Showing posts with label Culture. Show all posts
Showing posts with label Culture. Show all posts

20 November 2010

Yan Win (Taung Da Gar) – Kanchay zeyar oo


အလွမ်းမပြေတဲ့ ကမ်းခြေဇေယျာဦး
ရန်ဝင်း (တောင်တံခါး)
နိုဝင်ဘာ ၂၁၊ ၂၀၁၀

“ကြည်နူးမှုရဲ့အရိပ်ဝယ်
နှစ်သိမ့်စရာစကားတွေနဲ့ ဖောင်ဖွဲ့ကာပဲ

ကမ်းခြေဇေယျာဦးဝယ်

အလွမ်းတွေမပြေပါဘူးကွယ်”

ကမ်းခြေဇေယျာဦး၊ ကိုလှမိုး
မူလတေးသံရှင် ကိုခင်လတ်


အလွမ်းတွေမပြေတဲ့ ကမ်းခြေဇေယျာဦးကို တသက်တာ မမေ့နိုင်တော့ပါလေပြီ။ တန်ဆောင်မုန်းလ ရောက်ပြန်ပြီဆိုမှဖြင့် စစ်ကိုင်းတောင်နဲ့ ကမ်းခြေဇေယျာဦးကို ပိုလို့ သတိရ လွမ်းဆွတ်ရပြန်တော့တယ်။

“မြစ်မင်းဧရာ ခွေကာဝိုင်းလို့ စစ်ကိုင်းအောင်ချာမြေ၊
ရေလှိုင်းကလေးတွေ နေရောင်မြူးလို့၊ ငွေရောင်ဖြူးကာနေ၊

ရွှေတောင်ဦးမော် ရှုမျှော်ခင်းနဲ့ မြစ်တွင်းသာယာပေ၊”

စစ်ကိုင်းတောင်၊ မြို့မငြိမ်း
မူလတေးသံရှင် လေဘာတီ မမြရင်


ဂီတစာဆို ဆရာမြို့မငြိမ်းရဲ့ စစ်ကိုင်းတောင်သီချင်းအတိုင်းပါပဲလေ။ စစ်ကိုင်းတောင်အထက်နား၊ ဆွမ်းဦးပုညရှင်စေတီအပါးဆီက အရှေ့ဘက်တလွှားကို တွေဝေငေးမောရင်း ရှုမျှော်ကြည့်လိုက်ရင်ဖြင့် ခွေကာပတ်ကာ ရစ်ဝိုင်းနေတဲ့ မြစ်မင်းဧရာဝတီ နဲ့ ခပ်လှမ်းလှမ်းမှာ ဒုဋ္ဌာဝတီမြစ်တွေက ငွေလှိုင်းကလေးတွေ တဖျပ်ဖျပ် တလက်လက်နဲ့ နေရောင်မှာ တသွင်သွင်မြူးနေကြတော့ ရေပြင်ကျယ်မှာ ငွေသင်ဖြူးခင်းထားသလိုပါပဲ။

ရွှေတောင်ဦးမော် ရှုမျှော်ခင်း

ရွှေတောင်ဦးမော် ရှုမျှော်ခင်းနဲ့အတူ အရှေ့မြောက်ယွန်းယွန်း အဝေးဟိုဆီမှာတော့ မန္တလေးတောင်ကို ရီဝေဝေ မှုန်ပြပြမြင်နေရတယ်။ ဧရာဝတီမြစ် အရှေ့ဖက်ကမ်းဆီမှာတော့ ရွှေကြက်ယက်၊ ရွှေကြက်ကျ စေတီနှစ်ဆူနဲ့ ဘုရားတန်ဆောင်းတွေ၊ ကျောင်းကန်တွေက အစီအရီပေါ့။ အဲဒီပတ်ဝန်းကျင်နဲ့ ရှုမျှော်ခင်းကို အသည်းမှာ စွဲခဲ့ရသူတွေအဖို့မှာတော့၊ ကမ္ဘာကုန်ကျယ်သ၍ ဘယ်မှာမေ့နိုင်တော့မလဲလေ။

ဧရာဝတီမြစ် အရှေ့ဘက်ကမ်းက ရွှေကြက်ယက်၊ ရွှေကြက်ကျ စေတီနှစ်ဆူ

တောင်ဘက်ယွန်းယွန်းဆီက စစ်ကိုင်းတံတားကြီးကို လှမ်းမျှော်မိပြန်တယ်။ ဒုတိယကမ္ဘာစစ်ကြီး အတွင်းမှာ စစ်ကိုင်းတောင်ရိပ်ကိုခိုခဲ့ကြတဲ့ မန္တလေးသူ မန္တလေးသားတွေလည်း စစ်ကြီးပြီးတဲ့အခါ ဆရာမြို့မငြိမ်းတို့ မြို့မအဖွဲ့သားတွေနဲ့အတူ ပြည်တော်ဝင်ကြဖို့ စစ်ကိုင်းတံတားကြီးအနား လှေဆိပ်က ငှက် လို့ခေါ်တဲ့ သမ္ဗန်လှေတွေနဲ့ ဧရာဝတီမြစ်ကို ဖြတ်ကူးခဲ့ကြလိမ့်မယ်လို့ မှန်းဆ ပုံဖော်ကြည့်မိပြန်တယ်။

“မြို့မနဲ့ အတူတကွ လိုက်ပါနိုင်စေ
အောင်စည်ရွှမ်းသံ ကြားပြီထင့် ပြည်တော်ဝင်မယ်လေ။”
ပြည်တော်ဝင်၊ အေဝမ်း ဆရာညှာ

ဒုတိယကမ္ဘာစစ်ကြီးပြီးခါစက စစ်ကိုင်းတံတား နဲ့ ငှက်သမ္ဗန်ဆိပ်

“ဧရာဝတီ၊ ရေဇလာနဒီ
မြစ်ရေ ဖွေးဖွေးဝယ် ငှက်သမ္ဗန်လှေကလေးစီးကြမည်
သောင်ယံဆီ၊ တောင်ပံချီ

ခွန်းချိုတေးဖွဲ့သီ ငှက်မောင်နှံပျော်မြူးကြပြီ

စစ်ကိုင်းတံတားဘက်ဆီကို သူလာမလားလို့ မျှော်မှန်းမိသည်။”

ဇေယျာကမ်းအလှပန်းချီ၊ စန္ဒယားလှထွတ်

မူလတေးသံရှင် ရီရီသန့်


တန်ဆောင်မုန်းလပြည့်နဲ့ စစ်ကိုင်းတောင်ရိုးကို ခွဲထားလို့ မရနိုင်တော့ပါ။ တန်ဆောင်မုန်း လပြည့်နေ့မတိုင်ခင်ကတည်းက မန္တလေးသူ မန္တလေးသားတွေ စစ်ကိုင်းတောင်ရိုးဘက်ဆီကို တဖွဲဖွဲနဲ့ ရောက်လာကြပြီ။ အထူးသဖြင့် လပြည့်နေ့မတိုင်ခင် အဖိတ်နေ့မှာတော့ တနေ့လုံးပဲ မန္တလေး စစ်ကိုင်းကားလမ်းပေါ်မှာ စစ်ကိုင်းဘက်သွားတဲ့ကားတွေက လူအပြည့်နဲ့ ကျပ်ညှပ်နေတယ်။

“တောင်ခြေ စိမ်းလန်း၊ ချောင်တွေ သိန်းသန်း” လို့ ဆရာမြို့မငြိမ်း တင်စားဖွဲ့ဆိုခဲ့သလို ချောင် လို့ ခေါ်တဲ့ ကျောင်းတွေ၊ ဘုရားစေတီပုထိုးတွေအပြည့်နဲ့ စစ်ကိုင်းတောင်ရိုး၊ မင်းဝံတောင်ရိုး နဲ့ မင်းကွန်း အရပ်ဒေသတွေမှာ အေးချမ်းတဲ့ ရတနာသုံးပါးရဲ့ အရိပ်ကိုခိုပြီး ကထိန်ခင်းကြ၊ ကောင်းမှုကုသိုလ် အလှူဒါနပြုကြရင်း အပန်းဖြေတဲ့သူလည်းဖြေလို့ အင်မတန် ပျော်ကြတယ်။ အပျော်လွန်ချင်တဲ့ သူတွေကိုလည်း အချင်းချင်းထိန်းကြလို့ ရုပ်ပျက်ဆင်းပျက် ဘယ်တော့မှမတွေ့ကြရပါ။

အဖိတ်နေ့ ညနေခင်းနဲ့ ညဦးပိုင်းရောက်တော့ မိတ်ဆွေတွေရှိတဲ့ ချောင်တွေကို အပြန်အလှန် လည်ပတ်ကြပြီး အစားအသောက် အကျွေးအမွေးတွေနဲ့ ဧည့်ခံကြတယ်။ တချို့လည်း စစ်ကိုင်းတောင်ရိုးတန်းတလျှောက်က ဘုရားတွေကို လည်ဖူးကြတယ်။ စောင်းတန်းရှည်ကြီးတွေနဲ့ အုတ်လှေကားအဆင့်ဆင့်တွေ၊ တောလမ်းကလေးတွေမှာလည်း တက်ချီတခါ ဆင်းချီတလှည့် ကွေ့ကာ ပတ်ကာ ဝိုက်ကာ သွားကြရင်း မောပန်းရမှန်းမသိလောက်အောင်ပဲ ပျော်စရာကောင်းလှတယ်။

စစ်ကိုင်းတောင်ရိုးတန်းတနေရာက စောင်းတန်းရှည်နဲ့ ဘုရားစေတီများ

ညချမ်းအချိန်မှာ ဘုရားစေတီတွေကို ပူဇော်ထားတဲ့မီးရောင်တွေနဲ့ စစ်ကိုင်းတောင်ရိုးတခုလုံးရဲ့ လှပပုံကို စာပန်းချီမဖွဲ့တတ်နိုင်တော့ပါ။ လေမှုတ်တူရိယာတွေ၊ အကော်ဒီယံ၊ တယော၊ မယ်ဒလင်၊ ဂီတာ အတီးအမှုတ်တွေနဲ့ သီချင်းတကြော်ကြော်ဆိုလာသူတွေကိုလည်း တွေ့နိုင်တယ်။

“စစ်ကိုင်းတောင်ခြေ
ရောက်ခဲ့ပြန်ပေါ့ တို့တတွေ

အဖော်အပေါင်းဆွေ ပျော်ကြောင်းပေ

လတန်ဆောင်ဦးမို့ ဆီမီးရောင်ရှိန် ထိန်ကာနေ။

ကုသိုလ်အပေါင်း ခညောင်းရာမြေ

ဆုခြွေတောင်း အောင်ကြောင်းဖြာဝေ

ကမ်းဇေယျာစခန်း မှန်း၊ လှမ်း၊ မြန်းလာကြ ဖော်သဟာဆွေ

ခြိမ့်သံညံမစဲ ဆိုတေး၊ တေးသံပြိုင်ဆိုနေ။”

