Mahar Swe’s article

ဆရာကြီးမဟာဆွေ နှစ် ၁၁၀ ပြည့်အထိမ်းအမှတ် ပြန်လည်ဆန်းသစ်ခြင်း

ကျွန်စိတ်ကို ဖျောက်ကြလော့
နေသူရိန်
သြဂုတ် ၂၊ ၂၀၁၀

ဆရာကြီးမဟာဆွေသည် အမျိုးသားလွတ်မြောက်ရေး၊ နယ်ချဲ့ဆန့်ကျင်ရေး၊ အမျိုးသားလွတ်လပ်ရေးတို့ အတွက် လှုံ့ဆော်သည့်စာပေများနှင့် ဇာတိသွေးဇာတိမာန်စာပေတို့ကို အမြောက်အမြား ရေးသားဖွဲ့ဆိုခဲ့သည့် မျိုးချစ် စာဆိုတော်ကြီးတဦးအဖြစ် မြန်မာစာပေလောကတွင် ထင်ရှားသည်။ ၁၉၀၀ ပြည့်နှစ် သြဂုတ်လ ၂ ရက်နေ့တွင် စစ်ကိုင်းမြို့၌မွေးဖွားခဲ့ရာ ယနေ့ဤရက်ဤအခါတွင် ဆရာကြီးမဟာဆွေ၏ အနှစ် ၁၁၀ မြောက် မွေးနေ့တိုင်ခဲ့ပြီ ဖြစ်ပေသည်။ ဆရာကြီးသည် စစ်ပြင်(ကြို)ခေတ်၊ စစ်ပြီးခေတ်တို့မှာပင်၌ မျိုးချစ်စာဆိုကြီးအဖြစ် ထင်ရှားလာခဲ့ပေရာ မင်းမျိုးမင်းနွယ်မှဆင်းသက်လာခဲ့သဖြင့် “မဟာဆွေ” ဟူသော ကလောင်အမည်ကို ခံယူခဲ့ကြောင်း သိရသည်။ ဆရာကြီး မဟာဆွေသည် စာရေးအဖြစ် အသက်မွေးဝမ်းကျောင်းပြုခဲ့သော်လည်း သူရိယ သတင်းစာ၊ ရဲသတင်းစာတို့တွင်လည်း အယ်ဒီတာအဖြစ် ဆောင်ရွက်ခဲ့သည်။

ဆရာကြီးရေးဖွဲ့ခဲ့သောဝတ္ထုများတွင် အမျိုးသားလွတ်မြောက်ရေးလှုံဆော်ချက်များ၊ ရာဇဝင်နောက်ခံများ ပါဝင်သည့် “သူပုန်ကြီး”၊ “ဈေးချိုသူ”၊ “မယ်တို့ပြည်”၊ “မောင်တို့ပြည်” ၊ “ဒို့မေမေ”၊ “စစ်ထွက်သူ” စသည့် ဝတ္ထုတို့မှာ ထင်ရှားသည်။

ဆရာကြီးသည် ၁၉၅၃ ခု၊ သြဂုတ်လ ၅ ရက်နေ့တွင် ကွယ်လွန်ခဲ့သည်။ ယနေ့ခေတ် စံပယ်ဖြူမဂ္ဂဇင်း၏ နာယက စာရေးဆရာမကြီး (ဒေါ်)ခင်ဆွေဦးမှာ ဆရာကြီး၏သမီးဖြစ်သည်။

ဆရာကြီး၏ အနှစ် ၁၁၀ မြောက်မွေးနေ့အထိမ်းအမှတ်အဖြစ် လွန်ခဲ့သောနှစ်ပေါင်း ၆၀ ကျော်က ကြီးပွားရေး မဂ္ဂဇင်းတွင် နေသူရိန် ကလောင်အမည်ဖြင့်ရေးသားခဲ့သည့် “ကျွန်စိတ်ကိုဖျောက်ကြလော့” ဟူသော ဆောင်းပါးကို စာဖတ်သူများ လေ့လာနိုင်ရန် တင်ပြအပ်ပါသည်။ ဖတ်ရှုကြပါကုန်။

