဖို့” ဆိုပြီး လုပ်ဆောင်လာတော့ ကျနော်တို့ တော်တော် စိတ်မကောင်း ဖြစ်ခဲ့ရပါတယ်။ ဘာတတ်နိုင်မှာလည်းလေ ... အန်တီပြောခဲ့တဲ့စကားအတိုင်းပဲ ...

“ရည်ရွယ်ချက်နဲ့ လုပ်ဆောင်ချက် ကောင်းမွန်ရင် တနေ့တော့ နားလည်လာကြမှာပါ” ဆိုတဲ့ စကားကိုပဲ နှလုံးသွင်းရင်း ဖြေသိမ့်ခဲ့ရပါတယ်။

“မျှော်လင့်ချက်ဆိုသည်မှာ ဘယ်တော့မှ အချည်းအနှီးမဖြစ်။ မနက်ဖြန်အထိ ဆက်လက် အသက်ရှင်နိုင်ဖို့ လူတယောက်ကို အဓိက တွန်းအားပေးသည့်ခွန်အားမှာ မျှော်လင့်ချက်သာဖြစ်သည် မဟုတ်လား” (စာရေးဆရာမ - ဂျုး)

အဲဒီနေ့က ၁၉၉၅ ခုနှစ် အောက်တိုဘာလ ၁၀ ရက် သီတင်းကျွတ်လပြည့်နေ့၊

မြန်မာ ဓလေ့ထုံးလမ်းစဉ်လာမှာတော့ အနန္တော အနန္တ ၅ ပါး အပါအဝင် လူကြီးသူမ ဆရာသမားများကို လက်ဆယ်ဖြာမိုး ရှိခိုးကန်တော့ကြတဲ့နေ့လည်း ဖြစ်တယ်။ ဒီလိုရှိခိုးကန်တော့ကြခြင်းဟာ မြန်မာ့ရိုးရာ အစဉ်အလာပါ၊ လက်နက်ချခြင်းမဟုတ်၊ အညံ့ခံခြင်းမဟုတ်၊ အောက်ကျခံခြင်းမျိုးလည်း မဟုတ်ပါ၊ ကျနော်တို့ စီစဉ်ခဲ့တဲ့ ဂါရဝပြုပွဲဆိုတာ သာမန်ကြည့်မယ်ဆို ဒီလောက်ပါပဲ။

ဒါပေမယ့် ရင်ထဲမှာရှိနေကြတဲ့ ရည်ရွယ်ချက်တွေလည်း ရှိနေပါသေးတယ်။ ဒါကတော့ သင့်မြတ်ခြင်းမှသည် ပူးပေါင်းဆောင်ရွက်လုပ်ကိုင်နိုင်သော အမျိုးသားပြန်လည်သင့်မြတ်ရေးဆီကို ဦးတည်ပါတယ်။ အန်တီစုခြံဝန်းအတွင်းမှာ မြို့နယ်အသီးသီးက လူငယ်တွေဆောက်လုပ်ပေးထားတဲ့ မဏ္ဍပ်ကြီးကတော့ အဲဒီနေ့မှာ တင့်တင့်တယ်တယ် ကြွားကြွားဝံ့ဝံ့။

ပထမဦးဆုံး ကျင်းပပြုလုပ်ခဲ့တဲ့ အခမ်းအနားဆိုလည်း မှန်ပါတယ်။ ကျနော်တို့အားလုံး တတ်နိုင်သလောက် တာဝန်ကျေပွန်စွာ ဖိတ်ခေါ်ခဲ့ပါတယ်။ ပထမဦးဆုံးကျင်းပမယ့် အခမ်းအနားဆိုတော့ နည်းနည်းတော့ ရင်ခုန်ပါတယ်။ ဘာဖြစ်လို့လည်းဆိုတော့ ဒီအခမ်းအနားကို အောင်အောင်မြင်မြင် ဖြစ်စေချင်တာ အမှန်ပါ။ အဲဒီကာလက အခြေအနေကလည်း သိပ်အကောင်းချည်းမဟုတ်သေးတော့ ... ရန်စွယ် အန္တရာယ်တွေကိုလည်း စိုးရိမ်ရပါတယ်။