တင်ဦးလေး နှင့် အဖွဲ့

အဲဒီအခါမှာ တောင်ရိုးလမ်းတလျှောက်နဲ့ ဘုရားစောင်းတန်းတွေမှာ လူကျပ်လို့ တိုးတိုးခွေ့ခွေ့ သွားရတတ်တယ်။ လူပြောင်လူနောက်တွေကလည်း လွတ်လွတ်လပ်လပ် ပျော်ကြတာတွေရှိတော့ အများအားဖြင့် ညပိုင်းရောက်ရင် တည်းခိုရာချောင်တွေမှာပဲ နားနေကြပြီး မနက်ခင်းကျမှ ဘုရားဖူး ထွက်တတ်ကြတယ်။

စစ်ကိုင်းတောင်ရိုးနဲ့ ဇေယျာကမ်းအလှပန်းချီ

“ရေဇလာနဒီ၊ သေလာမဟီ၊ ဇေယျာပြည်
စစ်ကိုင်းတောင် တခွင်လုံးပတ်ရံလည်

ပုထိုးဘုရားစေတီ၊ ဘိုးဘွားအမွေတည်၊ အကျိုးပွားစေရည်

တည်ထားနှစ်များကြာရှည်၊ တမျှော်တခေါ်သာပဲ ရှုလို့မဆုံးတော့သည်။”

ဇေယျာကမ်းအလှပန်းချီ၊ စန္ဒယားလှထွတ်

တန်ဆောင်မုန်းလပြည့်နေ့မနက်ပိုင်းမှာတော့ အရှေ့ဘက်စစ်ကိုင်းတောင်ရိုးလမ်းနဲ့ မလှမ်းမကမ်းမှာရှိတဲ့ သရက်ပင်ဆိပ်ကစပြီး မြောက်ဘက်ထိပ် ဝါးချက်ရွာလှေဆိပ်ဆီကို မြစ်ကြောင်းတလျောက် ငှက်သမ္ဗန်စီးရတာကိုက စစ်ကိုင်းတောင်ရိုးရဲ့ တဆောင်မုန်းလပြည့်နေ့ သရုပ်တခုပါပဲ။

ငှက်သမ္ဗန်ဆိပ်

“အိပွဲ့ အိပွဲ့ ငှက်သမ္ဗန်ခတ်သွားတယ်

ကြည့်ကွဲ့ ကြည့်ကွဲ့ ညည်းလူဟာကြောင်လွန်းတယ်။

တစုတဝေး လုံမငယ်၊ ကျိတ်ပုန်းစားကြတယ်။”

ရေချိုးဆိပ်၊ မြို့မငြိမ်း

လှော်တက်နှစ်ချောင်းနဲ့ခတ်လိုက်လို့ ငှက်သမ္ဗန်ှမြည်တဲ့အသံကို ‘အိပွဲ့ အိပွဲ့’ လို့ ဆရာမြို့မငြိမ်းက ဖွဲ့ဆိုသွားခဲ့ပါတယ်။ ငှက်သမ္ဗန်ှစီးရင်းလည်း အပါင်းအသင်းမိတ်ဆွေတွေနဲ့ လမ်းမှာတွေ့ရင် အော်ကြ ခေါ်ကြ နှုတ်ဆက်ကြနဲ့ ပျော်ကြရတယ်။ လူငယ်လူရွယ် ယောက်ျားလေးတွေက မိန်းခလေးချောချောတွေ လမ်းမှာတွေ့ရင် လက်တွေပြကြ၊ ရွှေမန်းမယ်လား ဇေယျာမယ်လားဗျာ၊ လှလိုက်တာနော်လို့ ရိသဲ့သဲ့ ပြောတတ်ကြတယ်။ မိန်းကလေးတွေကလည်း တိတ်တခိုးပြန်ကြည့်ပြီး သူတို့အချင်းချင်း တိုးတိုးကျိတ်ကျိတ် စကြ နောက်ကြ ပြောင်ကြ ပျော်ကြလို့ပါပဲ။

တန်ဆောင်မုန်းလပြည့်နေ့မှာ နှစ်စဉ်နှစ်တိုင်းသွားနေကျ စစ်ကိုင်းတောင်ရိုးဘက်ဆီကို တနှစ်တလေများ မရောက်လိုက်ရရင်ဖြင့် ဒီတနှစ်တော့ လွဲသွားလေခြင်းလို့ မကြာခဏဆိုသလိုပဲ တွေးနေမိတတ်တယ်။ တွေးမိတိုင်းလည်း ကမ်းခြေဇေယျာဦးကို တဝဲလည်လည်နဲ့ သတိရနေတော့တာပါပဲ။

“အော်၊ ဒီအချိန်များကို
တွေးတွေးပြီး သတိတွေရလို့

ရက်တွေ တွက်ရေ လက်ရေချိုးရင်

တရေးရေးပဲ မှတ်မိကာလည်း

ဆုံးစ မမြင်တယ်ကွယ်”

ကမ်းခြေဇေယျာဦး၊ ကိုလှမိုး

တန်ဆောင်မုန်းလပြည့်နေ့ ညနေစောင်းရင်တော့ အချိန်တန် အိမ်ပြန်ကြရပြီ။ နောင်နှစ်ခါလည်း လာဦးမှာပေါ့လေ ဆိုတဲ့ မျှော်လင့်ချက်ကလေးတွေကိုယ်စီ ရင်မှာပိုက်လို့ နောင်နှစ်ခါလည်း ဆီးလို့ကြိုကွယ်၊ မောင်ကြီးလာပါမယ် ဆိုတဲ့ နှုတ်ဆက်လွမ်းတေးကို တရှိုက်မက်မက်သီဆိုရင်း ပြန်ခဲ့ကြရပြန်ပြီ။ တရွေ့ရွေ့နဲ့ ဝေးပြီးကျန်ရစ်ခဲ့တဲ့ ကမ်းခြေဇေယျာဦးကတော့ မြူခိုးမှုန်တွေကြားမှာ မှိုင်းပြာ ရီဝေလို့ပါပဲ။

မြူခိုးမှုန်တွေကြားက ကမ်းခြေဇေယျာဦးနဲ့ စစ်ကိုင်းတောင်ရိုး

အခုအချိန်မှာဆိုရင် တန်ဆောင်မုန်းလပြည့်နေ့ရဲ့ ကမ်းခြေဇေယျာဦးကို မရောက်နိုင်တော့တာ ဆယ်စုနှစ် နှစ်စုများတောင် ကြာခဲ့ပြီကောလေ။

“ဇေယျာကမ်းဝယ်
ပြန်လည်လို့ပဲတွေ့ဆုံကာ

ပျော်မွေ့ချင်ပါသေးတယ်
တရေးရေး စိတ်ဝယ်

အောက်မေ့လို့ သတိရနေသူမယ်”

ကမ်းခြေဇေယျာဦး၊ ကိုလှမိုး

(၁) စစ်ကိုင်းတောင်၊ တေးရေး မြို့မငြိမ်း၊ မူလတေးသံရှင် လေဘာတီမမြရင်
(၂) စစ်ကိုင်းတောင်ခြေ၊ တေးရေး (အမည်မသိ)၊ တေးသံရှင် တင်ဦးလေး နှင့် အဖွဲ့
(၃) ပြည်တော်ဝင်၊ တေးရေး အေဝမ်း-ဆရာညှာ
(၄) ရေချိုးဆိပ်၊ တေးရေး မြို့မငြိမ်း၊
(၅) ဇေယျာကမ်းအလှပန်းချီ၊ တေးရေး စန္ဒယားလှထွတ်၊ တေးသံရှင် ရီရီသန့်
(၆) ကမ်းခြေဇေယျာဦး၊ တေးရေး ကိုလှမိုး၊ မူလတေးသံရှင် ကိုခင်လတ်
(၇) ဓာတ်ပုံ၊ zeyarfcfans.com
(၈) ဓာတ်ပုံ၊ pbase.com/world/burma
(၉) ဓာတ်ပုံ၊ myanmars.net


29 October 2010

Yan Win (Taung Da Gar) – Bagan Cedi myar

ပုဂံမြို့ဟောင်းက ရှေးဟောင်းဘုရားစေတီများ (၃)
မြေပေါက်စေတီပုထိုးများ
ရန်ဝင်း (တောင်တံခါး)

အောက်တိုဘာ ၃၀၊ ၂၀၁၀

သက္ကတဘာသာ စဲတျ နဲ့ ပါဠိဘာသာ စေတိယ က စေတီ ဆိုတဲ့ ဝေါဟာရ ဖြစ်လာပါတယ်။ ဓာတ်တော် ကိန်းဝပ်ရာ မြင့်မြတ်တဲ့နေရာဖြစ်ပါတယ်။

စေတီတွေမှာ ဌာပနာထားတာတွေကိုမူတည်ပြီး ဓာတုစေတီ၊ ပရိဘောဂစေတီ၊ ဥဒိဿစေတီ နဲ့ ဓမ္မစေတီ လို့ အမှတ်အသားရှိပါတယ်။ ပရိနိဗ္ဗာန်ပြုပြီးတဲ့ ဗုဒ္ဓကိုရည်မှန်းပူဇော်ဖို့ ဓာတုစေတီတွေကို စပြီး တည်ကြတယ်။ စေတီတွေမှာ ဗုဒ္ဓရဲ့ သရီရ ဓာတ်တော်အမျိုးမျိုး၊ ဆံတော်၊ စွယ်တော်နဲ့ မြတ်နိုးရာရာ ရတနာတွေကိုပါ ဌာပနာလေ့ရှိတယ်။

ပုဂံခေတ်က စေတီတွေကို မြေပေါက်စေတီတွေအနေနဲ့သာမကပဲ ဂူဘုရားတွေအထက်မှာလည်း ကွမ်းထောင်ပုံစံအစား စေတီပုံကိုထည့်ပြီး တည်ဆောက်ခဲ့ကြတယ်။ ပုဂံမြို့ရှေးဟောင်းစေတီတွေက အချိုးအစားကျနပြေပြစ်ပါတယ်။ ဒါကြောင့်ပဲ ပုဂံမြို့ဟောင်းက ရှေးဟောင်းစေတီတွေကို နမူနာပုံစံယူပြီး နောက်ပိုင်း ခေတ်အဆက်ဆက်မှာ စေတီတွေကိုတည်ကြတယ်လို့ ခန့်မှန်းနိုင်ပါတယ်။

ပုဂံခေတ်နံရံဆေးရေးပန်းချီတွေကိုထောက်ထားပြီး ပုဂံခေတ် ခေါင်းလောင်းပုံ စေတီလုံးတွေရဲ့ အပေါ်ဆုံးမှာ ထီးဆိုတဲ့အစိတ်အပိုင်းမပါပဲ အထွတ်သာပါကြောင်း သိနိုင်ပါတယ်။ တခြား အစိတ်အပိုင်းတွေကတော့ ဒီကနေ့စေတီတွေရဲ့ အခြေခံအင်္ဂါရပ်တွေနဲ့ မကွာခြားလှပါ။ ပုဂံကစေတီတွေမှာ ဒကနေ့တွေ့မြင်နေကြရတဲ့ ထီးတွေက ၁၄ ရာစုနဲ့ နောက်ပိုင်းခေတ်တွေကျမှ ထပ်ပြီး ဖြည့်စွက်ထားတာတွေပါပဲ။