ပေးပို့သူ - ခင်လွန်း
ခေတ္တ နို့ဖိုးဒုက္ခသည်စခန်း
ထိုင်းနိုင်ငံ။

ကျွန်စိတ်ကိုဖျောက်ကြလော့

ကြီးပွားရေးမဂ္ဂဇင်း၊ အတွဲ-၄၊ အမှတ်-၆၊ မတ်လ၊ ၁၉၃၆ ခု။

“မိတ်ဆွေ … မြန်မာနိုင်ငံကြီး လွတ်လပ်ကောင်းစားချင်သလား” ဟုမေးလျှင် “ဟုတ်ပါတယ်” ဟု ဖြေဆိုပေလိမ့်မည်။ သို့ဖြစ်လျှင် “ကျွန်စိတ်ကို ဖျောက်၊ ကျွန်နံ့ကို ခဝါချ၊ ကျွန်ဘဝကို အသေသတ်လိုက်” ဟု တိုက်တွန်းလို၏။ ထိုသို့ဆိုရာ၌ “ကျွန်စိတ်” ဟူသောအဓိပ္ပာယ်ကို အနည်းငယ်ရှင်းလို၏။ ကျွန်စိတ်ဆိုသည်မှာ အစိုးရ လခစား၊ သူဌေးသူကြွယ်တို့၏ လခစားလုပ်ကိုင်နေသူများကို ဆိုလိုသည်မဟုတ်။ ဘာမဆို သူများ အောက်ကျ နောက်ကျခံပြီးလျှင် မှားမှားမှန်မှန် အမြီးကုတ်ကာ နားရွက်မလှုပ်ဝံ့ဘဲ ခေါင်းငုံ့ခံသော စိတ်မျိုးကိုဆိုလို၏။ ရှေးအခါက ငွေဝယ်ကျွန်များမှာ သခင်ခိုင်းစေရာ လုပ်ရ၏။ သခင်ထားရာက နေရ၏။ မှားမှားမှန်မှန် ဘာမျှမပြောဝံ့။ ပြောလျှင် နားရင်းတီးခံရမည်။ ပါး အချခံရမည်။ ခြေနှင့် အကန်ခံရမည် မလွဲတည်း။ ဤကဲ့သို့ မှားမှားမှန်မှန် ဘာမျှမပြောဝံ့၊ မဆိုဝံ့၊ မလုပ်ဝံ့၊ ဆိုင်ရာသခင်ကြီးများအလိုအတိုင်း လုပ်ကိုင်နေထိုင်သော လူမျိုးကိုသာလျှင် “ကျွန် စိတ်ရှိသောလူမျိုး” ဟု ကျွန်ုပ်တို့ ယူဆရေးသားခြင်းဖြစ်ပါ၏။