အန်တီ့ခြံဝန်းထဲမှာကျင်းပမယ့် ပထမဆုံးအခမ်းအနားကို မပျက်ပျက်အောင် လာဖျက်နိုင်မယ့် အရာတွေကိုလည်း ကြိုတွေးပြီး ကြိုစီစဉ်နိုင်အောင် ဖန်တီးထားရပါတယ်။ လုံခြုံရေးကို ပါတီလူငယ်တွေနဲ့ ကျနော်တို့ကျောင်းသားတွေပဲ ယူခဲ့ပါတယ်။ အန်တီစုခြံဝန်း တံခါးပေါက်ကြီးကို ဒိုးယိုပေါက် ဖွင့်လိုက်ပါတယ်။ အန်တီစု လုံခြုံရေးကို တာဝန်ယူပေးနေတဲ့ ထောက်လှမ်းရေးတွေကို အဲဒီနေ့မှာပဲ မေတ္တာရပ်ခံပြီး “တနေ့တာအတွက် ကျနော်တို့ တာဝန်ယူပေးမယ့် အကြောင်း” ကို သဘောတူညီချက် ရအောင် ဆွေးနွေးခဲ့တာ အဆင်ပြေခဲ့ပါတယ်။ (အန်တီက ထောက်ခံပြောဆိုတာလည်း ပါတာပေါ့လေ)

အခမ်းအနား ကျင်းပမယ့် ခန်းမရဲ့ရှေ့ဘက်မှာတော့ ကြိုဆိုရေးနဲ့ မှတ်တမ်းဌာန ဖွင့်ထားပါတယ်။ မှတ်မှတ်ရရ ကျနော့်ရင်ထဲမှာ မမေ့နိုင်တဲ့ မှတ်တမ်းလေးတခုကတော့ ... ဆရာမောင်လင်းယုန် (ရှမ်းပြည်) ရေးပေးသွားတဲ့ ဆရာကြီး မင်းသုဝဏ်ရဲ့ ကဗျာလေးပါ ---။

“ဒေါင်းပျိုထိုးဆွတ်၊ ဘယ်ညာခွပ်၍
လွတ်လပ်ရလေ၊ တို့တတွေသည်
အိုးဝေ ကျေးဇူးပါတကား" ... .. တဲ့၊

တက်ရောက်လာကြတဲ့ လူကြီးတော်တော်များများ မှတ်တမ်းတွေ ရေးပေးကြပါတယ်။ (အန်တီစု အပါအဝင်ပေါ့လေ) တက်ရောက်လာကြတဲ့လူကြီးတွေ တော်တော်များများရှိပါတယ်။ မှတ်မိသလောက်ဆို အယောက် ၆၀ နီးပါးတော့ရှိမယ် ထင်ပါတယ်။ ထူးခြားတာက ထင်ရှားတဲ့ စာရေးဆရာကြီး နန်းညွန့်ဆွေ၊ မြသန်းတင့်နဲ့ ဆရာအောင်သင်းကိုပါ ဖိတ်ကြားခဲ့ပါတယ်။ ဆရာကြီးတွေကလည်း တက်ရောက်ပေးပါ တယ်။ အမျိုးသမီးထဲကတော့ လူကြီးပိုင်းက ဆရာမကြီး ဒေါ်ကြည်ဦး (ကိုဇာဂနာ့ အမေ)နဲ့ ဒေါ်ကြည်ကြည် ရယ်။ နောက်နှစ်ယောက်ကတော့ အန်တီစု နဲ့ ဒေါ်ချိုချိုကျော်ငြိမ်း = ပေါင်း လေးဦးပဲ ရှိပါတယ်။