ပုဂံခေတ်ကစေတီတွေကို အမျိုးအစားထပ်ခွဲရရင် လုံးချောစေတီ၊ သီဟိုဠ်ပုံစေတီနဲ့ ခေါင်းလောင်းပုံ စေတီလုံးတွေ ဖြစ်ကြတယ်။

သမိုင်းတင် ပုဂံခေတ်ဦး ၁၁ ရာစု စောစောပိုင်းလောက်ကဖြစ်ဖြစ် အဲဒီခေတ်ထက်ပိုပြီးစောတဲ့ အချိန်ကဖြစ်ဖြစ် တည်ထားတယ်လို့ ခန့်မှန်းရတဲ့ စေတီတွေက ပုံစံရိုးရိုးစင်းစင်းနဲ့ လုံးချောတွေ ဖြစ်ကြတယ်။ သီရိခေတ္တရာ (ဂြီကွေတြ) က ဘောဘောကြီး၊ ဘုရားကြီး၊ ဘုရားမာ စေတီပုံစံမျိုးတွေနဲ့ ဆင်တူတယ်။ ဖြစ်နိုင်ခြေရှိတဲ့စေတီတွေကတော့ ငကျွဲနားတောင်းပုထိုး (၁၆ဝ၃/၉၁၁)၊ ဗူးဘုရား (၁၆၅၇/၉၆၁)နဲ့ ပေါက်ပင်ရာပုထိုး (၁၆၁၄/၉၉၂) တို့ ပါဝင်ပါတယ်။ သီရိပစ္စယာမြောက် ထူပါလေးဆူတန်း (၁ဝ၃၈/၄၂၈) က (၁ဝ၄၁/၄၃၁) အထိကိုလည်း အဲဒီစာရင်းထဲမှာထည့်နိုင်မယ်လို့ ထင်ရပါတယ်။

ငကျွဲနားတောင်းပုထိုး

ဗူးဘုရား

သီဟိုဠ်ကစေတီပုံစံကို နမူနာယူပြီးတည်ခဲ့တာဖြစ်လိမ့်မယ်လို့ ခန့်မှန်းယူဆထားတဲ့ စေတီပုံစံမှာ အောက်ပိုင်းက ခေါင်လောင်းပုံဖြစ်ဖြစ် သပိတ်မှောက်ပုံဖြစ်ဖြစ် ခံထားတယ်။ အဲဒီအထက်မှာ လေးထောင့်ပုံ ဓာတ်တော်တိုက် (ဓာတုဂဗ္ဘ၊ ဟာမိက)၊ လည်ပင်းသိမ်သိမ်တဆင့်၊ ဖောင်းရစ် စေတီအချွန်နဲ့ အထွတ် ပါလေ့ရှိတယ်။ အဲဒီပုံစံနဲ့တွေ့ရသမျှ စေတီတွေကို အခေါ်ရလွယ်ကူအောင် သီဟိုဠ်ပုံလို့ပဲ သုံးနှုန်းထားကြောင်း မှတ်သားရပါတယ်။ အဲဒီသီဟိုဠ်ပုံစေတီတွေမှာ ပုံစံနည်းနည်းချင်းစီ ကွဲပြားတာတွေကို တွေ့ရတယ်။

ခေါင်းလောင်းပုံ၊ သပိတ်မှောက်ပုံရဲ့ အောက်ဆုံးမှာ၊ အရိုင်းပုံအောက်ခံ ခံထားတဲ့ သီဟိုဠ်ပုံ စေတီတွေအနေနဲ့ ပေပင်ကျောင်းပုထိုး (၁၆၅၃/၉၅၇)၊ တာမဏိပုထိုးတွေကို တွေ့ရပြီး၊ လေးထောင့်ပုံ အောက်ခံ ခံထားတဲ့ သီဟိုဠ်ပုံတွေမှာ ဆပဒပုထိုး (၁၈၇/၁၄၅)၊ ငှက်ပစ်တောင်ပုထိုးငယ် (၁၆၄/၁၃၁-က) နဲ့ တောင်ဘီရွာ၊ အင်းဝကျောင်းဝင်းစေတီတွေကို တွေ့ရပါတယ်။

ပေပင်ကျောင်းပုထိုး

ဆပဒပုထိုး

ဖြတ်စရွှေဂူပုထိုး (၁၂၅ဝ/၅၈၅) နဲ့ စိမ်းညက်ညီမပုထိုး (၁ဝ၈၆-၄၅၈) တွေကတော့ ခြယ်လှယ်တာ များတယ်။ ဖောင်းရစ်တွေမှာ မျက်ရစ်ခပ်စိပ်စိပ်၊ ဓာတ်တော်တိုက် ဟာမိကကိုလည်း ခိုနန်းချိုးထောင့်တွေနဲ့ ဆောက်ထားလို့ ထူးခြားပါတယ်။

ဆင်ရုပ်ခံ သီဟိုဠ်ပုံစေတီတွေကတော့ စေတနာကြီး (စည်စနာ၊ စစ်စနာ၊ ရှစ်ရှနာ၊ ဂိဂ္နါ) (၉၈၇/၄၁၃) ပုထိုးနဲ့ ကဿပ ထူပါကြီး (၄၉၅/၂၈၇-က)တို့ဖြစ်ကြတယ်။ ပုဂံခေတ်က စည်စနာပုထိုး လို့ခေါ်ခဲ့ပုံရတဲ့ စေတနာကြီးပုထိုးက သီဟိုဠ်ပုံစေတီတွေထဲမှာ အကြီးဆုံးပါ။ မူလတုန်းက သိဝဟိန္ဒူ နတ်ကွန်းကို လွှမ်းခြုံပြီးတည်ခဲ့ပုံရတယ်လို့ မှန်းဆနိုင်ပါတယ်။ အုတ်တံတိုင်းကပဲ တဖက်စီမှာ ၃၈ဝ ပေ စီရှိတယ်။ ၁၆၂ ပေ စီရှိတဲ့ စေတီအောက်ခံပစ္စယံ မျက်နှာတဖက်စီမှာ ဆင်ရုပ်ရှေ့ပိုင်း စုစုပေါင်း ၃၉ခု စီရှိတယ်။ အသစ်ဖြည့်စွက်မပြုပြင်ခင်က သပိတ်မှောက်အထက်ပိုင်းမှာ လေးထောင့်ဓာတ်တော်တိုက် အထိပဲ ရှေးလက်ရာကျန်ခဲ့တယ်။

စေတနာကြီးပုထိုး ဓာတ်တော်တိုက်

မြင်းကပါပုထိုး (၁၃၂၈/၆၅၂) နဲ့ အနိရုဒ္ဓမင်းကြီးကောင်းမှု လောကနန္ဒာ (၁ဝ၂၃/၄၁၈-က) စေတီတွေကတော့ ခေါင်းလောင်းပုံစံတွေအထဲမှာ အစောဆုံးဖြစ်နိုင်ခြေရှိပါတယ်။

မြင်းကပါပုထိုး

လောကနန္ဒာ

အရိုင်းပုံအောက်ခံ စေတီလုံးတွေကို အတွေ့ရနည်းတယ်။ ပစ္စယံမပါသလောက်နဲ့ တည်ထားတဲ့ အိမ်ရာကျောင်း အနောက်ဘက်စေတီ (၂၁၁၆/၁၄၁၁) ပုံစံမျိုးပါ။ လေးထောင့်ပုံအောက်ခံ စေတီလုံးကိုတော့ အရွယ်အစားစားနဲ့ နေရာအနှံ့အပြားမှာ တွေ့ရပါတယ်။

ပုဂံခေတ်ရဲ့နောက်ပိုင်း ခေတ်အဆက်ဆက် နမူနာပုံစံယူပြီးတည်ကြတဲ့ ရှေးဦး စေတီလုံးပုံစံတွေထဲမှာ ပုဂံခေတ်ဦး ၁၁ ရာစု နှောင်းပိုင်းက အနိရုဒ္ဓမင်းကြီးကောင်းမှု ရွှေဆံတော်စေတီ (၁၅၃၆/၈၄၉)၊ ပုဂံခေတ်လည် ၁၂ ရာစုစောစောပိုင်းက ထိလိုင်မင်းကြီးကောင်းမှု ရွှေစည်းခုံစေတီ (၁/၁-က)၊ ၁၂ ရာစုနှောင်းပိုင်း နရပတိစည်သူ (ဒုတိယ စည်သူ) မင်းကြီးကောင်းမှု ဓမ္မရာဇကစေတီ (၉၃၇/၄၁၂-က) နဲ့ ပုဂံခေတ်နှောင်း ၁၃ ရာစုက တရုတ်ပြေးမင်းကောင်းမှု မင်္ဂလာစေတီ (၁၄၃၉/၇၅၂) တို့ကိုကြည့်ရင် အင်မတန် အချိုးအစားကျနလှကြောင်း တွေ့နိုင်ပါတယ်။

ရွှေဆံတော်စေတီ

အနိရုဒ္ဓမင်းကြီး စတည်ခဲ့ပြီး ထိလိုင်မင်းကြီး လက်စသတ်တည်ခဲ့တဲ့ ရွှေစည်းခုံစေတီပုံစံက နှောင်းခေတ်စေတီတွေရဲ့ စံနမူနာဖြစ်လာခဲ့ပုံရတယ်။ ပုဂံခေတ်နှောင်းပိုင်း စေတီကြီးနှစ်ဆူဖြစ်တဲ့ နရပတိစည်သူ (ဒုတိယ စည်သူ) မင်းကြီးရဲ့ ဓမ္မရာဇကစေတီ နဲ့ တရုတ်ပြေးမင်းရဲ့ မင်္ဂလာစေတီတွေက ရွှေစည်းခုံစေတီပုံစံနဲ့ ဆင်တူလှကြောင်းကို တွေ့နိုင်တယ်။

ရွှေစည်းခုံစေတီ

မင်္ဂလာစေတီ

ဓမ္မရာဇကစေတီ

ငါးမျက်နှာရှိတဲ့ ဓမ္မရာဇကစေတီ (၉၃၇/၄၁၂-က)က ရှေးဟောင်းပုဂံမှာတွေ့ရသမျှ ငါးမျက်နှာစေတီ/ဂူဘုရားအမျိုးအစား ၁၅ ဆူထဲမှာ အရွယ်အစား အကြီးဆုံးဖြစ်တဲ့အပြင်၊ မျက်နှာတခုစီမှာ အလတ်စားဂူဘုရားတဆူစီနဲ့ ဆက်စပ်တည်ဆောက်ထားလို့ ပုံစံထူးခြားပါတယ်။

တဆူအပေါ်မှာ တဆူထပ်ပြီးငုံလို့တည်ထားတဲ့ စေတီတွေတွေ့ရတယ်။ အပေါ်ကစေတီ ပြိုပျက်တဲ့အခါ အတွင်းကစေတီ ပေါ်ထွက်လာတာမျိုးကို ပေါ်တော်မူလို့ ခေါ်လေ့ရှိတယ်။ ပုဂံမှာ ပေါ်တော်မူ ၃၄ ဆူတွေ့ရှိပြီး အပြင်ထပ်တချို့ကို ရှင်းထားပါတယ်။ အပြင်ထပ်ကို အပြီးမရှင်းပဲ မြင်သာရုံ ပြထားတာတွေလည်း ရှိပါတယ်။ အသိများကြတာက နဂါးရုံပေါ်တော်မူ (၁၁၉၃/၅၃၁)၊ စကိုးဘဲပေါ်တော်မူ (၁၆၉ဝ/၉၉၂)၊ ၁၉၆၈-ပေါ်တော်မူ (၂၁၃၃/၁၄၂၇) နဲ့ နှစ်ထပ်မြိုစေတီ (၁ဝ၃၇/၄၂၆) တွေ ဖြစ်တယ်။