ဤကဲ့သို့ ကျွန်စိတ်အစွဲနာခြင်းသည် လောက၌ အဆိုးရွားဆုံးဖြစ်၍ မိမိ၏ပင်ကိုယ်စိတ်သည် အထွတ်အထိပ်သို့ ရောက်နိုင်ပါလျက် လွတ်မြောက်အောင်မကြံ၊ သခင်ကြီးလက်အောက်ခံ တန်ခိုးကြီးသော ကျွန်အကြီးစားမျိုးနှင့်သာ နေလိုကြ၏။ ရှေးအခါက မေဏ္ဍက သူဌေးအလောင်းသည် သူကြွယ်မျိုး၌ဖြစ်ရာ ငတ်မွတ်ခေါင်းပါးကြစဉ် အစားအသောက် အလွန်ချွေတာသုံးစွဲနေရာက ပစ္စေကဗုဒ္ဓါအား ဆွမ်းကပ်လှူ၏။ ဆုအမျိုးမျိုး တောင်း၏။ ထိုသူကြွယ်၏အိမ်၌ ကျွန်တယောက်သည်လည်း ကုသိုလ်ပြုရာ၌ပါဝင်သူတဦးဖြစ်သဖြင့် အကယ်၍ “ဘုရားတပည့်တော်သည် ဤကုသိုလ်ကောင်းမှုကြောင့် ဘဝဆက်တိုင်းသူ့ကျွန်မဖြစ်ရဘဲ လွတ်လပ်ချမ်းသာ ကြွယ်ဝသော သူတဦးဖြစ်ရပါစေသား” ဟု တောင်းလျှင် ရမည်သာတည်း။ သို့ရာတွင် ကျွန် စိတ်အစွဲနာသောကျွန်မှာ “ဘုရားတပည့်တော်သည် ဤကောင်းမှုကြောင့် ဖြစ်လေရာဘဝမှာ ဤသခင်၏အိမ်၌ ကျွန်အကြီးစားဖြစ်၍ လယ်ထွန်သောအခါ ထွန်သွားများတကြောင်းထွန်လျှင် အကြောင်းများစွာကွဲ၍ ခဏချင်း ပြီးနိုင်သူဖြစ်ရပါ၏” ဟု ဆုတောင်း၏။ ဤကဲ့သို့ ကျွန်မျိုးကို ကြားသိရသူတို့မှာ ရယ်ချင်ကြပေလိမ့်မည်။ သို့ရာတွင် ထိုရယ်ကြသူ များအနက် ကျွန်စိတ်၊ ကျွန်နံ့ နံသူများ ဘယ်နှစ်ဦးပါလေမည်ကို စဉ်းစားကြစေချင်၏။ ကျွန်ုပ်တို့သည် ကျွန် စိတ်မပျောက်သ၍ လွတ်လပ်ခွင့် ဘယ်အခါမျှမရ။ နိုင်ငံဘယ်အခါမျှ မကောင်းစားနိုင်ဟု တထစ်ချ ယုံကြည်ရမည်။ ကျွန်ုပ်စိတ်ကို အမြဲဖျောက်ဖျက်ရမည်။

တဖန်အစိုးရလခစားများကို ကျွန်စိတ်အဘယ်နည်းနှင့်ဖျောက်ဖျက်မည်နည်းဟု သိလိုကြပေလိမ့်မည်။ ကျွန်ုပ် အယူအဆအားဖြင့် တစုံတရာ အခကြေးငွေကိုယူ၍ မိမိတတ်ကျွမ်းသောပညာဖြင့် စာရေး၊ စာချီ၊ မြို့အုပ်၊ ဝန်ထောက် လုပ်ရုံမျှလုပ်ကိုင်နေသူတို့ကို ကျွန်ဟု မဆိုချင်သေး။ မည်သူမဆို မိမိတတ်ကျွမ်းသောပညာဖြင့် မိမိဆိုင်ရာ အလုပ်ကို လုပ်ရစမြဲပင်။ အချိန်ကန့်သတ်ခြင်း၊ တာဝန်ရှိခြင်းတုိ့ကြောင့် ကျွန်ဟုဆိုခြင်းကိုလည်း သဘောမတူချေ။ သို့ရာတွင် မိမိ၌ သိနားလည်သောစည်းကမ်းနည်းလမ်းမှလွဲဖယ်၍ တိုက်ရိုက်ဖြစ်စေ၊ သွယ်ဝိုက်၍ဖြစ်စေ၊ ခိုင်းစေသောအခါ “ငါ ဒါကို မလိုက်နာရင် ငါ့ထမင်းအိုးတော့ ကွဲတော့မှာပဲ။ မှားတာမှန်တာ အပထား လုပ်မှပဲ” ဟု ဇွတ်မှိတ်လုပ်ကိုင်သောလူမျိုးသာ ရှေးက ငွေဝယ်ကျွန်နှင့်တစ်စားတည်းဖြစ်သောကြောင့် ကျွန်စိတ်ဟု ဆိုလိုခြင်းဖြစ်၏။ ဤနေရာ၌ ကျွန်နှင့်အစေခံ၏ အဓိပ္ပာယ်ကို သတိပြုပါ။