ရာသီဥတုကလည်း အဲဒီနေ့က တော်တော့်ကို သာသာယာယာ ရှိခဲ့တာ ဆုတောင်းပြည့်ခဲ့သလား ထင်ရလောက်အောင်ပါ၊ ကုက္ကိုင်းလမ်းမကြီးပေါ်က အန်တီစုရဲ့ ခြံဝန်းရှေ့မှာရော၊ ခြံတွင်းမှာရော ပရိသတ်တွေအပြည့်။ ကားတွေ အစီအရီ၊ ပြန်စဉ်းစားကြည့်မိတိုင်း အောက်မေ့သတိရစရာတွေ ... ရင်ထဲဝင်ရောက်လာပါတယ်။ အခုချိန်မှာ အဲဒီလူကြီးတွေထဲက တချို့ဆို ကွယ်လွန်သွားကြပါလေပြီ။

စိတ်မကောင်းစရာ မြင်ကွင်းတခုကလည်း ရှိသေးသဗျ။ အန်တီ့ခြံဝန်းထိပ်နားက အဆောက်အဦ ငယ်လေးမှာ အမြဲနေရာယူထားတဲ့ ထောက်လှမ်းရေးတွေက သူတို့ထိုင်နေကျ နေရာလေးမှာ ငုတ်တုတ်ကလေးတွေ ထိုင်နေကြတော့ .. ဝင်လာကြတဲ့ ပရိသတ်တိုင်းက သူတို့ကို ကြည့်သွားကြလေတော့ .. ပရိသတ်ရဲ့အကြည့်ကို သူတို့ အကြည့်မခံနိုင်လောက်အောင် ထိတ်လန့် သွားခဲ့ပုံရပါတယ်။ နောက်ဆုံး ဘယ်လိုမှ နေလို့မရလောက်အောင်ကို ဖြစ်လာကြလို့ ထင်တယ်။ ထောက်လှမ်းရေးတွေဟာ သူတို့အိမ်ငယ်လေးထဲ ပြေးဝင်သွားရလောက်အောင်ပါပဲ။ (တူသော အကျိုးပေး ဆိုတာ ဒါမျိုးများလား)

ဦးခွန်ထွန်းဦးကတော့ သူတို့ရဲ့ရိုးရာ တိုင်းရင်းသားဝတ်စုံအပြည့်နဲ့ လာတာကို တွေ့လိုက်ရတယ်။ တိုင်းရင်းသားများ ဒီမိုကရေစီအဖွဲ့ချုပ်က လူကြီးတွေလည်း အသီးသီး၊ ဗိုလ်ချုပ်ရဲ့အပါးတော်မြဲ (ဗိုလ်ထွန်းလှ (တက္ကသိုလ်နေဝင်း) ရယ် ... ဗိုလ်မင်းလွင် ရယ်၊) ၂ ဦးလုံး ရောက်လာတယ်။ အမျိုးသားဒီမိုကရေစီအဖွဲ့ချုပ်က ပါတီဝင်တွေနဲ့ လူငယ်တွေကလည်းအပြည့်၊ သူတို့ကတော့ ပျော်နေကြတယ်။ နောင်ဆို အခမ်းအနားတွေ၊ နိုင်ငံရေးပွဲတွေကိုလုပ်မယ်ဆို ပူစရာမလိုတော့ဘူးလေ၊ အန်တီ့ခြံဝန်းအတွင်းမှာ အဆင်ပြေသွားပြီ၊ နိုင်ငံရေးလောကမှာ အတန်ငယ်ပျောက်နေတဲ့သူတွေကိုလည်း ပြန်တွေ့ရတယ်။