အတွင်းစေတီကို ပိုပြီးစောတဲ့အချိန်က တည်တာဖြစ်နိုင်သလိုပဲ တခေတ်ထည်း၊ တချိန်ထည်းမှာ တည်တာလည်း ဖြစ်နိုင်တယ်။ ထူးခြားတာက အတွင်းစေတီပျက်စီးလို့ ထပ်ပြီးငုံတာမျိုးမဟုတ်ပဲ အကောင်းပကတိရှိတဲ့ အတွင်းစေတီကို အပြင်စေတီနဲ့ထပ်ပြီးမံတဲ့ သာဓကတွေတွေ့ရတယ်။ အကောင်းပကတိရှိတဲ့ အတွင်းစေတီတွေကိုလေ့လာရလို့ အထူးသဖြင့် မူလ ပုဂံခေတ် စေတီတွေရဲ့ အပေါ်ဆုံးမှာ ဘာရှိခဲ့သလဲဆိုတာ သိနိုင်ပါတယ်။

နဂါးရုံပေါ်တော်မူ

ပုံစံထူးခြားလို့ သီးခြားဖော်ပြရမှာကတော့ သီရိပစ္စယာအရပ်က အရှေ့ဖက်လိပ် (၁ဝ၃ဝ/၄၂ဝ) နဲ့ အနောက်ဖက်လိပ် (၁ဝ၃၁/၄၂၁) နှစ်ဆူ ဖြစ်ပါတယ်။ ဖက်လိပ်လို့ နာမည်ရတာက မြင်ရတဲ့ ပုံစံတွေကြောင့် ဖြစ်ပါတယ်။ မူလတည်ထားတုန်းက အမိုးခုံးခပ်နိမ့်နိမ့်နဲ့ ပြန့်ကျယ်ကျယ်ရှိခဲ့တဲ့ပုံပါ။ အဲဒီ အမိုးခုံးတွေ ပြိုကျသွားပြီး အလည်ပိုင်း မဏ္ဍိုင်တွေပဲ ထိုးထိုးထောင်ထောင်ကျန်ရစ်တော့ ဖက်လိပ်နားတောင်းတွေနဲ့တူနေလို့ ရပ်ရွာကခေါ်ကြတဲ့အတိုင်းပဲ နာမည်တွင်နေပါတော့တယ်။ မူလတုန်းက အထက်ပိုင်းမှာ သီဟိုဠ်ပုံစေတီမျိုးဖြစ်ကြောင်းကို တွေ့နိုင်ပါတယ်။

အမိုးခုံးတွေပြိုကျသွားတဲ့နေရာမှာ ရှေးဟောင်းသုတေသနဌာနက ကွန်ကရစ်အမိုးသစ်နဲ့ နံရံတွေ ဆောက်ပြီး ထိန်းသိမ်းထားပါတယ်။ ဒီနေရာမှာတော့ မူလပုံစံ ဟုတ်မဟုတ်ဆိုတာထက် ဘာတွေကို ထိန်းသိမ်းရသလဲဆိုတာက ပိုပြီးအရေးကြီးပါတယ်။ မဏ္ဍိုင်တွေရဲ့ပတ်ပတ်လည်မှာ ကမ္ဗည်းစာကို ပါဠိဘာသာနဲ့ ထိုးထားပြီး နံပတ်စဉ်တွေနဲ့ ၅၅ဝ ဇာတ်ကွက်အပြည့်ပါတဲ့ မြေပုံ မီးဖုတ် အုတ်ချပ်တွေ ရှိပါတယ်။ အဲဒီမြေပုံတွေကို စဥ့်ရည်သုတ်မထားပါ။ ပုဂံဒေသတခုလုံးမှာ ဒီဖက်လိပ်နှစ်ဆူမှာပဲ တွေ့နိုင်ပါတယ်။ ပုဂံဒေသတဝိုက်မှာ အတွေ့ရများတဲ့ စဥ့်ရည်သုတ် မီးဖုတ် ၅၄၇ ဇာတ်ကွက် စဥ့်ကွင်းတွေနဲ့ ကွဲပြားတဲ့အချက်ဖြစ်ပါတယ်။

ရှေးမွန်စာနဲ့ရေးထိုးထားတဲ့ ကျောက်စာ အပိုင်းအစတွေကိုလည်း တွေ့ရဖူးတယ်။ အနောက်ဖက်လိပ်က နံရံတွေမှာ ရှေးမွန်စာနဲ့ ရေးထားတဲ့ စာတမ်းတချို့ကို တွေ့နိုင်သေးတယ်။ ၁၁ ရာစု နှစ်ဝက်လောက်ကတည်ထားတာ ဖြစ်နိုင်ခြေရှိပါတယ်။ ၁၉ဝ၆-၁၉ဝ၇ ခုနှစ်အတွင်းမှာ ဘုရားတွေကို ပြုပြင်ဖို့အတွက် ရှေးဟောင်းသုတေသနဌာနက အပြိုအပျက်တွေကို တူးဖော်ရှင်းလင်းတော့ အုတ်မြစ်တွေရဲ့အောက်မှာ အနိရုဒ္ဓမင်းကြီးခေတ်ထက် ရှေးပိုကျတဲ့ အုတ်ခုံတွေ တွေ့ရကြောင်း မှတ်သားရဖူးပါတယ်။

အရှေ့ဖက်လိပ်

ပုဂံမြို့ဟောင်းက ရှေးဟောင်းဘုရားစေတီအမျိုးမျိုးကို လေ့လာတဲ့အခါ ဗုဒ္ဓသာသနိက ယဉ်ကျေးမှုလက်ရာမျိုးစုံကို တစုတဝေးတည်းတွေ့ရတာကြောင့် လူမျိုးစုပေါင်းစုံပါဝင်တဲ့ ပုဂံသားတွေက ရှေးပုဂံကို ညီညီညွတ်ညွတ်နဲ့ တည်ဆောက်ခဲ့ကြတယ်လို့ အသေအချာ ပြောနိုင်ပါတယ်။

“နှလုံးမွန်၍

အားခွန်လက်မောင်း၊ ယောက်ျားကောင်းသို့

ရှေးဟောင်းပုဂံ၊ ပြည်ပေါက္ကံမှာ

နိုင်ငံသစ်ထူ၊ ဦးစွန်းလူခဲ့
ပြည်သူ ညီညွတ်သည်တကား။”


ကြည်အောင်
၁၉၆၄

အထူးကျေးဇူးတင်စွာနဲ့ ကိုးကားခြင်း

(၁) ပုဂံမင်စာစုသုတေသနလုပ်ငန်း အစီရင်ခံစာ (ဗိုလ်မှူး ဘရှင်)၊ ၁၉၆၄
(၂) ပုဂံသွားမှတ်တမ်း (ရွှေကိုင်းသား)၊ မေလ၊ ၂ဝဝ၈
(၃) တနေ့တလံ ပုဂံဘယ်ပြေးမလဲ (ဒေါက်တာသန်းထွန်း)၊ သြဂုတ်လ၊ ၂ဝဝ၆
(၄) ပုဂံခရီးသည် (ပါရဂူ)၊ ဒု အကြိမ်၊ စက်တင်ဘာလ၊ ၂ဝဝ၈
(၅) ပုဂံ (စုပေါင်း)၊ ဧပြီ၊ ၁၉၉၉
(၆) ပုဂံရှေးဟောင်းသုတေသနလမ်းညွှန် (ဦးဗိုကေ)၊ ၁၉၈၁
(၇) သမိုင်းဝင် ပုဂံစေတီပုထိုးများ (ဦးသန်းဆွေ)၊ ၁၉၇၅
(၈) ပုဂံခေတ်ဗိသုကာလက်ရာများ (မင်းဘူးအောင်ကြိုင်)၊ ၁၉၈၅
(၉) Pictorial Guide To Pagan: 1971
(၁ဝ) Pagan: Art and Architecture of old Burma by Paul Strachan: 1996
(၁၁) Burma Art and Archaeology by Alexandra Green and T. Richard Blurton: 2002

22 October 2010

Yan Win (Taung Da Ga) – Thidinkyut

ဝါလ ကင်းလွတ် သီတင်းကျွတ်လျှင်
ရန်ဝင်း (တောင်တံခါး)
အောက်တိုဘာ ၂၃၊ ၂၀၁၀

“မီးမြင်းမိုရ်နှင့်
ဝါဆိုကင်းလွတ်၊ သီတင်းကျွတ်မို့၊
ဘုံထွတ်ကယ်ဦးကင်၊ ဖွင့်စံပယ်ရွှင်သော့ခါ”

မဟာအတုလမင်းကြီး

ကျောင်းတိုက်အသီးအသီးမှာ သီတင်းသုံးနေထိုင်ကြတဲ့ သံဃာတော်တွေကို ဝါဆိုလပြည့်ကျော် တရက်နေ့ကစလို့ နေရာအနှံ့အပြား ခရီးမသွားကြပဲ သုံးလအကြာ ဝါကပ်တော်မူကြဖို့ ဗုဒ္ဓက ပညတ်တော်မူပါတယ်။ ဗုဒ္ဓကိုယ်တော်တိုင်လည်း ကျောင်းတိုက်တခုခုမှာ ဝါဆိုတော်မူပါတယ်။ ဝါကပ်တဲ့ သံဃာတော်တွေ သီတင်းဝါလက ကျွတ်လွတ်တော်မူကြတဲ့အချိန်အခါကို သီတင်းကျွတ်လို့ ခေါ်ပါတယ်။

သီတင်းကျွတ်တဲ့အခါမှာ ပဝါရဏာ လို့ခေါ်တဲ့ ရဟန်းသံဃာအချင်းချင်း အပြစ်ကြီးငယ်ရှိရင် ခွင့်လွှတ် သည်းခံကြပါလို့ မေတ္တာရပ်ခံ ခွင့်ပန်တဲ့ပွဲကို လုပ်ကြရပါတယ်။

သီတင်းတခါကျွတ်ပြီးပြီဆိုရင် ရဟန်းအဖြစ်မှာ တဝါရပြီလို့ သုံးနှုန်းပါတယ်။ သံဃာတော်တို့ရဲ့ ရဟန်းဘောင်မှာရှိတဲ့ သက်တန်းကို တဝါ၊ ၂ ဝါ၊ ၃ ဝါ စသဖြင့် ဝါနဲ့ သတ်မှတ်ပါတယ်။ ဗုဒ္ဓက ၄၅ ဝါ ရခဲ့ပါတယ်။
ဗုဒ္ဓအဖြစ်ရောက်တော်မူအပြီး၊ ခုနှစ်ဝါမြောက် ဝါ ကို တာဝတိံသာနတ်ပြည်မှာ ဂေါတမဗုဒ္ဓ ဝါဆိုတော်မူပါတယ်။ မယ်တော်အဖြစ်တော်စပ်ခဲ့တဲ့ သန္တုဿီတနတ်သားနဲ့ နတ်ဗြဟ္မာပရိတ်သတ် အပေါင်းကို တဝါတွင်းလုံး အဘိဓမ္မာ တရားဟောခဲ့တယ်။ အဲဒါကြောင့် သီတင်းကျွတ်လပြည့်နေ့ကို အဘိဓမ္မာ အခါတော်နေ့လို့ ခေါ်ပါသေးတယ်။