ယခုအခါ၌ အစိုးရလခစားထဲမှ တိုင်းပြည်အကျိုးရှိရာရှိကြောင်းတွင် အစိုးရက ဥပဒေတစုံတရာ တားမြစ်ခြင်း မရှိဘဲ လုပ်ကိုင်နိုင်သော လုပ်ငန်းပေါင်းများစွာ ရှိ၏။ ဥပမာ လူငယ်များကြီးပွားရေးအသင်း၊ နိုင်ငံကာကွယ်ရေး ရဲတပ်ကိစ္စ၊ စာကြည့်ပိဋကတ်တိုက်၊ ကျေးလက်ပြုပြင်ရေး စသည်ဖြင့် များပြားလှစွာ၏။ ထိုသို့လခစားထဲမှအချို့မှာ ဝါသနာပါ၏။ သို့ရာတွင် “ငါ ဒီလိုလုပ်လိုက်ရင် ငါ့ကို အထက်လူကြီး ငြိုငြင်လေမလား၊ ဒီနည်းနဲ့ မလုပ်နိုင်ပေမယ့် အခြားနည်းနဲ့ ညှဉ်းဆဲခြင်းခံရလေမလား” ဟူသော စိတ်ညံ့များဝင်လာသဖြင့် ဘာမျှမလုပ်ရဲတော့ပေ။ ထိုထို ကောင်းရာကောင်းကြောင်း လုပ်ကိုင်နေသောသူများအား မတရားအနှောင့်အယှက် ပေးလေ့ရှိသော ပုလိပ်များမှာမူ ဆိုဖွယ်မရှိပေ။ ၎င်းတို့ဆိုင်ရာ သခင်ကြီးများ မျက်နှာရစေခြင်းငှာ အလွန်ရင့်သန်သော ကျွန်စိတ်ဖြင့် ပြုလုပ်ခြင်းမျှသာဖြစ်သောကြောင့် စာရင်းသွင်းရန် ပင်လိုတော့မည် မဟုတ်ချေ။

ရုံးပြာတာက စာရေးကိုကြောက်ရ၊ စာရေးက မြို့အုပ်ကိုကြောက်ရ၊ မြို့အုပ်က ဝန်ထောက်၊ ဝန်ထောက်က အရေးပိုင်၊ အရေးပိုင်က မင်းကြီး စသည်ဖြင့် အသီးသီးကြောက်နေရ၍ တဦးမျက်နှာကဲ တဦးကြည့်ကာ တဦးအလိုတဦး လိုက်၍လုပ်ကိုင်နေကြရသော ကျွန်ုပ်တို့မြန်မာပြည်၏အခြေအနေသည် အဘယ်များမှ လွတ်လပ်သောစိတ်များ ပေါ်ပေါက်ပါမည်နည်း။ အလုပ်တိုက်ကြီးများ၊ ဒေသန္တရအဖွဲ့များတွင်လည်း ထိုနည်းအတူ ကြီးနိုင်ငယ်ညှဉ်းဆဲဖြစ်၍ နေကြ၏။ လက်အောက်ငယ်သားတို့မှာလည်း ခေါင်းမထောင်ဝံ့ကြချေ။ ပုလိပ်ဘက်တွင်ကား ဆိုဖွယ်မရှိ။ ကျွန်ုပ်ဆိုလိုရင်း မှာ “စည်းကမ်းထက်လွန်၍ နိုင်ချင်စိတ်နှင့် မတရားစီမံခန့်ခွဲသမျှ ခေါင်းငုံ့မခံ၊ ယခုငတ်သေပေ့စေ” ဟူသော ခေါင်းမာသည့် စိတ်မျိုးထားကြမှ ကျွန်စိတ်ပျောက်မည်ဖြစ်ပါသတည်း။