အခမ်းအနားစတော့ လူကြီးတွေက စင်မြင့်ပေါ်မှာ နေရာယူပေးတယ်။ အန်တီရယ်၊ ဒေါ်ချိုချိုကျော်ငြိမ်းရယ် နှစ်ယောက်ကတော့ ကျနော်တို့ကျောင်းသား၊ လူငယ်တွေနဲ့အတူပဲ နေရာယူပြီး လူကြီးတွေကို ကန်တော့တယ်။ ပြီးမှ ကျောင်းသားတွေ၊ လူငယ်တွေက သူတို့နှစ်ဦးကို ကန်တော့ကြတယ်။ စိတ်ချမ်းမြေ့စရာ အကောင်းဆုံးနဲ့ ပျော်စရာအကောင်းဆုံးမြင်ကွင်းတခုက .. ကျနော်က လူကြီးတွေ တယောက်ချင်းစီကို နာမည်ခေါ် မိတ်ဆက်ပေးတော့ တယောက်ခေါ်လိုက်တိုင်း ... မတ်တပ်ရပ်ပြတဲ့လူကြီးက မတ်တပ်ရပ်ပြ၊ ထိုင်ရာက လက်ထောင်ပြတဲ့လူကြီးက လက်ထောင်ပြပေါ့။

ဆရာကြီး မင်းသုဝဏ်ကို နာမည်ခေါ် မိတ်ဆက်ပေးတော့ ဆရာကြီးက သိဟန်မတူဘူး။ အဲဒါ ဘေးမှာရှိတဲ့ ဗိုလ်မှူးအောင်က လက်တို့လိုက်မှ လက်ညှိုးလေး ထောင်ပြတယ်။ (အတန်းထဲမှာ ဆရာမက နာမည်ခေါ်လို့ လက်ညှိုးထောင်ပြတဲ့ ပုံသဏ္ဍာန်မျိုးလေး။) လူထုက သဘောကျလွန်းလို့ ရယ်လိုက်ကြတာ၊ တခါ ဗိုလ်မှူးအောင်ကို မိတ်ဆက်ပေးပြန်တော့ ဗိုလ်မှူးအောင်က မသိလိုက်ပြန်ဘူး။ ဘေးကလူက လှမ်းပြောမှ လက်ထောင်ပြတယ်။ လူကြီးတွေအားလုံးလည်း ပျော်ရွှင်နေပုံရတယ်။ သခင်ချစ်မောင်က ဆုတောင်းစကားကို ပြန်လည်ပြောကြားပေးတယ်။

မှတ်မှတ်ရရ ဖြစ်သွားတာလေး တခုလည်းရှိသေးတယ် …။ ဒါက ဆရာအောင်သင်း ကို ကျနော်တို့က စကားပြောပေးဖို့ မေတ္တာရပ်ခံလို့ ဆရာက စကားပြောပေးတယ် ...။ စစချင်း ဘာပြောသလဲ ဆိုတော့ ……
“ငါ လူငယ်တွေ၊ ကျောင်းသားတွေကို သနားတယ်ကွာ ...။ တကယ်တော့ မင်းတို့တတွေဟာ ... စာသင်ရမယ့်အချိန်မှာ စာမသင်နိုင် ...။ တိုင်းပြည်တာဝန်တွေကို မနိုင့်တနိုင်ထမ်းပိုး .. ထောင်တွေ တန်းတွေကျကြ၊ အနှိပ်စက်တွေခံရ .. ငါ့ရင်ထဲ မချိဘူး …။ အဲဒါဘာဖြစ်လို့ .. ဒီလိုဖြစ်ရတာလည်း .. သိလား .. မှတ်ထားကွ .. ငါ အပါအဝင် (စင်မြင့်ပေါ်က လူကြီးတွေကို လက်ညှိုးထိုးပြပြီး) ဒီလူကြီးတွေ မကောင်းခဲ့လို့ ... ညံ့ခဲ့ကြလို့ ... ဒီလိုဖြစ်တာကွ” ဆိုတော့ စင်မြင့်ပေါ်မှာရှိနေတဲ့ လူကြီးတွေ ရိုးတိုးရွတ ... လှုပ်စိလှုပ်စိတွေ ဖြစ်ကုန်တယ်။ နောက် ဆက်ပြောသေးတယ် …။