သံယောဇဉ်မှန်သမျှ အပြီးတိုင် ဖြတ်တောက်တော်မူပြီးခဲ့တဲ့ ဗုဒ္ဓကိုယ်တော်တိုင်ကတောင်မှ မိခင်ရဲ့ ချစ်ခြင်းမေတ္တာနဲ့ အနန္တကျေးဇူးတော်ကို အလေးထားဂုဏ်ပြုတဲ့အနေနဲ့ နောက်ဆုံးဘဝမှာ မိခင်အဖြစ် တော်စပ်ခဲ့ဖူးတဲ့နတ်သားကို တဝါတွင်းလုံး တရားဟောကြားခဲ့ခြင်းပါပဲ။ မိမိအပေါ်မှာတင်ရှိခဲ့တဲ့ မိခင်ရဲ့ ကျေးဇူးအတွက် ပြန်လည်သိတတ်ခြင်းကို ဗုဒ္ဓက ပြသခဲ့ပါတယ်။

တာဝတိံသာနတ်ပြည်မှာ တရားဟောအပြီး သင်္ကဿနဂိုရ် လူ့ပြည်ကို ပြန်လည်ဆင်းကြွလာတဲ့ အကြောင်းက ဗုဒ္ဓဖြစ်တော်စဉ်တွေအထဲမှာ ထူးခြားပါတယ်။ အဲဒီအချိန်မှာ ဆီမီးထွန်းညှိပြီး ဗုဒ္ဓကိုကြိုဆို ပူဇော်ခဲ့ကြရာကစခဲ့ပြီး၊ ဒီကနေ့ မြင်းမိုရ်ပွဲလို့ခေါ်ကြတဲ့ မီးပုံးတွေအဆင့်ဆင့်၊ မီးရောင်စုံအမျိုးမျိုးတွေနဲ့ ပူဇော်ပွဲအလေ့အထ ဖြစ်လာခဲ့တယ်။ တချို့အရပ်ဒေသက တာဝတိံသာပွဲလို့ ခေါ်ကြတယ်။

တာဝတိံသာက ဆင်းကြွပုံကိုလည်း လက်မှုပညာ၊ စာပေ ကဗျာ အမျိုးမျိုးနဲ့ ပူဇော်ခဲ့ကြတယ်။ လက်မှုပညာ အလုပ်အဆောင်တွေထဲမှာ တွေ့ရလေ့ရှိတာက လှေကားပုံစံပေါ်က ဆင်းကြွလာတဲ့ဗုဒ္ဓ၊ ဗုဒ္ဓရဲ့တဖက်တချက်မှာ သိကြားမင်း၊ ထီးဆောင်းပေးနေတဲ့ ဗြဟ္မာမင်း၊ နတ်ဗြဟ္မာ၊ လူထုပရိတ်သတ်တွေဖြစ်ပါတယ်။

အစောဆုံးအနေနဲ့ အိန္ဒိယပြည်မှာတွေရတဲ့ တာဝတိံသာကဆင်းကြွပုံ သဲကျောက်ရုပ်ကြွကို IKSHVAKU PERIOD ၃ ရာစုနှစ်တဝက်လောက်က ထုလုပ်ထားကြောင်း သမိုင်းသုတေသီများက မှန်းဆထားကြပါတယ်။

Buddha’s Descent From the Trayastrimsha Heaven,
Ikshvauk period, second half 3rd century,
India Andhra Pradesh Nagarjunakonda Limestone

မြန်မာပြည်မှာတော့ ကရင်ပြည်နယ် ကော့ဂွန်းဂူမှာတွေ့ရတဲ့ တာဝတိံသာနတ်ပြည်က ပြန်လည်ဆင်းကြွလာတဲ့ဟန် သဲကျောက်ရုပ်ကြွနှစ်ခုကို အစောဆုံးလက်ရာအဖြစ်နဲ့ တွေ့ရှိထားပါတယ်။ ၁ဝ-၁၁ရာစု လောက်မှာထုထားတယ်လို့ ခန့်မှန်းရတယ်။ ပိုပြီးစောတာတွေ မြန်မာနိုင်ငံထဲမှာ တွေ့ရှိနိုင်သေးပေမယ့် ဒီကနေ့အထိတော့ အစောဆုံးတွေ့ရတဲ့ အထောက်အထားတွေပါ။ အပျက်အစီး သိပ်များပေမယ့် အကောင်းကျန်တဲ့အပိုင်းတွေက အင်မတန်ပြတ်သားပြီး လက်ရာသိပ်ကောင်းတယ်။ ဒါကြောင့်ပဲ သေသေချာချာ မှန်းဆနိုင်ပါတယ်။

သဲကျောက်ရုပ်ကြွ (၁) မှာ ညာလက်က ဝိတက္ကမုဒြာ၊ ဘယ်လက်က ဝရဒမုဒြာနဲ့ ပြထားတဲ့ ဗုဒ္ဓကို အလည်မှာထားပြီး၊ သိကြားမင်းနဲ့ ဗြဟ္မာမင်းတို့က ရံထားတယ်။

တာဝတိံသာနတ်ပြည်က ဗုဒ္ဓ ပြန်လည်ဆင်းကြွလာတဲ့ဟန်
သဲကျောက်ရုပ်ကြွ (၁)၊ ကော့ဂွန်းဂူ

အပျက်အစီးကပိုများပေမယ့် သဲကျောက်ရုပ်ကြွ (၂)မှာ၊ ဗုဒ္ဓရဲ့ ဘယ်ဘက် သင်္ကန်းအနားပေါ်က ရှေးမွန်စာ ၂၃ ကြောင်းနဲ့ ညာဘက်သင်္ကန်းအနားပေါ်က ရှေးမွန်စာ စာကြောင်းတချို့ပါတဲ့ အပိုင်းကိုတွေ့ ရလို့ သိပ်အရေးပါပါတယ်။ အဲဒီရုပ်ကြွတွေက မွန်လက်ရာ ဖြစ်တယ်လို့ ပြောနိုင်ပါတယ်။

သုံးထားတဲ့ သဲကျောက်အမျိုးအစားနဲ့ လက်ရာပုံစံကလည်း တခုထဲဖြစ်လို့ တခေတ်ထည်းမှာ ထုလုပ်တာဖြစ်နိုင်တဲ့ တတိယမြောက်ရုပ်ကြွကို သထုံမြို့ ရွှေစာရံ အနောက်မြောက်မှာရှိတဲ့ ဓမ္မာရုံမှာ တွေ့ရတယ်။ အဲဒီကျောက်ပြားရုပ်ကြွမှာပါတဲ့ ရှေးမွန်စာ စာကြောင်းတွေက ကော့ဂွန်းဂူမှာတွေ့တဲ့ ကျောက်ပြားရုပ်ကြွ (၂) ရဲ့ စာတွေအတိုင်းပါ။

တာဝတိံသာနတ်ပြည်က ဗုဒ္ဓ ပြန်လည်ဆင်းကြွလာတဲ့ဟန်
သဲကျောက်ရုပ်ကြွ (၂)၊ ကော့ဂွန်းဂူ

အဲဒီတာဝတိံသာနတ်ပြည်က ပြန်လည်ဆင်းကြွလာတဲ့ဟန်ကို ပူဇော်ထားတဲ့ ရှေးဟောင်းပုဂံခေတ် လက်ရာတွေကို တွေ့ရတယ်။ မဟာကရုဏာမုဒြာနဲ့ ထင်ထင်ရှားရှား လက်ရာကောင်းမွန်တဲ့ ပန်းပုရုပ်ကြွအနေနဲ့ ၁၂ ရာစုစောစောပိုင်း ပုဂံခေတ်လက်ရာကို အာနန္ဒာဂူဘုရား (၂၁၇၁/၁၄၆၅) မှာ တွေ့ရပါတယ်။

တာဝတိံသာနတ်ပြည်က ဗုဒ္ဓ ပြန်လည်ဆင်းကြွလာတဲ့ဟန်
ကျောက်ဆစ်ရုပ်ကြွ၊ ၁၂ ရာစု ပုဂံခေတ်၊
အာနန္ဒာဂူဘုရား၊ ပုဂံ

အင်မတန်ကြည်လင်ပြတ်သားတဲ့ နံရံဆေးရေးပန်းချီအနေနဲ့ ၁၂ ရာစု စောစောပိုင်း ပုဂံခေတ် လက်ရာ မြင်းကပါ ဂူပြောက်ကြီးဂူဘုရား (၁၃၂၃/၆၄၇) မှာ တွေ့ရပါတယ်။ မဟာကရုဏာမုဒြာနဲ့ အထင်အရှားတွေ့ရပါတယ်။ ပုဂံမြို့ဟောင်းက တခြားဂူဘုရားတွေမှာလည်း ဆင်ဆင်တူတာတွေ ရှိပါသေးတယ်။

တာဝတိံသာနတ်ပြည်က ဗုဒ္ဓ ပြန်လည်ဆင်းကြွလာတဲ့ဟန်
နံရံဆေးရေးပန်းချီ၊ ၁၂ ရာစု ပုဂံခေတ်၊
မြင်းကပါ ဂူပြောက်ကြီးဂူဘုရား၊ ပုဂံ

ပုဂံမြို့ဟောင်းတနေရာမှာ အကောင်းပကတိတွေ့ရှိရတဲ့ ပုဂံခေတ်လက်ရာ ရှားရှားပါးပါး သစ်သားပန်းပုကိုတော့ ပုဂံပြတိုက်မှာ ထိန်းသိမ်းထားပါတယ်။

တာဝတိံသာနတ်ပြည်က ဗုဒ္ဓ ပြန်လည်ဆင်းကြွလာတဲ့ဟန်
ပုဂံခေတ်လက်ရာ သစ်သားပန်းပု၊ ပုဂံပြတိုက်

‘သီတင်းကျွတ်တွင်၊ ပလ္လင်ဆေးမိုး၊ ရွာသွန်းဖြိုး’ ဆိုတဲ့ ရှေးခေတ် ၁၂ လရာသီ မိုးဖွဲ့လင်္ကာအတိုင်း၊ သီတင်းကျွတ်လမှာရွာတဲ့မိုးက ဘုရားစေတီတွေရှေ့မှာရှိတဲ့ ဆွမ်းသင်ပုတ်ပလ္လင်တွေကို သန့်ရှင်း ဆေးကြောပေးသလိုပဲ သည်းသည်းမည်းမည်းကြီး ရွာစွေလေ့ရှိတယ်။ ပလ္လင်ဆေးမိုးက အညစ်အကြေးတွေကို သန့်ရှင်းပေးသလို၊ တိုင်းသူပြည်သားအပေါင်းကလည်း ဆီမီး မြင်းမိုရ်ပွဲ ခြိမ့်ခြိမ့်သည်းသည်း မစဲအောင် ထွန်းညှိပြီး ဗုဒ္ဓကိုပူဇော်ကြ၊ ဆုတောင်းကြတာပါပဲ။