ကျွန်ဝယ်ရာ အဆစ်ပါသကဲ့သို့ လွတ်လပ်သောအရပ်သား၊ ကုန်သည် စသည်တို့တွင်လည်း အစိုးရ အစေခံ၊ မြို့အုပ်၊ ဝန်ထောက် စသည်တို့ကို “ဘုရားပါဘုရား” ထူးလျက် ကျွန်မျက်နှာကလေးနှင့် ပြုမူ၍နေလေ့ရှိကြ၏။ ထိုစိတ်မျိုး သည် အခြားမဟုတ်။ တန်ခိုးအာဏာရှိသူတဦးနှင့်သင့်လျှင် ဘယ်လို၊ မသင့်လျှင် ဘယ့်နှယ် စသည်ဖြင့် သွေးကြောင်ခြင်း ကျွန်စိတ်အစွဲလွန်ခြင်းတို့ကြောင့် မျက်နှာပျားရည်သုတ်ကြခြင်း ဖြစ်တော့၏။ သာမန်စဉ်းစားသော် အရေးမကြီးဟု ထင်ရသော်လည်း ထိုကိစ္စမှာ လွတ်လပ်စွာ ကူးသန်းရောင်းဝယ်နေထိုင်ကြသော လူများအတွက် အထူးရှက်ဖွယ်ကောင်း၍ သတ္တိနည်းရာ၊ နားမလည်ရာသို့ ကျရောက်နေတော့၏။ သာ၍ ရယ်စရာကောင်းခြင်းကား လွတ်လပ်ရေးကို အော်ဟစ်နေကြသော သတင်းစာတိုက်မှ သတင်းထောက်များဖြစ်၏။ ၎င်းတို့သတင်းစာတွင် မင်းပြောင်းမင်းလွှဲဟု ခေါင်းတပ်လျက် ဘာမဟုတ်သော မြို့အုပ်၊ ဝန်ထောက်၊ အရေးပိုင်လောက်နယ်ပြောင်းသည်ကို တဆိတ် တအိတ်ချဲ့ထွင် ရေးသားကြခြင်းဖြစ်၏။ အစိုးရအမှုထမ်းမှန်သမျှ ပြောင်းရွှေ့ရမည်ဓမ္မတာ။ သို့ရာတွင် သတင်းထောက်မှာ မိမိနေသော မြို့ရွာဆိုင်ရာ အရာရှိများထံတွင် မျက်နှာလိုခြင်း၊ ဒီအရာရှိတွေနှင့်မသင့်လျှင် ငါ့မှာဘယ်လိုဟု ကျွန်စိတ်နှင့် တွေးလန့်ခြင်းတို့ကြောင့် ပြုမူခြင်းဖြစ်ကြ၏။ ဤကဲ့သို့ လွတ်လပ်စွာနေသူများကလည်း လွတ်လပ်စွာနေသူများကလည်း ကျွန်စိတ်မွေး၍ တဦးအပေါ်တဦး တန်ခိုးကြီးရာ နိုင်နင်းရာတွင် အောက်ကျခံခြင်း စသော စိတ်တို့သည် တနေ့တခြား ရင့်သန်လာခဲ့သော် ထိုလူမျိုးများမှပေါက်ဖွားလာသော သားပေါက်ကလေးတွေလက်ထက်တွင် တိုင်းပြည် မည်ကဲ့သို့ ကောင်းစားနိုင်တော့မည်နည်း။