“ရှင်ဘုရင်ဆိုတာလည်း ... ရှင်ဘုရင်အလုပ်ကို လုပ်ရတယ် … တနေ့ သက်ဦးဆံပိုင်ဘုရင်တပါးက တိုင်းခန်းလှည့်လာတော့ အမျိုးသမီးတယောက်က မန်ကျည်းပင်ပေါ်မှာ အရွက်နုလေးတွေ တက်ခူးနေတယ်လေ ...။ အဲဒါကို တယောက်က လှမ်းပြောတယ် ..။ “ဟဲ့ .. ရှင်ဘုရင် ကြွလာပြီ .. သစ်ပင်ပေါ်က ဆင်း” ဆိုတော့ .. သူက ပြောတယ် ... “ရှင်ဘုရင် .. ရှင်ဘုရင် အလုပ်လုပ် .. မကျည်းရွက်သည်က မကျည်းရွက်သည်အလုပ် လုပ်မယ် ...” တဲ့။

နားထောင်နေကြတဲ့ ပရိသတ် လက်ခုပ်သံတွေ ညံသွားတယ်။ (နောင်အခါမှတော့ ဆရာ အောင်သင်းက ကျနော်နဲ့တွေ့တဲ့အခါ ပြောပါတယ် ...။ “ငါ့ကို ဒီလိုအခမ်းအနားတွေမှာ စကားပြောမခိုင်း ပါနဲ့ကွာ ...” တဲ့။ .. “ငါကလည်း မှန်တာတွေပြောမိရင် .. ငါ့ကို အတော်အမြင်ကပ်ကြမှာကွ ...” တဲ့)

တကယ်လည်း အမြင်ကပ်ခံခဲ့ရပါတယ်..။ ကျနော် လူကြီးအချို့နဲ့တွေ့တဲ့အခါမှတော့ “နောက်တခါ ဆရာ အောင်သင်းလိုလူမျိုးတွေကို အခမ်းအနားဖိတ်ခေါ်မယ်ဆို သူတို့ မလာနိုင်ဘူး ..” ဆိုပြီး ပြင်းထန်စွာ ကန့်ကွက်ပါတော့တယ် …။

အန်တီကတော့ လူငယ်တွေရဲ့အခန်းကဏ္ဍကိုပဲ ရှေ့တန်းတင် ပြောဆိုသွားပါတယ်။ “လူငယ်တွေဟာ တိုင်းပြည်မှာအရေးကြီးတဲ့အကြောင်း၊ သူ့အနေနဲ့ လူငယ်တွေကို အားကိုးတဲ့အကြောင်း” ပြောသွားတယ်။
အခမ်းအနားပြီးတဲ့အချိန်မှာတော့ ဆရာအောင်သင်းက ကျနော့်ကို ပြောတယ်..။

“ဟေ့ကောင် .. ငါ မစုနဲ့ တွေ့ချင်တယ်ကွာ” ဆိုလို့ ကျနော် အန်တီစုရှိရာကို ဆရာ့ကိုခေါ်သွားပြီး တွေ့ဆုံပေးတော့ …

“မစု ... ကျနော့်ကို သိလား”

ဆရာအောင်သင်းက သူ့ရဲ့မျက်မှန်ကိုင်းလေးကို မ တင်ရင်း မေးလိုက်တယ်။

“ဆရာ့လိုလူမျိုးကို ကျမ မသိလို့ ဘယ်ဖြစ်မလဲဆရာ .. သိပ်သိတာပေါ့ … ဆရာက နာမည်ကျော်ပဲ” ဆိုတော့ ဆရာအောင်သင်းရဲ့မျက်နှာပြင် ဝင်းလက်သွားတာကို တွေ့လိုက်ရတယ်။

“ကျမ မိတ်ဆွေတဦးက မြန်မာစာသင်ပေးမယ့် ဆရာတယောက်လိုလို့ဆို ပြောတုန်းက ကျမ ဆရာ့ကိုတောင် ပြေးသတိရမိသေးတယ်”