သီတင်းကျွတ်အချိန်အခါကစလို့ မြန်မာပြည်တပြည်လုံး မြူမှောင်ဝေးကင်း၊ သန့်ရှင်းဖြူစင်၊ အမှောင်ခွင်းလို့ အလင်းကိုဆောင်နိုင်ကြပါစေ။

“တိုင်းခွင်ကြီးအောင်ချာမှာ
ဆီမီးဝါထိန်ထိန်ဝင်းလို့၊ လင်းလှတယ်လေး။”
မဟာအတုလမင်းကြီး

အထူးကျေးဇူးတင်စွာနဲ့ ကိုးကားခြင်း

(၁) ဆယ့်နှစ်ရာသီ စာပန်းချီ (ဒဂုန် နတ်ရှင်)၊ ၁၉၆၇
(၂) တဆယ့်နှစ်လမိုး (ဒဂုန် ဦးစန်းငွေ)၊ ၁၉၇၂
(၃) မြန်မာ့ရိုးရာ ပဋိမာသိပ္ပံပညာ၊ မုဒြာများ (စဝ်ထွန်းမှတ်ဝင်း)၊ ၁၉၇၇
(၄) Pictorial Guide to Pagan: 1971
(၅) Historical Sites In Burma (Aung Thaw): 1978
(၆) Burma Art and Archaeology by Alexandra Green and T. Richard Blurton: 2002

17 October 2010

Yan Win (Taung Da Gar) – Myanmar Pon Gu Phayar (2)

ပုဂံမြို့ဟောင်းက ရှေးဟောင်းဘုရားစေတီများ (၂)
မြန်မာပုံ ဂူဘုရားများ
ရန်ဝင်း (တောင်တံခါး)
အောက်တိုဘာ ၁၈၊ ၂၀၁၀

ပါဠိဘာသာ ဂူဟ ကတဆင့် ဂူ ဆိုတဲ့ဝေါဟာရဖြစ်လာပြီး၊ ပုဂံခေတ်ကျောက်စာတွေမှာ ကူ၊ ကူပုရှာ (ဂူ၊ ဂူဘုရား) လို့ရေးထိုးတတ်တဲ့ လိုဏ်ဂူပါ ပုဂံကရှေးဟောင်းဘုရားတွေကို ပုံစံအလိုက် အခေါ်ရလွယ်ကူအောင် မွန်ပုံဂူဘုရားနဲ့ မြန်မာပုံဂူဘုရား လို့ သမိုင်းသုတေသီ ဆရာကြီးတွေက အမည်ပေးခဲ့ပါတယ်။

မွန်ပုံဂူဘုရားတွေမှာ အတွင်းနံရံတွေက နံရံဆေးရေးပန်းချီကမ္ပည်းစာတွေကို မွန်စာနဲ့ ကမ္ပည်းစာတွေကို ရေးထိုးသလိုပဲ၊ မြန်မာပုံဂူဘုရားတွေမှာ မြန်မာစာသုံးပြီး ရေးထိုးတယ်။ ဒါကြောင့်ပဲ အဲဒီမြန်မာစာရှိတဲ့ ဂူဘုရားပုံစံတွေကို မြန်မာပုံဂူဘုရားတွေလို့ အမည်ပေးလိုက်ကြတယ်။

မွန်ပုံဂူဘုရားတွေက တည်ငြိမ်ဝပ်စင်းတဲ့ အလျားလိုက်မျဉ်းလဲပုံသဏ္ဌန်ကိုဆောင်ပြီး မြန်မာပုံ ဂူဘုရားတွေက အထက်ကို စွင့်စွင့် မြင့်တက်နေတဲ့ ထောင်လိုက်မျဉ်းမတ်ပုံသဏ္ဌန်ကို ဆောင်ပါတယ်။ ပုဂံမြို့ဟောင်းမှာတွေ့ရှိရတဲ့ ဂူဘုရားတွေထဲမှာ မွန်ပုံဂူဘုရားတွေက မြန်မာပုံဂူဘုရားတွေထက် ပိုပြီး ရှေးကျပါတယ်။ ရှေးဦးပိုကျတဲ့ ၁၁ ရာစုနဲ့ ၁၂ ရာစု စောစောပိုင်းမှာတည်တဲ့ မွန်ပုံဂူဘုရားတွေကို အခြေခံပြီးမှ နောက်ထပ်တည်ဆောက်လာခဲ့ကြတဲ့ ဂူဘုရားပုံစံပြောင်းလဲလာပုံတွေကိုလည်း ဆက်လက် လေ့လာရပါမယ်။

ရှေးဦးမြန်မာပုံဂူဘုရားတွေမှာတော့ တထပ်ပဲရှိသေးတယ်။ မွန်ပုံဂူဘုရားတွေရဲ့ လက္ခဏာတရပ် ဖြစ်တဲ့ ကျောက်ထွင်းဇာ ပြူတင်းပေါက်မျိုးတွေရှိနေဆဲဖြစ်ပေမယ့် ဂူအတွင်းမှာ အလင်းရောင်အဝင် နည်းတဲ့ မှုန်မှုန်မွှားမွှားမှောင်ပတ်လမ်းတွေ မဟုတ်တော့ပဲ အလင်းရောင်နဲ့ လေအဝင်အထွက်တွေ ပိုပြီး ကောင်းလာတယ်။ မြန်မာပုံဂူဘုရားတွေရဲ့ ပန္နက်ပုံတွေကိုကြည့်ရင် လေးဖက်လေးတန်က အာရုံခံမုခ်ဦးတွေ၊ လေနဲ့အလင်းရောင်ရဖို့ အလေးထားကြောင်း တွေ့ရပါမယ်။ မြန်မာပုံဂူဘုရားတွေမှာ ဂူအမိုးကိုလည်းမြှင့်လိုက်တယ်။ မွန်ပုံဂူဘုရားတွေမှာတွေ့ရလေ့ရှိတဲ့ တဖက်လျှော အမိုးခုံးအစား ပစ္စယံအဆင့်ဆင့်တွေ ဖြစ်လာတယ်။ ၁၂ ရာစု နောက်ပိုင်းမှာတော့ နှစ်ထပ် ဂူဘုရားအမြင့်ကြီးတွေကိုပါ တည်ဆောက်လာတယ်။

ပုံစံတူမရှိတဲ့အပြင်၊ စိတ်ဝင်စားစရာတွေများလို့ သီးခြားဖော်ပြရမယ့် ဂူဘုရားတဆူကတော့ မနူဟာဂူဘုရား (၁၂၄ဝ/၅၇၅) ဖြစ်ပါတယ်။ မနူဟာ (မကုတ) ဘုရင်ကြီးကောင်းမှုလို့ အစဉ်အဆက် ယုံကြည်ရေးသားလေ့ရှိတယ်။ အပြင်ကကြည့်ရင် နှစ်ထပ်ဂူနဲ့တူနေပေမယ့် တထပ်ဂူအမျိုးအစားပါ။ ဂူအထက်မှာ စေတီငယ် ၃၆ ဆူနဲ့ ပင်မစေတီကြီးတဆူ ရှိတယ်။ ထုံးဖွေးဖွေးနဲ့ တဆူလုံး အသစ်လို ဖြစ်နေပါတယ်။ မူလပုဂံခေတ်လက်ရာ ဘယ်လောက်အထိ ကျန်နေသေးသလဲဆိုတာကိုတော့ မှန်းဆရတာ ခက်ခဲပါတယ်။

အရွယ်အစားကြီးမားတဲ့ ဗုဒ္ဓဆင်းတုတော်ကြီးတွေကို နေရာရနိုင်သမျှရအောင် ထည့်ပြီး တည်ဆောက်ထားလို့ မြင်ရသူတွေက စိတ်ကျဉ်းကျပ်တာကို ခံစားရတယ်လို့ ပြောတတ်ကြတယ်။ မူလရည်ရွယ်ချက်ကိုတော့ အတိအကျ မသိနိုင်ပါ။ ကြီးမားတဲ့သဒ္ဓါတရားကို ဖော်ပြချင်တာလည်း ဖြစ်နိုင်ပါတယ်။ မူလကတည်းကပဲ လက်ရှိအရွယ်အစားတွေအတိုင်း တည်ခဲ့တာဖြစ်နိုင်စရာရှိပေမယ့် ခေတ်အဆက်ဆက်မှာ အပြုအပြင်တွေများခဲ့လှပြီဆိုတာကိုလည်း သတိပြုမိစရာပါ။ တွေ့ရတဲ့ ကျောက်စာကလည်း နောက်ထိုးကျောက်စာဖြစ်နေတယ်။ ပုဂံခေတ်နောက် နှစ်ပေါင်းများစွာကြာပြီးမှ ရေးခဲ့တဲ့ရာဇဝင်တွေကို ကိုးကားလို့ ခံစားရေးသားကြတာတွေလည်း ရှိပါတယ်။

မနူဟာဂူဘုရား (၁၂၄ဝ/၅၇၅)

မနူဟာဂူဘုရားဖြတ်ပိုင်းပုံ

အစောဆုံး မြန်မာပုံဂူဘုရားတွေထဲမှာပါနိုင်တာကတော့ မြေပုံသာဘုရားလှလို့ အမှတ်မှားပြီး ခေါ်လေ့ရှိကြတဲ့ လောကမုနိမြေဘုံသာဂူဘုရား (၁၅၁၂/၈၂၅) ဖြစ်ပါတယ်။ ပုဂံခေတ်မှာ ဂူဘုရားနဲ့ စေတီကို တွဲပြီးတည်တဲ့အလေ့အထရှိပါတယ်။ တခေတ်ထည်း၊ တပြိုင်ထည်းတည်တာဖြစ်နိုင်တဲ့ မြေပေါက်စေတီတဆူကိုပါ လောကမုနိမြေဘုံသာ ဂူဘုရားနဲ့ ကပ်လျက်တွေ့နိုင်တယ်။ မှတ်သားစရာ ကတော့ အသစ်ဖြည့်မပြုပြင်ခင်တုန်းက လောကမုနိမြေဘုံသာဂူဘုရား ကွမ်းထောင်ရဲ့အထက်က အထွတ်စေတီနဲ့ မုခ်ပေါက်အထက်က စေတီငယ်တို့မှာ မူလပုဂံခေတ်လက်ရာ အတော်များများ ကျန်နေသေးတာကိုပါပဲ။ ပုဂံခေတ်ပေါ်တော်မူ ကြာဖူးပုံဘုရားက စေတီပုံမျိုးဖြစ်ကြောင်း တွေ့ရပါတယ်။

မြန်မာပုံဂူဘုရားပုံစံတွေထဲမှာ တထပ်ဂူဘုရား အငယ်စား၊ အလတ်စား နဲ့ နှစ်ထပ်ဂူတွေမှာလည်း အလတ်စားနဲ့ အကြီးစားတွေရှိပါတယ်။ အတွေ့ရအများဆုံး ပုံစံဆင်တူအုပ်စုတွေမှာ ထည့်သွင်း ထားပေမယ့် အသေးစိတ်တည်ဆောက်ပုံ လက်ရာတွေမှာ တဆူနဲ့တဆူ ချွတ်စွပ်တူတာမျိုးမရှိပါ။