အချုပ်ဖော်ပြခဲ့သည့်အတိုင်း ကျွန်စိတ်မရှိသောလူများ မြန်မာပြည်တွင်မရှိမဟုတ် ရှိသည်သာတည်း။ ထိုလူမျိုးမှာ တဦးတလေသာဖြစ်သောကြောင့် မိမိဆိုင်ရာတွင် ကြီးပွားသင့်သလောက် မကြီးပွားတော့ဘဲ အများကလည်း “ဒီ့အကောင့်ကိုက တယ်ခေါင်းမာတာပဲ၊ ဘယ်ရမလဲ၊ သူ့အလုပ်လုပ်ရင် သူ့စကား နားထောင်ရမှာပေါ့။ သူ့ကို ရိုသေရမှာပေါ့၊ လူအောက်ဝင်လို့ လူပိမသေပါဘူး” စသော ကျွန်စိတ်၊ ကျွန်စကားတို့ဖြင့် ကဲ့ရဲ့ခံရ သေး၏။ သို့ရာတွင် ကျွန်စိတ်ဖျောက်လိုသောမိတ်ဆွေတို့မှာ အများကိုဂရုမစိုက်ဘဲ မှန်သည်ထင်က အသက်သေသည့်တိုင်အောင် လုပ်ရဲသော စိတ်ကိုမွေးမြူ၍ လုပ်ကိုင်ကြရန် တိုက်တွန်းလိုက်ပါ၏။

ကျွန်ုပ်တို့တိုင်းပြည်တွင် တဦးကိုတဦး အချင်းချင်း အထက်ဖော်ပြပါအတိုင်း ကျွန်စိတ်နှင့် အသုံးတော်ခံ၍ နေလေ့ရှိကြရာ တကယ် သခင်လည်းဖြစ်၊ သခင်စိတ်နှင့်လည်း အုပ်စိုးနေသော လူမျိုးခြားလက်အောက်က ရုန်းထွက်ဖို့ အထူးခက်ခဲ၍ နေပေတော့သည်။ ကျွန်ုပ်တို့နိုင်ငံက မလွတ်လပ်ခြင်းမှာ အဘယ်ကြောင့်ဖြစ်တော့သည်ဟု အတတ်ဆိုရ ချေတော့မည်။ ငွေဝယ်ကျွန်သည် သခင်ကိုမော့မကြည့်ဝံ့။ ဆင်မည်းသည် ဆင်ဖြူနှင့် မျက်နှာချင်း မဆိုင်ဝံ့။ တော်လှန်ရန် မည်သို့တတ်နိုင်မည်နည်း။ ဤကဲ့သို့အမျိုးနှင့်ချီ၍ ကျွန်စိတ်အစွဲနာသူတွေ ပေါများသောကြောင့်လည်း ကျွန်ုပ်တို့လူမျိုးအား မည်သူမျှ လေးစားရှိသေခြင်း မရှိကြတော့ချေ။ နောက်ဆုံး၌ အုပ်ချုပ်ရေးအသစ် ဝန်ကြီးချုပ်ရာထူးတည်းဟူသော ပျားရည်နှင့်ဝမ်းချခြင်းကိုပင် ကောင်စီဝင်နွှဲသော မသာပွဲဖြင့် နိုင်ငံရေးဇာတ်ကြီးကို ခင်း၍နေကြတော့၏။ ထိုသို့ဖြစ်ရသည်မှာလည်း ငါတို့လူမျိုးသည် မဟန်သေး။ အခြား ဘာမှမတတ်နိုင်သေး။ ဒါမှမဟုတ်လျှင် ဒီပြင့် ဘာမှမတတ်နိုင်သေး စသော ကျွန်စိတ်၊ ကြောက်စိတ် စသည်တို့ကြောင့် ရမိရရာကို မျက်နှာပြောင်တိုက်၍ ဆွဲယူကြခြင်း ဖြစ်တော့၏။ တနည်းအားဖြင့်ဆိုရလျှင် ဘုရားတပည့်တော်သည် ဤသခင်ကြီးများအိမ်၌ ကျွန်အကြီးစားဘဝနှင့် နေရပါလို၏ ဟူသော ဆုတောင်းမျိုးနှင့် တူ၍ နေပေတော့၏။