ဆရာအောင်သင်းနဲ့ အန်တီစု ရယ်ရယ်မောမောနဲ့ အိမ်ရှေ့က ဆင်ဝင်အောက်နားလေးမှာရပ်ပြီး စကားတွေ ဖောင်ဖွဲ့ကြတော့တယ်။ ကျနော်လည်း ကျန်တဲ့ကိစ္စရပ်တွေကလည်း ရှိနေသေးတာမို့ အနားက ခွာလာတော့ ဘာတွေဆက်ပြောကြလဲ မသိတော့ဘူး။

နောက်ရက်များ မကြာခင်မှာတော့ ဆရာအောင်သင်းရော ... ဆရာကြီး မြသန်းတင့်ရော နှစ်ယောက်လုံးကို စာပေရေးသားခွင့်၊ စာပေဟောပြောပွဲတွေမှာ ဟောပြောခွင့် ပိတ်လိုက်တယ်လို့ ကြားရတော့တာပါပဲ။ တကယ်တော့ ကျနော်တို့ ဒီအခမ်းအနားကို ကျင်းပရခြင်းရဲ့ အဓိက ရည်ရွယ်ချက်ကိုက သင့်မြတ်စေချင်တဲ့ရည်ရွယ်ချက်ပါ၊ ဒါပေမယ့်လည်း အတိုက်အခံအင်အားစု ဘက်မှာတော့ အတိုင်းတာတခုထိ သင့်မြတ်မှု၊ ညီညွတ်မှု၊ လက်တွဲလုပ်ဆောင်မှုဆိုတဲ့ အကျိုးရလဒ်ကောင်းတွေကို ပေါ်ထွက်လာစေခဲ့ပါတယ်။

နအဖဘက်ကတော့ သင့်မြတ်ဖို့နေနေသာသာ။ နှိပ်ကွပ်မှုတွေရဲ့ အရှိန်က လျှော့ကျမသွားခဲ့ပါဘူး။ ဒါ အတော့်ကို ရုပ်ဆိုးအကျည်းတန်လှတဲ့ ကိစ္စပါ။

ဆရာအောင်သင်း ကျနော့်ကို ပြောခဲ့တဲ့ စကားလေးရှိပါတယ် … … …။

“တိုင်းပြည်ကို ချစ်တယ်ဆိုတာ .. လူတွေကို ချစ်တာကိုပြောတာ ..။ လူတွေကို ချစ်တာ တိုင်းပြည်ကို ချစ်တာပဲ။ တိုင်းပြည်ကိုချစ်တယ်ဆိုပြီး … နိုင်ငံရဲ့မြေကြီးကို ကုန်းနမ်းနေလို့ မရဘူး ...။ တခြားတဖက်က စဉ်းစားမယ်ဆိုရင် .. လူတွေကို မုန်းတာဟာ .. တိုင်းပြည်ကို မုန်းတာပဲ ...” တဲ့။

ကျနော်တို့အားလုံး ကျေနပ်ပါတယ်။ ဒီအခမ်းအနား ကျင်းပပေးခဲ့ရခြင်းအပေါ် ပီတိတွေ ဖြစ်ခဲ့တယ်။ ဘာပဲပြောပြော ... ဒီမိုကရေစီအင်အားစုတွေဘက်မှာတော့ အတိုင်းတာတခုမှာ ညီညွတ်ရေး ဖြစ်စေခဲ့ပြီ မဟုတ်ပါလား။

တရုတ်ခေါင်းဆောင်ကြီး တိန်ရှောင်ဖိန်ပြောခဲ့တဲ့ စကားတခွန်းရှိတယ် …။

“ကြောင်ဖြူ၊ ကြောင်နီ၊ ကြောင်ဝါ ခွဲဖို့မလိုဘူး ... ကြွက်ခုတ်တတ်ဖို့ပဲ လိုတယ် ...” တဲ့။

ဆက်လက်ဖော်ပြပါမယ်။