မြန်မာပုံဂူဘုရားပုံစံတွေထဲမှာ တထပ်ဂူဘုရား၊ ကွမ်းထောင်ပေါက် အမျိုးအစားဖြစ်တဲ့ ရွှေဂူကြီး ဂူဘုရား (၁၅၈၉/၉ဝ၁-က)၊ သကျမုနိ (၁၄၇/၁၁၈)၊ လောကထိပ်ပန်း (၁၅၈ဝ/၈၉၂)၊ မြင်းကပါ ဂူပြောက်ငယ် (၁၃၉၁/၇၁ဝ)၊ စိမ်းညက်အမ (၁ဝ၈၅/၄၅၇)၊ သမ္ဗူလ (သုံးလူလ) (၄၈၂/၈၁)၊ သိမ္မစည်း ဂူဘုရား (၁၄၇၁/၇၈၄)။ မဟာဗောဓိပုံစံကွမ်းထောင်ပေါက် ဂူဘုရားအမျိုးအစားတွေမှာ ပါဝင်တာက ဝက်ကြီးအင်းဂူပြောက်ကြီး (၂၉၈/၁၉၇-က)၊ မဟာဗောဓိ (၁၆၇ဝ/၉၇၃)၊ သီရိပစ္စယာဂူပြောက်ဂူဘုရား (ဗိုလ်ချိုမိဂူဘုရား) (၉၉၅/၄၁၅-က)။ စေတီပေါက်အမျိုးအစားဖြစ်တဲ့ ကုန်းတော်ကြီး (၁၅၁/၁၂၂-က)၊ နန္ဒာမညာ (၅၇၇/၃ဝ၆-က) တို့ကို နမူနာအနေနဲ့ ပြရပါမယ်။ ကွမ်းထောင်နဲ့ စေတီပေါက်မဟုတ်ပဲ ထူပါပေါက် ဂူဘုရားတွေလည်း ရှိပါတယ်။

ရွှေဂူဒါယကာ အလောင်းစည်သူ (ပထမစည်သူ)မင်းကြီးရဲ့ ပါဠိဘာသာထိုး ကျောက်စာမှာ ပါတဲ့အတိုင်း မြေပြင်အထက်မှာ စုံ့စုံ့တက်လာတဲ့ သဏ္ဌန်ရှိတာကတော့ ရွှေဂူကြီးဂူဘုရားပါ။ လေးထောင့် အုတ်ခုံကြီးအပေါ်မှာ တည်ထားပါတယ်။ အဲဒီရွှေဂူကြီးဂူဘုရားအထဲမှာပဲ သားအရင်းဖြစ်တဲ့ နရသူရဲ့ လက်ချက်နဲ့ နတ်ရွာစံရှာတယ်လို့ ရာဇဝင်တွေမှာပါရှိတဲ့ ဂူဘုရားဖြစ်တာကြောင့်လည်း ပိုပြီးစိတ်ဝင်စားစရာ ကောင်းပါတယ်။

ဘုရင့်နောင်လက်ထက်မှာ ထိုးတဲ့ကျောက်စာကို ဂူဘုရားရှေ့ခန်းထဲမှာ တွေ့ရတယ်။ ကုန်းဘောင်ခေတ်နဲ့ အမရပူရခေတ်က လုပ်လေ့လုပ်ထရှိတဲ့ မူလလက်ရာကို ဖျက်ပစ်ပြီးပြုပြင်သလိုမျိုး ဘုရင့်နောင်ကမလုပ်ခဲ့ပဲ သေသေသပ်သပ်ပြုပြင်ထားတဲ့ ထောက်အထားတွေလည်း တွေ့ရဖူးတယ်။

ရွှေဂူကြီးဂူဘုရား (၁၅၈၉/၉ဝ၁-က)

အသစ်ဖြည့်စွက်မပြုပြင်ခင်တုန်းက ချောက်ဖလအရပ် သကျမုနိဂူဘုရား ကွမ်းထောင်ရဲ့ အထက်က အထွတ်စေတီမှာလည်း ပေါ်တော်မူကြာဖူးပုံဘုရားက အထွတ်စေတီပုံစံမျိုးဖြစ်တဲ့ မူလ ပုဂံခေတ်လက်ရာ အတော်များများ ကျန်နေသေးတာကို တွေ့ရပါမယ်။

သကျမုနိဂူဘုရား၊ ချောက်ဖလ (၁၄၇/၁၁၈)

ပုဂံခေတ် နံရံဆေးရေးပန်းချီကို လေ့လာသူတွေအတွက် မရောက်မဖြစ်တဲ့ ဂူဘုရားတဆူကတော့ လောကထိပ်ပန်း ဖြစ်ပါတယ်။ အထွတ်စေတီကို အသစ်မဖြည့်စွက်ခင်တုန်းက ဂူအထက်မှာ ကွမ်းထောင် အထိပဲကျန်ရှိပြီး ရှေးဟောင်းသုတေသနဌာနက ရှေးလက်ရာမပျက် ပြင်ထားတာတွေ ရှိခဲ့ဖူးတယ်။

လောကထိပ်ပန်း ဂူဘုရား (၁၅၈ဝ/၈၉၂)

ပုံစံထူးခြားပြီး ဗုဒ္ဓဂယာက မဟာဗောဓိစေတီကြီးရဲ့ပုံစံမျိုး ကွမ်းထောင်ရှိတဲ့ ဂူဘုရားတဆူကတော့ ဝက်ကြီးအင်းဂူပြောက်ကြီး ဖြစ်ပါတယ်။ အသစ်မဖြည့်စွက်ခင်က အထွတ်စေတီမရှိတော့ပဲ ကွမ်းထောင် အထက်က အရိုင်းပုံအဆင့်တခုပဲ ရှေးလက်ရာ ကျန်တယ်။ ပြတိုက်တွေအတွက် ရှေးဟောင်းပစ္စည်းကို အသည်းအသန်ရှာတဲ့ ဂျာမန်လူမျိုးတစုက ဖျက်ဆီးယူငင်သွားကြလို့ အကောင်းဆုံး ပုဂံခေတ်လက်ရာတွေ ထဲမှာပါတဲ့ နံရံဆေးရေးပန်းချီတွေ ပျက်စီးခဲ့ရတဲ့ ဂူဘုရားပါ။ အဲဒီဖျက်ဆီးတဲ့ သမိုင်းတရားခံတွေကို မောင်းထုတ်နိုင်ခဲ့လို့ ထပ်ပြီးမပျက်စီးအောင် တားဆီးနိုင်ခဲ့ပေမယ့် ပါသွားပြီးခဲ့တာတွေကိုတော့ ပြန်မရခဲ့ပါ။

ဝက်ကြီးအင်းဂူပြောက်ကြီး ဂူဘုရား၊ ဝက်ကြီးအင်း (၂၉၈/၁၉၇-က)

ပုဂံနယ်က နယ်ချဲ့တော်လှန်ရေးခေါင်းဆောင် ဗိုလ်ချို ကို အဲဒီဘုရားထဲမှာ ဖမ်းမိသွားလို့ ရပ်ရွာက ဗိုလ်ချိုမိဘုရားလို့ ခေါ်ကြတဲ့ သီရိပစ္စယာဂူပြောက်ဂူဘုရား၊ (၉၉၅/၄၁၅-က) ကလည်း မဟာဗောဓိပုံစံမျိုး ကွမ်းထောင်ရှိတဲ့ ဂူဘုရားတဆူပါ။

သီရိပစ္စယာဂူပြောက်ဂူဘုရား (ဗိုလ်ချိုမိဂူဘုရား) (၉၉၅/၄၁၅-က)

မဟာဗောဓိပုံစံမျိုး ကွမ်းထောင်ရှိတဲ့ ဂူဘုရားတဆူကတော့ မဟာဗောဓိဂူဘုရား (၁၆၇ဝ/၉၇၃) ဖြစ်ပါတယ်။ မူလပုဂံခေတ်လက်ရာ အထွတ်စေတီနဲ့ အရံစေတီငယ်တွေမရှိတော့ပဲ နောက်ခေတ်တွေကျမှ ထပ်ဖြည့်ထားတာကို တွေ့ရပါမယ်။ မူလတုန်းက ဗုဒ္ဓဂယာမှာရှိတဲ့ မဟာဗောဓိစေတီကြီးရဲ့ အထွတ်ပုံစံမျိုး ဖြစ်နိုင်စရာရှိပါတယ်။

ချောက်ဖလအရပ် ကုန်းတော်ကြီးဂူဘုရားမှာတော့ ဂူအထက်မှာ စေတီပေါက်ဖြစ်ပါတယ်။ အထက်ပိုင်းမှာ ထပ်ဖြည့်ဖို့မလိုလောက်အောင်ပဲ မူလပုဂံခေတ်လက်ရာ အပြည့်အစုံနီးပါး ကျန်ပါသေး တယ်။ ကုန်းတော်ကြီးဂူဘုရားနဲ့ခပ်ဆင်ဆင်တူတဲ့ မင်းနန်သူအရပ်က နန္ဒာမညာ (၅၇၇/၃ဝ၆-က) စေတီပေါက်ဂူဘုရားကလည်း ပုဂံခေတ် နံရံဆေးရေးပန်းချီတွေကြောင့် လူသိများတယ်။

ကုန်းတော်ကြီး ဂူဘုရား၊ ချောက်ဖလ (၁၅၁/၁၂၂-က)

ပန္နက်ပုံတွေကိုကြည့်မယ်ဆိုရင်၊ မြန်မာပုံဂူဘုရားပုံစံတွေမှာ အလင်းရောင်နဲ့ လေဝင်လေထွက်ကို အထူးအလေးပေးပြီး ဆောက်တည်ကြောင်း တွေ့ရပါမယ်။

ရွှေဂူကြီး

သကျမုနိ

လောကထိပ်ပန်း

ဝက်ကြီးအင်းဂူပြောက်ကြီး

သီရိပစ္စယာ ဂူပြောက်ဂူဘုရား (ဗိုလ်ချိုမိဂူဘုရား)

ကုန်းတော်ကြီး

ဘုရားသုံးဆူ

ပုံစံတူ ဂူဘုရားသုံးဆူကို တဆက်တည်းတွဲထားလို့ ဘုရားသုံးဆူ အမည်တွင်တဲ့ ဂူဘုရားတွေကို မင်းနန်သူရပ်မှာ တွေ့ရတယ်။ ထူးခြားတာကတော့ နံရံဆေးရေးပန်းချီတွေပါ။ ဂူဘုရားတွေရဲ့ မျက်နှာစာဖက်ကို မျက်နှာမူလိုက်တဲအခါ ညာဖက်စွန်က အဆူမှာ ပန်းချီအပြီးအစီး ဆွဲထားတယ်။ အလည်ကအဆူမှာ ကောက်ကြောင်းဆွထားတာကို တဝက်တပျက်ဆေးရောင်သွင်းထားပြီး၊ ဘယ်ဘက် အစွန်အဆူမှာတော့ ဘာမှဆွဲထားတာ မတွေ့ရပါ။ တစုံတရာအကြောင်းကြောင့် လက်စမသတ်နိုင်ခဲ့တဲ့ ပုံပါပဲ။ ပုဂံခေတ်နံရံဆေးရေးပန်းချီတွေကို ဘယ်လို အဆင့်ဆင့်ရေးဆွဲတယ်ဆိုတာ လေ့လာရလို့ အင်မတန် တန်ဖိုးရှိပါတယ်။