အမျိုးနှင့်ချီ၍ ကျွန်စိတ်အစွဲနာနေကြပြီဟု ကျွန်ုပ်ဆိုခဲ့ရာ ထိုအဆိုမှန်ကြောင်းကိုလည်း သက်သေပြလို၏။ ကျွန်စိတ်မရှိသူသည် နည်းလမ်းမကျသည်ကို မခံ။ တနည်းနည်းနှင့် ပြုပြင်နိုင်အောင် ကြိုးစားစမြဲပင်။ ယခု ကျွန်ုပ်တို့ တိုင်းပြည်သည် မြန်မာတိုင်းပြည်၊ မြန်မာလူမျိုး၊ မြန်မာလူမျိုးကို အုပ်ချုပ်နေသော ဥပဒေသည် မြန်မာ လူမျိုးတို့နှင့်ညှိနှိုင်း၍ မြန်မာလူမျိုးသဘောကျပြုလုပ်ထားသော ဥပဒေမဟုတ်။ မြန်မာလူမျိုးတို့ကိုယ်တိုင် ပေးရသောအခွန်ငွေသည် မြန်မာလူမျိုး တော့ သဘောကျ သုံးစွဲခွင့်မရှိ။ နောက်ဆုံးအဓိကအချက်ဖြစ်သော မြန်မာ လူမျိုးတို့တိုင်းပြည်သည် မြန်မာလူမျိုးတို့သာ စိုးပိုင်ချိယ်လှယ်နိုင်ဖို့ သင့်၏။ ယခုဖော်ပြရာပါ အရေးကြီးသော အချက်သုံးချက်လုံးပင် လွတ်ထွက်နေ၏။ မြန်မာလူမျိုး ကျွန်စိတ်နာနေ၍ မဟုတ်လော။

အကယ်၍ ကျွန်စိတ်မနာလို့ဆောင်ရွက်ရင် ဘယ်နှယ့် ဆောင်ရွက်မလဲ။ အီဂျစ်ပြည်၊ အိုင်ယာလန်ပြည်၊ ဖိလစ်ပိုင်ကျွန်း စသည်တို့မှာ မနေ့တနေ့ကပင် လွတ်လပ်ခွင့်ကို ယူလိုက်သည်မဟုတ်ပါလော။ လွတ်လပ်ရေး ဆောင်ရွက်ရန် နည်းလမ်းကား မရှား။ ကျွန်စိတ်ကိုပျောက်ပျက်အောင် ဖျောက်ဖျက်ရန်သာလျှင် အရေးကြီးပေ သည်။ လွတ်လပ်ရေးကိုရရှိသောနိုင်ငံများမှာ ကျွန်စိတ်ကမမွေး။ လွတ်လပ်စိတ်၊ မှန်ကန်စိတ်၊ ရဲရင့်စိတ်တွေ မွေး၍ ညီညီညွတ်ညွတ်ဆောင်ရွက်ကြသောကြောင့် အတန်းမြင့်သောလွတ်လပ်ခွင့်ရကြသည်ဟု ဆိုလိုပါ၏။

ကျွန်ုပ်တို့နိုင်ငံ၌ကား ဥရောပတိုက်သားများက ဘောင်းဘီဝတ်သော ကုလားကပြား စသည်တို့ကို ဘုရား ထင်ခြင်း၊ အချင်းချင်း ကျွန်စိတ်မွေးကြခြင်းများကို ရှေးဦးစွာ ပြင်ပြီးနောက် တကယ့်တကယ်အရေးကြီးသော ကျွန်စိတ်ဖျောက်ဖျက်မှုကို ကြိုးစားရဦးမည်။ ထိုသို့ကျွန်စိတ်ဖျောက်ပြီးမှ တဆင့်တက်ကြရမည်ဖြစ်ရကား “ကျွန်စိတ်ကို ဖျောက်ပါ၊ ကျွန်စော်နံတာကို ခဝါပေး၊ ကျွန်သွေးကို ဖောက်၍ထုတ်လိုက်ကြပါ” တိုက်တွန်း လိုက်ရပါကြောင်း။

နေသူရိန်

မဟာဆွေ စာပေါင်းချုပ် - ဒုတိယတွဲ (စာ - ၁၂၃/၁၂၅) မှ ….

မြန်မာနိုင်ငံစာပေနှင့် စာနယ်ဇင်းအဖွဲ့
၁၉၉၆