ဘုရားသုံးဆူ၊ မင်းနန်သူ (၄၆၆/၂၇၂) (၄၆၇/၂၇၃) (၄၆၈၂၇၄-က)

တထပ်ဂူဘုရားတွေထက်ပိုကြီးတဲ့ အလတ်စားနှစ်ထပ်ဂူဘုရားတွေကို နမူနာအနေနဲ့ပြရရင် နွားပြဂူ(နွားများသင်္ခယာ) (၁၄၉၈/၈၁၁)၊ မီးငြိမ်းကုန်းဂူဘုရား (၁၄၉၉/၈၁၂)၊ တရုတ်ပြေးဂူဘုရား (၅၃၄/၂၉၅-က)၊ သပိတ်မှောက်ဂူဘုရား (၇၄၄/၃၆၃-က)၊ သစ္စဝတီဂူဘုရား (၉၁၈/၄ဝ၅-က)၊ လောကမှန်ကင်း-ရွာဟောင်းကြီး ဂူဘုရား (၁၇၉၁/၁ဝ၉၂-က)၊ တောင်ဂူနီ (၇၆၅/၃၆၄-ဒ)၊ မြောက်ဂူနီ (၇၆၆/၃၆၄-ဓ)၊ နဲ့ ကျဆင်းဂူ ဂူဘုရား (၁၂၁၉/၅၅၅) တွေကို ထည့်သွင်းရပါမယ်။

တောင်ဂူနီဂူဘုရား (၇၆၅/၃၆၄-ဒ)၊ မြောက်ဂူနီဂူဘုရား (၇၆၆/၃၆၄-ဓ)

ကျဆင်းဂူ ဂူဘုရား (တြေလောကလုဝေါးဗိုလ်) (၁၂၁၉/၅၅၅)

အတွေ့ရနည်းတဲ့ ခြေတွဲလဲချထိုင်ပုံ (ပါလိလေယျကာသန/ပလမ္ဗပါဒါသန) နဲ့ ဗုဒ္ဓဆင်းတုတော်တွေကို ကျဆင်းဂူဂူဘုရားမှာ တွေ့ရပါတယ်။ နောက်ထပ်ထူးခြားချက်တခုကတော့ နှစ်ထပ်ဂူဘုရားတွေမှာ တွေ့ရလေ့မရှိတဲ့ မွန်ဘာသာကမ္ပည်းတွေကို အောက်ထပ်ဂူနံရံအပေါ်ပိုင်းမှာ တွေ့ရပါတယ်။ အရေးကြီးတဲ့တချက်ကတော့ မူလပထမတည်ခဲ့သူ၊ အပြီးဆက်တည်တဲ့သူ၊ ကောင်းမှုရှင် နာမည်တွေ၊ စတည်တဲ့ခုနှစ်၊ ပြီးစီးတဲ့ခုနှစ်နဲ့ ဘုရားဘွဲ့တော်ပါ တိတိကျကျ မင်စာမှတ်တမ်းတွေကို တွေ့ရတာပါပဲ။

ကျဆင်းဂူဂူဘုရား (၁၂၁၉/၅၅၅) ရဲ့ဖြတ်ပိုင်းပုံကိုကြည့်ရင် နှစ်ထပ်ဂူဘုရားတွေမှာ အမိုးခုံးနဲ့ နံရံတွေကို ဘယ်လိုဆောက်တည်တယ်ဆိုတာ တွေ့နိုင်ပါတယ်။ တည်ဆောက်ပုံ ထူးခြားချက်အနေနဲ့က တော့ တခြားနှစ်ထပ်ဂူဘုရားတွေမှာ ရှိကောင်းရှိနိုင်ပေမယ့် မမြင်သာတဲ့ ပထမထပ်နဲ့ ဒုတိယထပ် နှစ်ခု အကြား လိုဏ်ပတ်လမ်းကျယ်တခုရှိနေတာပါ။

ကျဆင်းဂူ ဂူဘုရား

ငါးမျက်နှာဂူဘုရားတွေလည်း ရှိပါတယ်။ မုခ်ငါးခုရှိပြီး ရှေ့မုခ်အာရုံခံမပါပဲ အလည်မဏ္ဍိုင်မှာ ဗုဒ္ဓဆင်းတုတော်တွေထားပါတယ်။ စေတီပေါက်၊ ထူပါပေါက်အမျိုးမျိုးရှိပြီး အထက်ပိုင်းတည်ဆောက်ပုံမှာ တော့ တထပ်ဂူဘုရားတွေနဲ့ အတူတူပါပဲ။ ငါးမျက်နှာဂူဘုရား (၆ဝ၇/၃၁၄-က)၊ အ်ိမ်ရာကျောင်းဂူဘုရား (၁၈၃၁/၁၁၂၉) နဲ့ အရှေ့ဇံသီး-ငါးမျက်နှာ (ထောက်လှော်ကား) (၅၅၈/၃၁ဝ-က) ဂူဘုရားတွေက မုခ်ငါးခုနဲ့ ဂူဘုရားတွေထဲမှာ ပါဝင်ပါတယ်။

အရှေ့ဇံသီး-ငါးမျက်နှာ (ထောက်လှော်ကား)

ငါးမျက်နှာဂူဘုရားတဆူရဲ့ပန္နက်ပုံ

နှစ်ထပ်ဂူဘုရားအမျိုးအစားမှာပါဝင်တဲ့ အကြီးဆုံးဂူဘုရားတွေမှာ သဗ္ဗညုဂူဘုရားကြီး (၁၅၉၇/၉ဝ၆-က)၊ ကန်တော့်ပလ္လင် (ဂေါ်တော့ပလ္လင်)ဂူဘုရား (၁၆၂၂ /၉၃ဝ-က)၊ စူဠာမဏိဂူဘုရား (၇၄၈ ၃၆၄-က) နဲ့ ထီးလိုမင်းလိုဂူဘုရား (၁၈၁၂/ ၁၁၁ဝ) တို့ ပါဝင်ပါတယ်။

သဗ္ဗညုဂူဘုရားကြီး (၁၅၉၇/၉ဝ၆-က)

ကန်တော့်ပလ္လင်ဂူဘုရား (၁၆၂၂ ၉၃ဝ-က)

စူဠာမဏိဂူဘုရား (၇၄၈/၃၆၄-က)

ထီးလိုမင်းလို ဂူဘုရား (၁၈၁၂/၁၁၁ဝ)

နှစ်ထပ်ဂူဘုရားကြီးတွေမှာ အပေါ်ထပ်က အလေးချိန်ကိုထမ်းထားနိုင်ဖို့ အလည်မဏ္ဍိုင်ကို အခိုင်အခံ့ ဆောက်တည်ထားကြောင်း ပန္နက်ပုံတွေအရ သိနိုင်ပါတယ်။ အပေါ်ထပ်က အတွင်းပိုင်း နံရံတွေမှာလည်း အလေးချိန်ကိုလျှော့ဖို့ ရည်ရွယ်တာဖြစ်နိုင်တဲ့ ကွယ်ဝှက်လိုဏ်ပတ်လမ်းတွေရှိကြောင်း ၁၉၇၅ ပုဂံငလျင်ကြောင့် ပျက်စီးတုန်းက တွေ့ရပါတယ်။ သဗ္ဗညုဂူဘုရားကြီးမှာ အပေါ်ထပ်က အလေးချိန်ကို အတွင်းက ခုံးတွေနဲ့ပါ အင်အားဖြည့်ပြီး ထိန်းထားပါတယ်။

သဗ္ဗညု

စူဠာမဏိ

ထီးလိုမင်းလို

ရာစုနှစ်ပေါင်းများစွာ ကြာမြင့်တဲ့တိုင်အောင် တည်တံ့ခိုင်မြဲနေဆဲ ရင်သပ်ရှုမောစရာ အဆောက်အဦတွေနဲ့ အနုပညာလက်ရာတွေကို တည်ဆောက်ကြရာမှာ ခေတ်ဦး၊ ခေတ်လည်၊ ခေတ်နှောင်းက ပုဂံသားပညာရှင်ပေါင်းစုံ ညီညီညွတ်ညွတ် စုပေါင်းပါဝင်တည်ဆောက်ခဲ့ကြကြောင်း ရှေးဟောင်းပုဂံဘုရားတွေက သက်သေပြနေသလိုပါပဲ။

ပုဂံသားတွေမှာ ဓားကိုင်ခဲ့ရတဲ့အခါလည်းရှိခဲ့တယ်။ စုတ်တံ၊ ကညစ်၊ စူး၊ ဆောက်နဲ့ ပန်းရံပစ္စည်းတွေကို ကိုင်ရတာလည်းရှိခဲ့တယ်။ ဘုရားဝတ်ပြုတော့လည်း ပန်းခိုင်ကိုကိုင်ခဲ့ကြပေမယ်။

“ပုဂံသားတို့
ဆောင်ဓားတဖက်၊ ပန်းတဖက်ဖြင့်

နှစ်သက်ဖွယ်ရာ၊ ဆင်မြန်းလာသော

အလင်္ကကာပင်စည်၊ တို့တိုင်းပြည်ကား

အရည်အသွေး မမွန်လော။”


တင်မိုး

အောက်တိုဘာ၊ ၁၉၈၃


အထူးကျေးဇူးတင်စွာနဲ့ ကိုးကားခြင်း

(၁) ပုဂံမင်စာစုသုတေသနလုပ်ငန်း အစီရင်ခံစာ (ဗိုလ်မှူး ဘရှင်)၊ ၁၉၆၄
(၂) ပုဂံသွားမှတ်တမ်း (ရွှေကိုင်းသား)၊ မေလ၊ ၂ဝဝ၈
(၃) တနေ့တလံ ပုဂံဘယ်ပြေးမလဲ (ဒေါက်တာသန်းထွန်း)၊ သြဂုတ်လ၊ ၂ဝဝ၆
(၄) ပုဂံခရီးသည် (ပါရဂူ)၊ ဒု အကြိမ်၊ စက်တင်ဘာလ၊ ၂ဝဝ၈
(၅) ပုဂံ (စုပေါင်း)၊ ဧပြီ၊ ၁၉၉၉
(၆) ပုဂံရှေးဟောင်းသုတေသနလမ်းညွှန် (ဦးဗိုကေ)၊ ၁၉၈၁
(၇) သမိုင်းဝင် ပုဂံစေတီပုထိုးများ (ဦးသန်းဆွေ)၊ ၁၉၇၅
(၈) ပုဂံခေတ်ဗိသုကာလက်ရာများ (မင်းဘူးအောင်ကြိုင်)၊ ၁၉၈၅
(၉) Pictorial Guide To Pagan: 1971
(၁ဝ) Pagan: Art and Architecture of old Burma by Paul Strachan: 1996
(၁၁) Burma Art and Archaeology by Alexandra Green and T. Richard Blurto: 2002